1 KAWRINI 9:3 - Mara Bible RV (BSI)

³ Nâ pasiatuhpazy ei chhyna cha he he a châ.

1 KAWRINI 9:3 ပူးပေါင်းရင်းမြစ်များ

LUKA 12:11

Pakhyna ozy liata nata ryureituhpa nata biehneituhpazy hmiakô liata ama châ chhi tita, kheihta ma eimâ chhy aw, khâpa bie ma eima rei aw tahpa ta nama thlazoh khah sy.

HMOTAOPAZY 22:1

Pawla ta, “Unawhzy nata pawzy saih u, tahmâ nama hnohta ei thaichâna bie ei rei awpa he nathlie teh u,” tah ta.

HMOTAOPAZY 25:16

Kei ta ama hnohta, ‘Ama leihpa chyhsa ta a leihtuhpazy hmiakô liata a thaichâna bie hmiadaisâ ta a rei ha tua leipa ta thailei pachâsapa cha, Rawma taozie châ vei,’ tahpa ta ei chhy ei.

1 KAWRINI 14:37

Chyhsa ta hrohsopa hawhta tlyma, thlahpa chyhsa hawhta tlyma, â pachâ khiahta cha, nama hnohta bie ei ropazy he Abeipa biepiepa a châ tahpa pahno mawh sy.

1 KAWRINI 9:2

Mohropazy châta lyuhchâpa châ vei hraw sah la, nâmo châ chhâ ta la ei châ, nâmo tlai he Abeipa liata lyuhchâpa ei châna chahnao pa-ina cha nama châ.

1 KAWRINI 9:4

Nie theina nata do theina biehneina hnei ma pi mâ?

2 KAWRINI 13:10

Cha vâna chata nama hnohta ei y vei nota, he biezy he ei ropa a châ. Chatanachata ei vy tita, Abeipa ta biehneina eina piepa ei hmâna kyh liata, pasa kawpa ta hmâh leipa ta ei y thei aw. Parao nawpa châta châ leipa ta, padua nawpa châta Abeipa ta biehneina eina pie.

2 KAWRINI 13:3

Keima hmâpa ta Krista ta bie a reih ma tahpa pasiana nama tluapa cha nama hmô aw. Ano cha nama chô liata hmotaona kyh liata chiehleipa châ vei. Hmotaothei ngaitapa ta nama hry liata a ypa a châ.

2 KAWRINI 13:5

Ngiapâna liata nama y ma tahpa nâmosasyh ta a mohpasia u la, nâmosasyh ta a pasia teh u. Zisu Krista cha nâmo liata a y tahpa nâmo tlai ta pahno veih ei chi mâ? Pasiana liata a tloh leipa nama châ vei khiahta cha, nâmo ta nama pahno aw.

PHILIPI 1:17

Hiatliana nata a iehkhyhna vâta Krista thâtihpha a chhopazy deikua cha, ei tâhna liata pasana baichha a chhuahpa ta, palôh hmeiseihpa ta châ leipa ta, aiehkhyhna vâta Krista bie ama chho.

PHILIPI 1:7

Bâlia ei kypa liata nata thâtihpha a duakheipa ta ei pa-ina kyhzy liata Khazohpa ngiachhiena ei tolâhpazy nama châpa vâta, ei palôh liata khâ nama y. Chavâta nama zydua chô liata cha hawhpa palôh ei phaopa cha, kei châta tao awpa dopa a châ.

2 TIMAWTHY 4:16

Ei thaichâna bie ei rei tua nota ahy hmahta nâ duakhei leipa ei ta, tlao eina pathlua khai ha ei. Maochhiepa ta y khah ei sy!