1 PITY 1:15 - Mara Bible RV (BSI)

¹⁵ Châ awtuhpa ei a pathaihpa hawhta, nâmo chhao nama yzie zydua liata pathaihpa ta y teh u.

1 PITY 1:15 ပူးပေါင်းရင်းမြစ်များ

ISAI 35:8

Cha liata lâlai y aw ta, Pathaihna Lâpi tahpa a châ aw; Pathaihna lâpi a chhihtuhpazy châta châ aw ta, Pathaih leipazy ta a chhih aw veih ei; Moleipa ahrupazy chhao, Cha liata sie aw veih ei.

ISAI 6:3

Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

MATHAI 5:48

Nama Paw avâ liata a ypa a sia pakipa hawhta, nâmo chhao nama sia paki awpa a châ.

RAWMA 9:24

Cha ngiachhiena beihzy cha, keimo, Zuzy hry tawhta a awpazy dei châ leipa pi ta, Zenitaizy hry tawhta a awpazy chhao eima châ hra.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

PHILIPI 3:14

Khazohpa ta Krista Zisu liata chô lâ eina awna chhâpa lymâ hmô awpa ta, anuapa lâ pangaipa ta ei sie lylia.

PHILIPI 3:20

Keimo khihsana deikua cha vârâh liata y ta, vârâh tawhta Pachhatuh Abeipa Zisu Krista a zu awpa cha ngiatiah leipa ta eima hâ.

1 THYSALAWNIKA 2:12

A khinarâh nata a rônahna lâta nâmo châ awtuhpa Khazohpa chyhsa tlâh nama châ thei nawpa ta, cha pasyu pi ta, nama tha cha patlô pi ta, bie eima cha pie.

1 TIMAWTHY 4:12

Thyutliapa na châpa vâta ahy hmahta cha mohnao khah ei sy. Bie rei kyh liata zy, yzie kyh liata zy, kyhpachâna kyh liata zy, ngiapâna nata pathaihna kyhzy liata ngiapâtuhpazy a mopâ awpa ta tlao y mah y.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

TITU 3:14

Eima chyhsazy cha pathei leipa ta ama y lei nawpa ta, bao ngiahpazy bao ei sala, hmo pha taona liata a hmâ lymâ awpa ta a chu mawh ei sy.

TITU 3:8

Khazohpa a ngiapâpazy cha hmo pha taona liata a hmâh lymâ mawh ei sy, tahpa bie cha ngâ tlâhpa châ ta, cha bie cha na reih lymâ awpa ei khoh. Cha cha hmo phapa châ ta, chyhsazy ta amâ thôkhei aw.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

ZÂMIE 3:13

Nama hry liata ahy ma asopa nata novâhpa a y? A reisi ngaitapa nata so ngaitapa ta, a hmotaopazy cha hrozie phapa ta pamosa mawh sy.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 PITY 3:16

chhie nata pha pahnona pathaihpa hmâpa ta nama tao awpa a châ. Chatanachata Krista liata nama hrozie phapa a reipachhie tyhpazy cha maophyuhpa ta ama y aw.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

1 ZAWHÂNA 3:3

Ahy rai ano liata hnabeiseihna a hneipa maih cha, ano a pathaihpa hawhta, anosasyh ta â pathaisa tyh.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.