1 KAWRINI 9:8 - Mara Bible RV (BSI)

⁸ Cha biezy cha chyhsapa biehneina ta ei reipa dei ma a châ? Ryhpa bie chhao ta, cha biezy tlai cha reih hra vei mâ?

1 KAWRINI 9:8 ပူးပေါင်းရင်းမြစ်များ

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

RAWMA 3:31

Cha khiahta la, ngiapâna vâta ryhpa cha hraoleipa ta eima pachâsa ma? Châ bao va! Ryhpa cha tlao eima pa-ipa a châ.

RAWMA 3:5

Châhrasala keimo sialeina ta Khazohpa siana a palâsa khiahta cha, khâpa eima reih khao aw? Eima chô liata a hiehâhna a patlôsana kyh liata, Khazohpa cha sialeipa a châ ma? Cha cha chyhsapa lâ tawhta ei reipa a châ.

RAWMA 6:19

Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

1 KAWRINI 14:34

chanôzy cha Awnanopa pakhynazy liata a chalihpa ta y mawh ei sy. Bie rei pasaipa châ veih ei. Ryhpa ta a reipa hawhta, a ngiarihpa ta ama y awpa a châ.

1 KAWRINI 7:40

Châhrasala keima pachâna liata cha, a y tyhpa hawhta y sala, a ly via aw khiah ma ei tah. Kei chhao Khazohpa Thlahpa ei hnei tahpa ei pahno.

KALATIA 1:11

Unawh saih u, thâtihpha ei chhopa kha, chyhsapa thâtihpha châ vei tahpa nama pahno awpa ei khoh.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.