1 PITY 1:25 - Mara Bible RV (BSI)

²⁵ Abeipa bie deikua cha, Chhâzaw ta a y thlâh ha aw.” Cha bie cha thâtihpha ama cha chhopa cha a châ.

1 PITY 1:25 ပူးပေါင်းရင်းမြစ်များ

HLAZY 102:12

Nâ deikua cha, Hy Abeipa, Na beidyuchhai liata tlyzaw ta a tyuh chi ta; Chhâ zydua ta ama châ thei lymâ.

HLAZY 102:26

Chazy cha leidia aw ei ta, Chysia hawhta ama chy khai aw; Poh hawhta ri aw chi ta, Thypa ama châ aw; Nâ deikua cha na y thlâh ha aw.

HLAZY 119:89

Hy Abeipa, na bie cha chhâzaw ta y ta, Vârâh liata â i ngaitapa ta â duah thlâh haw.

ISAI 40:6

Ao ta, “Phuah teh!” tah ta. Kei ta, “Khâpa ma ei phuah aw?” tah na ta. Chyhsa zydua sibiepa hawhta châ ei ta, Ama chhithaina zydua chhao, Lyurâh pawpi hawh dei a châ.

ISAI 40:8

Sibiepa cha uah ta, Pawpi chhao a lo tyh; Eima Khazohpa bie deikua cha, Tlyzaw ta â duah aw.

MATHAI 5:18

Hmeiseihta ta ei cha chho ei, avâ nata alei a lei hlâlei cha, Ryhpa bie liata ropa châsâ chyh chaipa tlyma, achôpa di chaipa tlyma, ato zydua a tlôpaki khai hlâlei cha lei aw vei.

LUKA 16:17

Châhrasala ryhpa bie miakhata chhao a lei awpa hlâta, alei nata avâ leidia awpa a nao via.

ZAWHÂNA 1:1

Âthaona liata Bie y ta, Bie cha Khazohpa hnohta y ta, Bie cha Khazohpa a châ.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

1 KAWRINI 2:2

Zisu Krista nata khaipâpa ta a ypa kyh dei leipa cha, nama hry liata khâpa hmah pahno a chhuah va na.

EPHESI 2:17

Krista â vy nona khata, nâmo, lâhlapi ta a ypazy hnohta aryhna bie cha chho ei ta, lâhnia liata a ypazy hnohta chhao a cha chho hra ei.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

TITU 1:3

A daihtita liata a vaw luahpa chhâzaw hrona bie cha, Khazohpa miah Pachhatuhpa biepiepa ta pavaosapa châ na ta, cha bie a chhotuhpa, kei, Pawla heta,

HEBRAI 6:5

Khazohpa bie phana padi ta, daihti vaw y awpa liata hmotaotheina padi ha tawh chhao ta,

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

1 PITY 1:23

Chi rao theipa liata pihpathipa châ leipa ei chi ta, chi rao thei leipa, Khazohpa bie hroh thlâhpa nata a y thlâh hapa liata a pihpathipazy nama châ.

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.

2 PITY 1:19

Hrohsona bie a i via pachaipa hnei pi ta, khih vaw deih ta deiva awhsi nama palôh liata a vaw pua hlâlei zohna liata meiôh a khaih chypa hawhta, cha hrohsona biezy cha nama pachâ khiahta cha, nama châta a pha aw.

1 ZAWHÂNA 1:1

Hrona bie, âthaona liata a ypa, eima nah ta thei pi ta, eima mo ta eima hmôpa, moh thlâh ha pi ta, eima ku ta eima hriapa thâtih cha he he a châ.

1 ZAWHÂNA 1:3

Nâmo chhao ta miah namâ kao thei hra nawpa ta, eima hmôpa nata eima theipa cha nama hnohta eima phuah. Eimâ kaona cha Paw nata a Sawchapawpa Zisu Krista liata a châ.

BIEPHUAH 14:6

Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.