1 KAWRINI 9:13 - Mara Bible RV (BSI)

¹³ Achhyna o rai hriatuhpazy cha, Achhyna o tawhta niepa hmô ei ta, maisâh liata chakaotuhpazy chhao, atheihna hlâpazy liata tovyuh ama hnei hra tahpa pahno veih ei chi mâ?

1 KAWRINI 9:13 ပူးပေါင်းရင်းမြစ်များ

THEIHTHAINA 21:22

A Khazohpa viahchhâ pathaih chaipa nata hmo pathaihpazy cha a nie thei khai aw.

THEIHTHAINA 22:7

Noh a tla nahta pathaih aw ta, cha khai tawhta hmo pathaihpazy a nie thei aw, chazy cha ano nie awpa a châpa vâta.

THEIHTHAINA 6:26

Moleina hlâna châta a hlâtuhpa theihthaipa ta nie aw ta, ahmaohna poh o dôhpachhôh tlyhmia su pathaihpa liata nie awpa a châ.

THEIHTHAINA 7:31

Theihthaipa ta a thaw cha mei ta maisâh liata rao aw ta, a palôh deikua cha, Arawna nata a sawchapawzy châta a châ aw.

MALUHREINA 18:31

Cha cha ahmaohna poh o liata nama hriana lymâ châ ta, nâmo nata nama chhôhkhazy ta khataih su lia rai ta nama nie thei aw.

RAWMA 6:16

Ahy lia rai ta ama bie zyh awpa ta sei ta namâ ngia khiahta cha, a bie nama zyhpa sei nama châ tahpa pahno veih ei chi ma? Moleina sei ta namâ ngia khiahta cha, thina lâ châ chhi aw ei ta, reingiahna sei ta namâ ngia khiahta cha, siana lâ a châ chhi aw ei.

1 KAWRINI 10:18

Izarei phopi kha pachâ tua u. Atheihna sa a niepazy kha maisâh a hlykheipazy châ veih ei ma?

1 KAWRINI 9:24

Arâpasuana liata ama zydua ta a râ ei ta, châhrasala pakha ngâlâh ta lymâ a hmô tyh tahpa pahno veih ei chi mâ? Lymâ hmô awpa ta a râ teh u.

RYHPACHANEINA 10:9

Chavâta Livai cha a unawhzy hry liata tovyuh nata ryuto hnei vei. Abeipa nama Khazohpa ta a hnohta a reipa hawhta, Abeipa cha a ryuto a châ.

1 SAMUELA 2:28

Châ pathlatuhpa kha ei theihthaipa châ awpa ta Izarei chi zydua hry tawhta a tlyh na ta, ei maisâh kiah ta, ropahâhpa rao awpa nata ei hmiakô liata ephaw a ky awpa ta ei tlyhpa a châ. Izarei sawzy tawhta mei ta raopa hlâpa zydua chhao châ pathlatuhpa pathlazy hnohta ei pie khai ei