1 PITY 1:12 - Mara Bible RV (BSI)

¹² Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

1 PITY 1:12 ပူးပေါင်းရင်းမြစ်များ

PUASAINA 25:20

Cherubizy cha zawngiahna dyuchhai lâ a heih aw ei ta, hmia amâ chhy aw. Ama mathlawzy â sâhpa ta pakai aw ei ta, ama mathlawzy ta zawngiahna dyuchhai cha ama khu aw.

BIESOZY 1:23

Ei chhoreina lâ namâ vaw heih khiahta cha, Pachâ teh u, ei thlahpa cha hry aw ei na ta, Ei biezy ei cha pahnosa aw ei.

ISAI 32:15

Chô lâ tawhta Thlahpa hrypa eima châ tita, Râhchawhpa cha lei phapa lyu lâta a lie aw ta, Lei phapa lyu cha râhmâhpa a lyu hlâlei cha, Cha hawhta a châ aw.

ISAI 53:1

Ahy ma keimo tawhta bie a theipa a ngiapâ ta, Ahy hnohta ma Abeipa bâh phualuahpa a châ tly?

DÂNIAH 10:1

Persia bei Kôresâ kô thôh â bei kô ta, Dâniah, a moh Beltesâza bipa hnohta bie vaw tlô ta. Bie cha a do ta, adyuhna rarôh ypa kyh a châ. Bie cha pahno thai ta, aluahna chhao cha a pahno thai hra.

DÂNIAH 12:13

Nâ deikua cha na sie nawpa lâpi liata a chhâna taihta sie mah y. A pahâ aw chi ta, nohzy a chhâ tita, na lymâ hmô awpa ta na thyu heih aw,” tah ta.

DÂNIAH 12:9

Ano ta, “Dâniah y, na sie nawpa lâpi liata sie thlâh ha mah y, biezy cha chhâna daihti taih châta khaw hapa nata baipâ hapa châ ha tlôh ta.

DÂNIAH 2:19

Chatanachata bienyupa cha zâ ta aluahna liata Dâniah hnohta palâhâhpa châ ta. Dâniah ta avâ Khazohpa cha reithai ta.

DÂNIAH 2:22

Hmo a thupa nata a nyupazy palâhâh ta, Zohna liata a ypa pahno ta, A hnohta khaihna a pahrâ.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 8:13

Chatawhcha mopathaihpa pakha bie reipa thei na ta, mopathaihpa hropa ta bie a reihpa mopathaihpa hnohna chata, “Raopa hlâna hlâ tyhpa kyh, roryhrana patlôsatuhpa paraona kyh nata phei ry liata tlypâ awpa ta su pathaihpa nata sahlaozy hlâpa ta ama yna kyh aluahnazy he khati taih ma a châ aw?” tah ta.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

ZÔELA 2:28

“Cha hnôhlâ liata cha, Hetana heta a vaw y aw: Chyhsa zydua chô liata ei Thlahpa hry aw na ta, Nama sawchapawzy nata nama sawchanôzy ta hrohsona bie ama phuah aw; Nama pawpipazy ta mâ sa aw ei ta, Nama thyutliazy ta aluahnazy ama hmô aw.

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

MATHAI 16:17

Zisu ta a hnohta, “Saimaw, Zawna sawchapawpa, na nohlao na! Sapa nata thisaih ta a cha pahnosapa châ leipa ta, ei Paw vârâh liata a ypa ta a cha pahnosapa a châ.

MÂKA 16:15

Ama hnohta, “Khizaw zydua liata sie u la, hmotaopa zydua hnohta thâtihpha chho teh u.

LUKA 15:10

Ei cha chho ei, cha hawhna hra chata, Khazohpa vâlyuhchâpazy hmiakô liata cha, molei ropa pakha chô liata alyna a y tyh?” tah ta.

LUKA 2:26

Abeipa bietaipa Krista a hmô hlâta cha thina a hmô lei awpa kyh Thlahpa Pathaihpa ta vaw pahnosa ha ta.

LUKA 9:6

Chatanachata sie ei ta, khihzy chahryh ei ta, su to liata thâtihpha chhopa ta tlâhleipazy patlâh lymâ ei ta.

ZAWHÂNA 15:26

“Châhrasala Paw tawhta ei cha vaw tuapa awpa ei Thlapalôhtuhpa, biehmeiseihpa Thlahpa, Paw tawhta a puapa cha a vaw tlô tita, nâ pahnokheituhpa a châ aw.

HMOTAOPAZY 10:44

Pity ta cha biezy cha a rei hai nota, bie a theituhpa zydua chô liata Thlahpa Pathaihpa vaw tlô ta.

