1 PITY 1:17 - Mara Bible RV (BSI)

¹⁷ Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.

1 PITY 1:17 ပူးပေါင်းရင်းမြစ်များ

ÂTHAONA 47:9

Zakaw ta Phiraoh hnohta, “Ei khitlyna kôzy cha kô 130 a châ. Ei hro chhôh kôzy cha chyhta ta, riethei â chhih kaw. Nâ pathlatuhpazy khitlyna nohzy liata ama hro chhôh kôzy a kho vei,” tah ta.

1 THÂTIHZYRONA 29:15

Miah pathlatuhpazy hawhna khata, keimo cha na hmiakô liata khichhaipa nata khitlyhpa hawh dei châ pi ta, alei liata eima hro nohzy he nohpahlipa hawh dei châ ta, hnabeiseih awpa rai y vei.

2 THÂTIHZYRONA 19:7

Abeipa eima Khazohpa liata cha adoleina, khokhei viapa hneina nata panaopapana lapazy y vei. Chavâta Abeipa chi u la, hmo nama taopazy liata a sohsi ngaita muh vy,” tah ta.

ZAWBÂ 34:19

Abeisawzy khokhei via hlei leipa ta, Dyhchhiepa hlâta dyhphapa hmia a moh via hlei leipa châ vei ma? Ama zydua ta ano kuzô sai châ veih ei ma?

HLAZY 39:12

“Hy Abeipa, ei thlahchhâna theipa ta, Ei awhna lâ he nah vaw pachôh la, Ei mothlihzy he a chalihsai khah y! Na hnohta khitlyhpa châ na ta, Nâ pathlatuhpazy hawhna khata, Khichhaipa dei ei châ hih.

HLAZY 89:26

Na aw aw ta, ‘Ei Paw châ chi ta, Ei Kha­zohpa nata ei pachhana lôpanô na châ,’ Eina tah aw.

BIESOZY 14:16

Asopa cha a chado kaw ta, Hmo pha leipa tao vei; Ahrupa deikua cha a riah pha kaw ta, Pachâ tua leipa ta hmo a tao tyh.

BIESOZY 28:14

Abeipa khâ a chipa chyhsa cha vânoh to aw ta, A palôh kuh khâ a pachhapa deikua cha chhiena lâ a tla aw.

ZEREMIAH 3:19

“‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

ZEPHANIA 3:9

“Cha daihti liata, Phopizy hmao panano aw na ta, Hmao pathaihpa ta ei tao aw ei; Chatanachata ama zydua ta Abeipa moh pado aw ei ta, Lôraohpa ta ano ama chakao aw.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

MATHAI 6:9

Chavâta nâmo la hetana heta thlahchhâ tyh muh vy: “‘Eima Paw vârâh liatapa, Na moh zachhih mawh sy.

RAWMA 11:20

 do. Âmo cha ngiapâleina vâta thliepa châ ei ta, nâ deikua cha ngiapâna vâta a duahpa na châ. Chavâta a palai leipa la, tlao chi mah y.

2 KAWRINI 1:2

Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

2 KAWRINI 5:6

Chavâta riahphapa ta eima y tyh. Pôhpa o liata eima y chhôh deita he Abeipa tawhta eimâ hla chypa pahnopa ta,

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

2 KAWRINI 7:11

Khazohpa liata nama pachârôhna ta nâmo liata a sa papuapa hmozy he moh tua u. Phahnai ngiahna, reipasipasua hlao lei awpa khona, adona hrokhei khohna, Khazohpa china, mopathaihpazy vâna, khopasana nata ryureina dopa hmô khohna zy nâmo liata a sa papua. He kyh liata kao to liata nama pathaihzie nâmo tlai ta nama palâsa haw.

KALATIA 2:6

Chyhsa peimawhpa hawhta a lâpazy he, ama châna vâta kei liata ananona y hlei vei. Khazohpa cha khôtho lâ alânazie ta pachia vei. Chyhsa peimawhpa hawhta a lâpazy heta na phahnaikhei hlei veih ei.

EPHESI 1:17

Krista nama pahno pasia thei nawpa ta, eima Beipa Zisu Krista Khazohpa, rônahna Paw ta sona nata aluahna Thlahpa a cha pie awpa ei ta thlah ei cha chhâpa ei.

EPHESI 3:14

Cha vâna chata Paw hmiakô liata pakhu paneihpa ta ei bôh tyh.

EPHESI 6:9

Nâmo, zibeipazy saih u, cha hawhna chata nâmo chhao nama seizy chô liata tao hra teh u. Âmo chhao, nâmo chhao, avâ liata zibeipa pakha nama hneipa pahnopa ta, ano liata cha khokhei eih viapa y veih ei tahpa pahnopa ta, nama seizy pachhipary khuh vy.

RYHPACHANEINA 10:17

Abeipa nama Khazohpa cha khazohzy Khazohpa, beizy Beipa, Khazoh rônahpa, Khazoh thatlôpa nata chichhihpa, khokhei hlei hnei leipa nata panaopapana hmo a la beih leipa a châ.

PHILIPI 2:12

Chavâta kho ngaitapazy saih u, bie nama zyh tyhpa hawhna khata, ei y nota dei hria leipa u la, tahmâ ei y vei chhôh ta tlao hria viapa ta, chipa nata chalyupa ta nama pachhana cha hria papua teh u.

KAOLAOSÂ 3:25

Hmo doleipa a taopa cha, hmo doleipa a taopa mâ a hmô aw. Khokhei viapa y veih ei.

HEBRAI 12:28

Chatanachata khinarâh a chalyu thei leipa eima topa vâna heta, alyna châh pahno sih la, a pyh tlâhpa achhyna cha, china nata zana chôta Khazohpa lâ hlâ ei suh u,

HEBRAI 4:1

Chavâta â pahâna liata a ngia awpa bietai y thlâh ha tlôhpa ta, nama hry liata a ngia tlâh leipa nama y pathlei lei nawpa ta, chi ei suh u.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.

1 PITY 3:15

Nama palôh liata deikua cha, Krista cha Abeipa ta hnei u la, hnabeiseihna nama hneina chhâpa châ hiahripa maih a chhy awpa ta khatino rai ta a mâ chiehpa ta y teh u. Cha hawhta nama tao tita deikua, nônaina, zana nata