1 KAWRINI 9:17 - Mara Bible RV (BSI)

¹⁷ Keima khotlyna ta thâtihpha a chhopa ei châ khiahta cha, lymâ ei hnei. Keima khotlyna a châ vei khiah deikua cha, ei hnohta pavaosapa mohôhna rai ei hriapa tlâ a châ.

1 KAWRINI 9:17 ပူးပေါင်းရင်းမြစ်များ

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

1 THÂTIHZYRONA 29:14

“Ahy ma châ na ta, ei chiheihzy chhao he ahyzy ma châ ei ta, he hawhta keimo kho tlai ta hmopiepazy eima vaw hlâ thei tly? Hmo to nâ tawhta eima hmôpa châ ta, na eih eima cha pie lilaw heihpa dei a châ.

1 THÂTIHZYRONA 29:5

zôthaipazy ta ngôh nata tâkâ ta tao awpa hmo zydua ama tao nawpa châta keima sôh tawhta ei pie. Tanoh he ahy ma Abeipa châta ano kho tlai ta a pie hra aw?” tah ta.

1 THÂTIHZYRONA 29:9

Âmo khopasana tlai ta ama piepa a châpa vâta zawpizy cha amâ ly ngaita. Pathipalôh tlokhuh ta Khazohpa lâ âmo lôhthai ta ama piepa a châ. Bei Dâvi chhao â ly ngaita.

NEHEMIAH 11:2

Âmo khotlyna tlai ta Zerusale liata pahrâ awpa ta a hlâ theipazy cha, zawpizy ta byhnâ ama awpa.

ISAI 6:8

Chatawhcha ei Abeipa ao thei na ta, “Ahy tuah aw na ta, ahy ma eima châta a sie aw?” tah ta. Kei ta, “He liata ei y! Na tuah mah y!” tah na ta.

ZEREMIAH 20:9

“Abeipa pado leipa aw na ta, A moh ta bie reih khao aw va na,” Tah hraw sah la, Ei rupa chhôh liata mei iapa â khôpa hawhta, Ei palôh liata y ta, A chalihkhei a chhuah taraw na ta, Châhrasala a chalihkhei thei va na.

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

ZAWNA 1:3

Châhrasala Zawna cha Tâsi lâ tlao a râ awpa ta Abeipa hmiakô tawhta thyu ta. Zôpâ khih lâ zu ta, Tâsi lâ a sie awpa balyh hmô ta. Sie mâ pie ta, Abeipa hmiakô tawhta a râ syulyu ha awpa ta, Tâsi lâ a sie awpazy chhaota balyh chhôh lâ cha a ngia ta.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

MATHAI 10:41

Ahy rai hrohsopa cha hrohsopa a châpa vâta a lypa cha, hrohsopa lymâ hmô aw ta, chyhsa siapa cha chyhsa siapa a châpa vâta a lypa chhao, chyhsa siapa lymâ a hmô aw.

MATHAI 24:25

Nathlie teh u, ei cha chho chhielie ei hih.

LUKA 12:42

Abeipa ta, “A daihtita ta chhôhkha nie awpa pachhuahpanoh lymâ awpa ta, a zibeipa ta a o liata hyutuhpa châta a raopa, sôh mokhâhtuhpa ngâchhihpa nata sopa cha ahy ma a châ?

ZAWHÂNA 4:36

Sâh hriatuhpa cha hlao hmô ta, chhâzaw hrona châta a theizy a pakhy, chatanachata a tutuhpa nata hriatuhpazy cha amâ ly raihrie aw.

1 KAWRINI 3:14

Ahy rai lôbô chô liata o a sapa â duah thlâh ha khiahta cha, cha chyhsa cha lymâ a hmô aw.

1 KAWRINI 3:8

A lohtuhpa nata ti a baotuhpa cha miakha ama châ. Ama hriapasazie hawhta lymâ ama hmô chyu aw.

1 KAWRINI 4:1

Keimo he Krista chakaotuhpa nata Khazohpa bienyupa mokhâhtuhpa ta chyhsa ta miah pachâ mawh ei sy.

1 KAWRINI 9:16

Thâtihpha ei chhopa chhao heta, a palai nawpa hnei va na. Tao lei thei lei awpa ta ei chô liata a pahnieh tlôh ta. Thâtihpha ei chho vei khiahta la, ei hu a po aw!

1 KAWRINI 9:18

Cha khiahta la, ei lymâ cha khâpa a châ aw? Thâtihpha ei chhopa vâta tovyuh ei hnaw theipazy a hnaw leipa ta, hlao leipa ta thâtihpha ei chho theipa he ei lymâ cha a châ.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

KALATIA 2:7

Âlielâta tlao a châ. Chopawtaipazy hnohta thâtihpha chhona rai Pity hnohta pavaosapa a châpa hawhta, chopawtaileipazy hnohta thâtihpha chhona rai ei hnohta pavaosapa a châzie lyuhchâpazy ta ama pahno.

KAOLAOSÂ 1:25

Khazohpa bie â kipa ta ei cha chho thei nawpa ei ta, nâmo mohôhna raihria Khazohpa ta eina piepa lymâ hawhta, Awnanopa chakaotuhpa ta taopa ei châ.

1 THYSALAWNIKA 2:4

Thâtihpha pavaosa tlâhpa ta Khazohpa ta miah a raopa hawh tlai ta, chyhsa palysa a chhuah leipa ta, eima pathipalôh a pasiatuhpa Khazohpa palysa a chhuahpa ta, bie eima chho tyh.

PHILEMAW 1:14

Châhrasala na hmo pha tao awpa cha, pataosa raruahpa châ leipa ta, nâma lôhthai tlai ta a taopa na châ awpa ei khohpa vâta, na bie leipa ta khâpa hmah tao awpa khoh va na.