1 PITY 1:1 - Mara Bible RV (BSI)

¹ Zisu Krista lyuhchâpa Pity ta Pawntu, Kalatia, Kâpadôkia, Asia nata Bithunia râhzy liata paipatlapa ta a ypa atlyhpa sahlao,

1 PITY 1:1 ပူးပေါင်းရင်းမြစ်များ

ESTHERI 3:8

Hâmâ ta Bei Ahasuarâ hnohta, “Nâ beinarâh bia to liata phopizy hry liata a hiepatlapa nata a paipatlapa phopi miakha y ta. Ama ryhpazy cha phopi hropazy ryhpa nata anano ta, abei ryhpazy zyh leipa ei ta, chavâta cha hawhpa chyhsazy chhyhthaipa cha abei châta athôhna y vei.

HLAZY 44:11

Thie awpa mietaku hawhta miah tao chi ta, Phopizy hry liata miah na hiepatla haw.

EZEKIA 6:8

“‘Chatahrasala laibâhpazy ei cha pahlôh aw ei. Râhzy nata phopizy hry liata hiepatlapa ta nama y tita, thokha cha zaozi nama khôkhâh aw.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

MATHAI 10:2

Lyuhchâpa pahrawh hleinozy moh cha hezy he ama cha: A hmiatua chai ta, Saimaw, Pity ama bipa nata a unawhpa Adaru; Zebâdi sawchapawpa Zâmie nata a unawhpa Zawhâna;

MATHAI 24:22

Cha nohzy cha pachyusapa châ leipa sala, chyhsa ahy hmah a hrohpa y aw veih ei. Châhrasala atlyhpazy vâta, cha noh cha pachyusapa a châ aw.

MATHAI 4:18

Kâlili Tipo kiah liata a sie hai nota, unawh pano, Saimaw, Pity ama tahpa nata a unawhpa Adaru zy cha tilaipi liata sao ama vaw ngâpa hmô ta. Âmo cha nga patutuhpazy ama châ.

LUKA 18:7

Khazohpa chhochhi ta cha, â tlyhpa, chhô nah zâ ta ano a awsaopazy châta hmo dopa taopa leipa ta a y aw ma? A pahawh pasâh aw ma?

ZAWHÂNA 11:52

Izarei phopi châta dei châ leipa ta, Khazohpa saw râh to liata hiepatlapazy hlao kha ta syhpahmaoh nawpa a châ hra.

ZAWHÂNA 7:35

Zuzy cha âmo nata âmo ta, “Eima hmô thei lei nawpa ta, he chyhsa he khataih lâ ma a sie aw tly? Krikâh chyhsa paipatlapazy lâ siepa ta, Krikâh mo pachu â chhuahpa ma a châ tly?

HMOTAOPAZY 18:2

Cha liata Akuilâ ama tahpa Zu chyhsa pakha hmô ta. Cha chyhsa cha Pawntu râh liata a pihpa châ ta, Klaudia ta Zu chyhsa zydua Rawma khih tawhta pua awpa ta bie a piepa vâta, a lapinô Priskilâ nata Itali râh tawhta atlia ta a vaw tlôpa ama châ. Pawla cha âmo a hmô awpa ta vawh ta.

HMOTAOPAZY 18:23

Cha liata khachâ rakha tlyma a y tawhta, sie heih ta, pachupa sahlao zydua thapatlô laihpa ta, Kalatia râh nata Pharuzia râhzy chahryh ta.

HMOTAOPAZY 19:10

Cha hawhna chata kô no chhôh tao ta, chatanachata Asia râh liata a ypa Zuzy nata Krikâh zydua ta Abeipa bie thei ei ta.

HMOTAOPAZY 6:9

Sei Puapa sahlao pakhyna o ama tahpa tawhta chyhsa thokha, Kurini, Alezandria, Silisia nata Asia râhzy tawhta Zu chyhsazy vaw thyu ei ta, Stiphana bie cha vaw chakhia ei ta.

HMOTAOPAZY 8:4

Paipatlapazy cha su to liata siepa ta, bie chho lymâ ei ta.

1 KAWRINI 16:19

Asia râh Awnanopazy ta ama châ naoh. Akuilâ nata Priskilâ nata ama o liata Awnanopa a pakhypazy ta Abeipa liata palôh hmeiseihpa ta ama châ naoh.

2 KAWRINI 1:8

Unawh saih u, Asia râh liata pasa eima taopa kyh kha nama pahno lei awpa khoh ma pi. Eima tao thei awpa hlâta a hri viapa ta miah vi ta, hro awpa chhao a ngâ khao ma pi.

KALATIA 1:2

ei hnohta unawh a ypa zydua ta Kalatia râh liata Awnanopazy eima châ naoh.

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.

EPHESI 2:19

Chavâta tahmâ la khichhaipa nata khitlyhpa dei châ khao veih ei chi. Mopathaihpazy nata hmaohkha ta khinarâh sawzy châ ha ei chi ta, Khazohpa chhôhkhazy tlao nama châ haw.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.

RYHPACHANEINA 32:26

A tlawh ta pachhaih aw ei na ta, Khizaw ta â thei khao lei awpa ta ei pamua aw ei,’ Vaw tah ha aw sah la a pha awpa tlai.

RYHPACHANEINA 4:27

Abeipa ta phopizy hry liata cha papai aw ei ta, Abeipa ta a cha papaina phopizy hry liata a chyhta dei pahlôhpa nama châ aw.

2 TIMAWTHY 1:15

Asia râh liata a ypa zydua ta einâ heihsai ha ei tahpa pahno chi ta, ama hry liata Phukelâ nata Hamôkene zy amâ hlao hra.

HEBRAI 11:13

Cha zydua cha ngiapâna hneipa ta thi ha ei ta. Ama hnohta bietaipa hmozy ama to mâh leipa chhao ta, lâhlapi tawhta saipa ta a naoh ei ta, alei liata cha khichhaipa nata khitlyhpa dei ama châ tahpa ama pahno.

ZÂMIE 1:1

Khazohpa nata Abeipa Zisu Krista chakaotuhpa Zâmie ta chi hrawh hleino paipatlapazy ei châ naoh ei.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

BIEPHUAH 1:11

“Kei he Alphâ nata Ômekâ, âthaona nata achhâna ei châ. Na hmo hmôpa kha châbu liata roh la, Awnanopa hlao sarizy, Ephesi, Smynâ, Pekamu, Thiatirâ, Sadisâ, Philadelphia nata Laodisi Awnanopazy lâ paphao mah y,” a tahpa thei na ta.