1 KAWRINI 9:22 - Mara Bible RV (BSI)

²² Chiehleipazy ei pahnie thei nawpa ta, chiehleipazy hnohta chiehleipa hawhta ei y tyh. Kheihawhta chhâ ma chyhsa thokha ei pachha thei nawpa ta, chyhsa zydua hnohta ato châpa ta ei y tyh.

1 KAWRINI 9:22 ပူးပေါင်းရင်းမြစ်များ

RAWMA 11:14

Chatanachata ei chiheih Zu chyhsazy hia patliasapa ta, khazie chhâ ma pachha thei aw veih ei na ma ei tah.

RAWMA 14:1

Ngiapâna liata chiehleipa chyhsa cha a pyh thai u la, â lôhleina kyh liata sei khuh vy.

RAWMA 14:2

Chyhsa pakha cha â ngiapâna ta ato nie thei awpa ta pachâ ta, chyhsa chiehleipa deikua cha âhnalasi deita a nie tyh.

RAWMA 15:1

Keimo, thatlôpazy pi heta keimo alyna tlua leipa ta, chiehleipazy ama pachyu leina liata eima bao awpa a châ.

RAWMA 15:2

Eima vaihzy thapatlô sih la, ama pha nawpa taopa ta palysa a chhuah chyu suh u.

1 KAWRINI 10:33

Kei chhao ta, chyhsa hluhpi pachha ama châ thei nawpa ta, keima athôhna tlua leipa na ta, chyhsazy athôhna tluapa ta, hmo ei taopa to liata chyhsa to palysa tlao ei chhuah tyh.

1 KAWRINI 7:16

Hy lapinô y, na vahpa na pachha thei awpa nata pachha thei lei awpa kyh kheihta na pahno? Hy vahpa y, na lapinô na pachha thei awpa nata pachha thei lei awpa kyh kheihta na pahno?

1 KAWRINI 8:13

Chavâta niepa vâta ei unawhpa ei pahluasa khiahta cha, ei unawhpa ei pahluasa pathlei lei nawpa ta, atheihna sa cha nie khao aw va na.

1 KAWRINI 9:19

Ahy sei hmah châ vei hraw sah la, chyhsa hluhpi ei pahnie thei nawpa ta, keimasasyh ta chyhsa zydua sei ta ei tao.

1 KAWRINI 9:23

Thâtihpha byhnâ ei topa ama to thei nawpa ta, cha hmozy cha ei tao.

2 KAWRINI 11:29

Ahy ma chiehleipa ta y ta, chiehleikheipa ta ei y vei tly? Ahy ma pahluasapa ta y ta, hiehâhkhei leipa ta ei y tly?

KALATIA 6:1

Unawh saih u, chyhsa ta moleina a tao hai nota pachhaipa a châ khiahta cha, nâmo, thlahpa chyhsazy ta nônai kawpa ta paduapathi heih teh u. A vaih teh u, chataleipatala nâmo chhao reipasaopa ta nama y pathlei aw.