HMOTAOPAZY 16:10

Cha aluahna cha Pawla ta a hmô nahta, ama hnohta Thâtihpha chho awpa ta Khazohpa ta miah a aw tahpa pahno pi ta, chatanachata Mâsidônia râh lâ cha thlai sie a chhuah pi ta.

HMOTAOPAZY 2:33

Khazohpa ku chachâh lâta palyupalihpa ta y ta, Thlahpa Pathaihpa pie awpa bietai Paw tawhta hmô ta, nama hmôpa nata nama theipa hawhna heta, Thlahpa Pathaihpa hrypa a châ hih.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

HMOTAOPAZY 4:8

Pity cha Thlahpa Pathaihpa ta bie ta, ama hnohta, “Phopi ryureituhpazy nata machâzy saih u,

HMOTAOPAZY 8:25

Pity nata Zawhâna cha Abeipa bie a châhkhei ei ta, ama chho khai nahta, Samâri râh khih hluhpi liata thâtihpha chho lymâna chôta, Zerusale lâ a lie ha ei ta.

RAWMA 1:15

Chavâta nâmo, Rawma khih liata a ypazy hnoh chhao ta, thâtihpha cha chho awpa a ngiatiah va na.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.

RAWMA 10:15

Tuapa ama châ vei khiahta cha, kheihta bie ama chho thei aw? “Thatihpha a vaw tlôkheituhpazy phei cha â ngia kaw dia!” tahpa ta ropa a châ.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

1 KAWRINI 2:10

Keimo hnohta deikua cha, Khazohpa ta a Thlahpa hmâpa ta a phuah haw. Thlahpa cha ato pahno ta, Khazohpa palôh chhôh chaipazy a pahno.

2 KAWRINI 1:22

Ano eih eima châpa miah ngiatuhpa chhao châ ta, bie ataihna châta a Thlahpa eima palôh liata miah pietuhpa a châ hra.

2 KAWRINI 6:6

hro pathaihna liata zy, pahnona liata zy, daotheina liata zy, nôphana liata zy, Thlahpa Pathaihpa liata zy, kyhpachâna hmeiseihpa liata zy;

KALATIA 1:12

Chyhsa tawhta ei daopa thâtihpha châ leipa ta, eina pachupa ei thâtihpha châ hra vei, Zisu Krista aluahna ta ei daopa thâtihpha a châ.

KALATIA 1:16

Zenitaizy hry liata a thâtihpha ei chho thei nawpa ta, Khazohpa ta a Sawchapawpa cha palôhtlâh ngaitapa ta kei liata a vaw paluahsa. Kha nona kha ahy hmah a saohiah veih ei na.

EPHESI 3:10

Chatanachata Khazohpa sona hnei hluhzie cha, avâ suzy liata ryureihtuhpazy nata biehneituhpazy hnohta, Awnanopa hmâpa ta pahnosapa ta a y thei aw.

1 THYSALAWNIKA 2:9

Unawh saih u, eima hriapasazie nata eima rietheizie zy kha namâ thei aw. Khazohpa thâtihpha eima cha chho nona kha, ahy phaohri hmah eima châ lei nawpa ta, chhô nah zâ ta eima hria tyh.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

HEBRAI 11:13

Cha zydua cha ngiapâna hneipa ta thi ha ei ta. Ama hnohta bietaipa hmozy ama to mâh leipa chhao ta, lâhlapi tawhta saipa ta a naoh ei ta, alei liata cha khichhaipa nata khitlyhpa dei ama châ tahpa ama pahno.

HEBRAI 2:4

Khazohpa chhao ta ngianazy, hmonoâhpazy nata hmotaotheina to ta nata a khozie hawhta Thlahpa Pathaihpa hmopiepazy piepa ta a pahnokhei.

HEBRAI 4:2

Ama hnohta thâtihpha chhopa a châpa hawhta, keimo hnohta chhao chhopa châ ta, châhrasala bie ama theipa cha ngiapâna ta a pa-i leipa vâta, âmo châta phahnaina hnei vei.

1 PITY 1:25

Abeipa bie deikua cha, Chhâzaw ta a y thlâh ha aw.” Cha bie cha thâtihpha ama cha chhopa cha a châ.

1 PITY 4:6

Cha vâna chata athihpa hnoh chhao ta thâtihpha chhopa a châ. Sapa ta a ypa chyhsazy hawhta pachiapa ama châpa chhao ta, Khazohpa hawhta thlahpa ta ama hroh ha aw.

BIEPHUAH 5:11

Chatawhcha kaw moh na ta, beidyuchhai nata hmohrohneipazy nata machâzy chheipâh liata vâlyuhchâpa hluhpi ao thei na ta, ama hluhzie cha thysâh hluhpi ama châ.