1 KAWRINI 9:7 - Mara Bible RV (BSI)

⁷ Ahy ma anosasyh a chyhpa ta pheisaih rai a hria beih tly? Ahy ma kre sadô tao ta a thei nie leipa ta a y beih? Ahy ma sahroh zao ta, a sâhpiti do leipa ta y beih?

1 KAWRINI 9:7 ပူးပေါင်းရင်းမြစ်များ

BIESOZY 27:18

Theiku kô a mohôhpa ta a thei nie aw ta, A zibeipa a chakaopa chhao palyupalihpa a châ aw.

BIESOZY 27:27

Na pati châta mie sâhpiti â daihpa ta hnei aw chi ta, Na chhôhkha châta nie awpa y aw ta, Na sawchanôzy mohôhna châta chhao â khi aw.

HLAZY HLA 8:12

Ei kre sadô, keima kre sadô tlai cha ei hmiakô liata a y hih; Hy nâ Sawlawmaw, nâ ta sâh kha hnei la, Theilâpa mokhâhtuhpazy ta za no hnei mawh ei sy.

ISAI 7:22

sâhpiti hluhpi ama papua awpa vâta, sâhpiti kuapazy a nie tyh aw. Râh liata pahlôhpa zydua chhao sâhpiti kuapa nata kheihti ama nie tyh hra aw.

HMOTAOPAZY 20:28

Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.

RYHPACHANEINA 18:8

A paw ryu a zuapa tawhta sôh a hmôpa thota, theihthaipazy tovyuh awpazy a to pâ aw.

RYHPACHANEINA 20:6

Kre sadô tao ta a thei a nie mâh leipa nama y ma? Kua sala a o lâ a di mawh sy. Chataleipatala adyuhna liata thi pathlei aw ta, chyhsa hropa ta a kre sadô thei a nie pathlei aw.

1 TIMAWTHY 1:18

Ei saw Timawthy y, nâma kyh liata hrohsona bie phuah chhieliepa hawhna khata, adyuhna phapa ta nâ dyuh thei nawpa ta, he biepiepa he na chô liata ei pahnieh.

1 TIMAWTHY 6:12

Ngiapâna ta adyuhna phapa a dyuh la, chhâzaw hrona patu mah y. Cha cha to awpa ta awpa châ chi ta, pahnotuhpa hluhpi hmiakô liata a phapa ta nâ duakheipa kha a châ.

2 TIMAWTHY 4:7

Adyuhna phapa a dyuh khai ha na ta, ei râpasuana patlô ha na ta, ngiapâna cha ei vao thlâh haw.

1 PITY 5:2

Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.