1 KAWRINI 9:14 - Mara Bible RV (BSI)

¹⁴ Cha hawhna chata, thâtihpha chhotuhpazy châta, thâtihpha cha ama nie hmôna châ awpa ta Abeipa ta bie a pie.

1 KAWRINI 9:14 ပူးပေါင်းရင်းမြစ်များ

MATHAI 10:10

nama khitlyna sahria tlyma, viahkao pasipa zo no tlyma, pheikyzy tlyma, chôchahrei tlyma a phao hra khah u. Raihriatuhpa cha a nie tlâh a châ.

LUKA 10:7

Cha o liata y u la, ama cha piepa maih niepa ta doh muh vy. Raihriatuhpa cha hlao hmô tlâh a châ. O kha tawhta o hro lâ namâ pasie awpa châ vei.

LUKA 10:8

Khih namâ ngiana maihta, ama châ ly khiahta cha, ama cha piepa maih nie muh vy.

HMOTAOPAZY 18:3

Pawla nata Akuilâ chhôhkha he poh o a taopa châ chyu ei ta, ama raihria â lyupa vâta, Pawla cha Akuilâ nata Priskilâ o liata tlô ta, rai a hriakhei tyh ei.

1 KAWRINI 4:15

Krista liata chhituhpa thy kha hnei hra u la, Paw deikua a hluhpi hnei veih ei chi. Kei he thâtihpha vâta Krista Zisu liata nama paw ei châ.

1 KAWRINI 9:11

Thlahpa lâ chizy nama hry liata eima tu ha khiahta cha, sapa lâ theizy nâmo tawhta hria awpa cha, eimâ phuh leipa a châ hlei rai ma?

1 KAWRINI 9:12

Mohropazy hmahta chyh awpa ama châ hnaw khiahta cha, keimo chhochhi cha châ hnaw via pachai awpa châ ma pi ma? Châhrasala keimo la, cha tovyuh cha a hnaw ma pi. Krista thâtihpha eima pakhâpadie lei nawpa ta, riethei to tlao eima tao lylia.

1 KAWRINI 9:16

Thâtihpha ei chhopa chhao heta, a palai nawpa hnei va na. Tao lei thei lei awpa ta ei chô liata a pahnieh tlôh ta. Thâtihpha ei chho vei khiahta la, ei hu a po aw!

1 KAWRINI 9:4

Nie theina nata do theina biehneina hnei ma pi mâ?

2 KAWRINI 2:12

Krista thâtihpha chho awpa ta Tarôsa khih ei vaw tlô nona kha, Abeipa ta ochhi na pahypa ta.

KALATIA 6:6

Bie pachuna a daopa cha, hmo pha to a hmôpa tawhta a pachutuhpa pie hra mawh sy.

1 THYSALAWNIKA 1:5

Thâtihpha nama hnohta eima vaw tlôkheipa kha, bie dei ta vaw tlôkhei leipa pi ta, hmotaotheina nata Thlahpa Pathaihpa nata ngiapâna a i ngaitapa chhaota eima vaw tlôkheipa a châ. Nama hry liata eima y nona kha, nâmo vâta kheihta ma eima y tahpa nama pahno.