1 PITY 1:24 - Mara Bible RV (BSI)

²⁴ “Chyhsa zydua sibiepa hawhta châ ei ta, Ama rônahna zydua chhao, Sibiepa paw hawh dei a châ. Sibiepa cha uah ta, Pawpi chhao a lo tyh.

1 PITY 1:24 ပူးပေါင်းရင်းမြစ်များ

2 ABEIZY 19:26

Chavâta a chhô liata a ypazy cha, Thatlôna hnei leipa ei ta; Riahchhiepa ta y ei ta, Ama maophyuh hapa kha. Lyu chicheipa hawhta châ ei ta, Si panyupa ama lyu; Vâphuh liata sibiepa hawhta, Ama lai hlâta ama uah haw.

ZAWBÂ 14:2

Pawpi hawhta vaw pawh ta, Thlai a uah heih tyh; Nohpahlipa hawhta a zaw ta, Y khao vei.

HLAZY 102:4

Ei palôh he sibiepa hawhta uah ta, Pati nie khohna chhao hnei khao va na.

HLAZY 103:15

Chyhsapa la, a hro chhôh nohzy sibiepa hawh dei châ ta, Râh pawpi hawhta kaw pawh ta,

HLAZY 129:6

A seih hlâta a uah ha tyhpa, Vâphuh liata sibiepa hawhta châ mawh ei sy.

HLAZY 37:2

Sibiepa hawhta thlai raoh aw ei ta, Si hrohpa hawhta thlai ama uah aw.

HLAZY 39:6

A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

HLAZY 90:5

Tisaih hawhta âmo cha phaoh pathlah chi ta, Ramâ hawhta lei ei ta, My sibie hrohpa hawh dei ama châ.

HLAZY 92:7

Moleipazy cha sibiepa hawhta pyuhpa ta, Hmoparaopazy a sosâh kaw hra ei sala, Chhâzaw ta pahleipadia awpa ama châ.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

MATHAI 6:30

Hy nâmo, ngiapâ chyhpa saih u, râh liata sibiepa tanoh hroh ta, mylâ mei liata thy thlâh ha awpa hmahta Khazohpa ta cha tlatlu ta a tobi khiahta cha, nâmo chhochhi cha, cha tobi via syulyu aw veih ei ma?

ZÂMIE 4:14

mylâ khâpa hmo ma a y aw tahpa pahno tlôh ei chi va. Nama hrona cha khâpa ma a châ? Tihu buakha a vaw lâ ta, a lei heihpa hawh dei mah nama châ tâh.

1 ZAWHÂNA 2:17

Khizaw he a aohraohna chhaota a leidia hai. Khazohpa khopa a taotuhpa deikua cha, chhâzaw ta a y thlâh ha aw.