1 KAWRINI 8:9 - Mara Bible RV (BSI)

⁹ Châhrasala a sohsi teh u, chataleipatala nama khotalaina cha chyhsa chiehleipazy châta achapiana a châ pathlei aw.

1 KAWRINI 8:9 ပူးပေါင်းရင်းမြစ်များ

ISAI 35:3

Ku chiehleipazy cha thapatlô u la, Pakhu chalyupazy pa-i teh u.

ISAI 57:14

Abeipa ta hetana heta a tah: “Padua u la, padua u la, Lâpi a chhuahdy teh u; Ei phopi lâpi liata Pakhâpadiena a ypazy thy khai teh u.”

EZEKIA 14:3

“Chyhsa sawchapawpa y, he chyhsazy he ama khazoh nothlahpazy ama palôh liata soh ei ta, ama paraona ahluana lô ama hmia liata a sohpa ama châ hih. Einâ saohiah awpa ei ta ei paryhsa awpa a châ rai ma?

EZEKIA 44:12

Ama khazoh nothlahpazy hmiakô liata chakao ei ta, Izarei pathlazy châta moleina liata ahluana lô ama châ tyhpa vâta, ku chaluahpa ta bie ei taih haw. Ama moleina maoh ama phaoh tlai aw, Abeipa Zehôvâh ta a tah.

THEIHTHAINA 19:14

“Nahpâpa chhie na sapa awpa châ leipa ta, mochaopa hmiakô liata chapiasana na so awpa châ vei. Na Khazohpa na chi awpa a châ. Kei he Abeipa ei châ.

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

RAWMA 15:1

Keimo, thatlôpazy pi heta keimo alyna tlua leipa ta, chiehleipazy ama pachyu leina liata eima bao awpa a châ.

1 KAWRINI 10:24

Chyhsa ta ano pha nawpa tlua leipa sala, mohropa pha nawpa tlao tlua mawh sy.

1 KAWRINI 10:28

Chyhsa ta, “He he atheihna châta hlâpa a châ,” tahpa ta a cha chho khiah ei ta deikua cha, châ chhotuhpa vâta nata chhie nata pha pahnona vâta, nama nie awpa châ vei.

1 KAWRINI 10:29

Nâma chhie nata pha pahnona kyh reih leipa na ta, mohropa chhie nata pha pahnona kyh ei reipa tlao a châ. Khazia ei khotalaina cha, chyhsa hropa chhie nata pha pahnona ta a pachia aw?

1 KAWRINI 10:32

Zuzy chhao, Krikâhzy chhao, Khazohpa Awnanopa chhao, amâ hlua nawpa hmo khâpa hmah tao khuh vy.

1 KAWRINI 8:10

Nâ, pahnona a hneipa chi ta, nothlahpa achhyna o liata na niepa cha, chhie nata pha pahnona chiehleipa a hneipa chyhsa ta a cha hmô khiahta cha, ano chhao nothlahpa lâta atheihna hlâpa hmozy cha nie ngâhna na pahneisapa châ aw vei ma?

1 KAWRINI 8:12

Cha hawhta unawhzy chô liata molei ei chi ta, ama chhie nata pha pahnona chiehlei nota hmah nama paphao lao heihpa cha, Krista chô liata hmo a paraopa nama châ.

1 KAWRINI 9:22

Chiehleipazy ei pahnie thei nawpa ta, chiehleipazy hnohta chiehleipa hawhta ei y tyh. Kheihawhta chhâ ma chyhsa thokha ei pachha thei nawpa ta, chyhsa zydua hnohta ato châpa ta ei y tyh.

2 KAWRINI 11:21

He kyh liata, keimo la eima chiehlei kaw, a phih va na, ei no chhao a za kaw. Châhrasala chyhsa ta â palaikhei ngâhpa maih cha, ahrupa bie rei ta reih aw sah la, kei chhao ta ei palaikhei ngâh hra.

2 KAWRINI 11:29

Ahy ma chiehleipa ta y ta, chiehleikheipa ta ei y vei tly? Ahy ma pahluasapa ta y ta, hiehâhkhei leipa ta ei y tly?

2 KAWRINI 6:3

Eima chakaona raihria he seipa ta a y lei nawpa ta, ahy lâpi lia hmahta achapiana lô soh ma pi.

KALATIA 5:13

Unawh saih u, khotalaina hnei awpa ta awpa nama châ. Châhrasala nama khotalaina cha sapa ryhpaohna châta hmâh leipa u la, kyhpachâna ta tlao a chakao raihrie teh u.

KAOLAOSÂ 2:8

Ahy hmahta Krista bie hawhta châ leipa ta, chyhsapa taozietyhpa nata khizaw siezie hawhta ama châ chhi lei nawpa nata, ama thaisona nata dôveina ruapa hmâpa ta ama cha parao lei nawpa ta, a hrohrua teh u.

1 PITY 2:16

Khotalaipa châ ei chi ta, châhrasala nama khotalaina cha moleina khu nawpa ta nama hmâ awpa châ leipa ta, Khazohpa chakaotuhpazy hawhta tlao nama y awpa a châ.

2 PITY 2:19

Chyhsazy hnohta khotalaina bie a taih ei ta, âmo chaipa deikua cha avyuhna sei ta ama y. Kheihawhpa hmo rai ta a pahniepa chyhsa cha, cha hmo sei ta a ypa a châ.

BIEPHUAH 2:14

Châhrasala pasina chyhta ei cha hnei. Nama hry liata chyhsa thokha Bâlâma pachuna khâchâ a patupazy y ei ta. Bâlâma cha Izarei sawzy hmiakô liata achapiana lô so awpa ta Bâlâka a pachutuhpa châ ta, Izarei sawzy cha nothlahpa lâta hlâpa niedozy paniesa ta, apatlana moleina pataosa a chhuahpa kha a châ.