1 KAWRINI 9:18 - Mara Bible RV (BSI)

¹⁸ Cha khiahta la, ei lymâ cha khâpa a châ aw? Thâtihpha ei chhopa vâta tovyuh ei hnaw theipazy a hnaw leipa ta, hlao leipa ta thâtihpha ei chho theipa he ei lymâ cha a châ.

1 KAWRINI 9:18 ပူးပေါင်းရင်းမြစ်များ

ZAWHÂNA 4:36

Sâh hriatuhpa cha hlao hmô ta, chhâzaw hrona châta a theizy a pakhy, chatanachata a tutuhpa nata hriatuhpazy cha amâ ly raihrie aw.

HMOTAOPAZY 18:3

Pawla nata Akuilâ chhôhkha he poh o a taopa châ chyu ei ta, ama raihria â lyupa vâta, Pawla cha Akuilâ nata Priskilâ o liata tlô ta, rai a hriakhei tyh ei.

RAWMA 14:15

Na niepa ta na unawhpa palôh a patypamâ khiahta cha, kyhpachâna lâpi a chhih khao va chi. Ano thi vyuhpa ta Krista ta a thikâ hapa chyhsa cha, parao khah y.

1 KAWRINI 10:33

Kei chhao ta, chyhsa hluhpi pachha ama châ thei nawpa ta, keima athôhna tlua leipa na ta, chyhsazy athôhna tluapa ta, hmo ei taopa to liata chyhsa to palysa tlao ei chhuah tyh.

1 KAWRINI 3:8

A lohtuhpa nata ti a baotuhpa cha miakha ama châ. Ama hriapasazie hawhta lymâ ama hmô chyu aw.

1 KAWRINI 7:31

Khizaw hmo liata â hmâhpazy chhao, â hmâh leipa hawhta y mawh ei sy. Khizaw yzie he a leidia hai.

1 KAWRINI 8:9

Châhrasala a sohsi teh u, chataleipatala nama khotalaina cha chyhsa chiehleipazy châta achapiana a châ pathlei aw.

1 KAWRINI 9:12

Mohropazy hmahta chyh awpa ama châ hnaw khiahta cha, keimo chhochhi cha châ hnaw via pachai awpa châ ma pi ma? Châhrasala keimo la, cha tovyuh cha a hnaw ma pi. Krista thâtihpha eima pakhâpadie lei nawpa ta, riethei to tlao eima tao lylia.

1 KAWRINI 9:15

Châhrasala kei la cha tovyuhzy cha miakha hmahta hmâh va na. Ei chô liata nama tao hra nawpa ta, he biezy he a rohpa châ hra va na. Chyhsa ta ei palaikheina eina lapa awpa hlâta cha, tlao thi sah la ei châta a pha via.

1 KAWRINI 9:17

Keima khotlyna ta thâtihpha a chhopa ei châ khiahta cha, lymâ ei hnei. Keima khotlyna a châ vei khiah deikua cha, ei hnohta pavaosapa mohôhna rai ei hriapa tlâ a châ.

2 KAWRINI 4:5

Keimo thâtih chho leipa pi ta, Zisu Krista cha Abeipa a châ tahpa chho pi ta, keimo chhao Zisu vâta nâmo châ chakaotuhpazy eima châpa eima chho tyh.

1 THYSALAWNIKA 2:6

Krista lyuhchâpa eima châna tawhta palyupalihna a hnaw theipa châ hra sih la, nâmo tawhta tlyma, mohropazy tawhta tlyma, chyhsapa palyupalihna tlua beih ma pi.