1 KAWRINI 9:5 - Mara Bible RV (BSI)

⁵ Lyuhchâ hropazy, Abeipa unawhzy nata Kephâ hawhta, ngiapâtuhpa lapinô ta hneipa ta, ano a chhi theina biehneina hnei ma pi ma?

1 KAWRINI 9:5 ပူးပေါင်းရင်းမြစ်များ

HLAZY HLA 4:12

Ei sietanô cha sadô khawpa châ ta, Ei myuh thieh cha tihnawh chhie pachhôpa, Tikhaoh pamaipa a châ.

MATHAI 13:55

He chyhsa he zôthaipa sawchapawpa kha châ vei ma? A nô chhao Mâri ama tahpa kha châ vei ma? A unawhzy chhao Zâmie, Zawsi, Saimaw nata Zudâh zy châ veih ei ma?

MATHAI 8:14

Zisu Pity o liata â ngia nahta, a pihnô cha chasipa ta â zia thlâh hapa hmô ta.

MÂKA 1:30

Saimaw lapinô nô cha chasipa ta tlâh leipa ta, a zia thlâh ha ta. A thâtih cha Zisu thlai chho ei ta.

MÂKA 6:3

He chyhsa he Zâmie, Zôse, Zudâh nata Saimaw zy unawhpa, Mâri sawchapawpa, tho zôthaipa kha châ vei ma? A sietanôzy chhao, he liata eima hnohta y thlâh ha veih ei ma?” tah ei ta. Chavâta a chô liata ama palôh châ leipa ta.

LUKA 6:15

Mathai, Thawma, Alphu sawchapawpa Zâmie, Zilô py liatapa Saimaw,

LUKA 8:20

A hnohta, “Na nô nata na unawhzy ta châ hmô khoh ei ta, khôtho liata amâ duah thlâh haw,” tahpa ta chho ei ta.

ZAWHÂNA 1:42

Adaru ta Saimaw cha Zisu lâ a chhi ta, Zisu ta ano cha vaw moh ta, “Zawhâna sawchapawpa Saimaw na châ, Kephâ ama cha tah ha bâ aw,” tah ta. Kephâ cha Pity tahna a châ.

ZAWHÂNA 2:12

Cha khai tawhta Kâpynia khih lâ zu ta, a nô nata a unawhzy nata a pachupazy chhao a hnohta zu hra ei ta. Cha liata noh chyhta y ei ta.

HMOTAOPAZY 1:14

Cha sahlao zydua cha chanôzy nata Zisu nô Mâri nata Zisu unawhzy chhaota, palôh a raohpa ta, phahnai khoh ngaitapa ta thlahchhâ tyh ei ta.

RAWMA 16:1

Eima sietanô Phibi, Kenkaria Awnanopa liata chakaotuhpa pahnokheina nâmo lâta ei vaw roh.

1 KAWRINI 1:12

Ei rei khohpa cha he he a châ. Pakha ta, “Kei Pawla py ei châ,” tah ta, pakha ta, “Kei Apawlôsâ py ei châ,” tah ta, mohropa ta “Kei Kephâ py ei châ,” tah ta, mohropa heih ta, “Kei Krista py ei châ,” nama tah.

1 KAWRINI 7:15

Ngiapâleipa ta â kaolâhpa â chhaih khoh khiahta deikua cha, a chhaih thlâh ha mawh sy. Cha hawhpa liata la, ngiapâtuhpa vahpa nata lapinô cha chahrypa châ khao veih ei. Khazohpa ta adyryhpa ta y awpa ta miah a aw.

1 KAWRINI 7:39

Lapinô cha a vahpa hro chhôh zydua cha chahrypa a châ. A vahpa a thi ha khiahta deikua cha, a khopa maih a hnei thei. Anodeikua cha Abeipa liata a ypa chyhsa a châ awpa a châ.

1 KAWRINI 7:7

Chyhsa zydua ta keima hawhta y khai ei sala tahpa ei khoh. Châhrasala chyhsa to Khazohpa tawhta hmopiepa hnei chyu ei ta, pakha ta hmopiepa miakha hnei ta, mohropa ta hmopiepa hropa a hnei.

1 KAWRINI 7:8

Dyhchâ leipazy nata nôhmeizy hnohta hetana heta ei tah. Keima hawhta dyhchâ leipa ta y ei sala ama châta a pha.

KALATIA 1:19

Abeipa unawhpa Zâmie dei leipa cha, lyuhchâpa hropa ahy hmah hmô va na.

1 TIMAWTHY 3:2

Awnanopa chhituhpa cha seina hnei leipa, lapinô pakha a hneipa, a sohsi theipa, sasyh a vao pahniepa, zachhihpa, chyhsa papyupahly a thaipa, a pachu theipa,

1 TIMAWTHY 4:3

Nôvah ahneina pakhâ ei ta, biehmeiseihpa pahnotuhpa nata ngiapâtuhpazy ta alyna bie reina chôta nie awpa Khazohpa ta a taopa niedozy nie lei awpa ta bie ama pie.

1 TIMAWTHY 5:2

Nôhrâhpazy nô hawhta moh la, chanô thyutliazy cha sietanôzy hawhta pathaih kawpa ta moh mah y.

TITU 1:6

Awnanopa chhituhpa châ awpa ta cha, seina hnei leipa, lapinô pakha a hneipa, a sawzy nôchhiepa nata reingiah leipa châ leipa ta, ngiapâtuhpa ama châ awpa a châ.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.