1 KAWRINI 8:6 - Mara Bible RV (BSI)

⁶ keimo châta deikua cha, Paw Khazohpa pakha deita a y. Ano tawhta ato pua ta, keimo chhao ano châta a ypa eima châ. Abeipa pakha deita hnei pi ta, ano cha Zisu Krista a châ. Ano vâta ato y ta, keimo chhao ano vâta a ypa eima châ hra.

1 KAWRINI 8:6 ပူးပေါင်းရင်းမြစ်များ

ISAI 46:9

Hlâno ta hmo parohpazy kha, A thei thlâh ha teh u; Kei he Khazohpa châ na ta, Khazoh hropa rai y veih ei; Kei he Khazohpa châ na ta, Kei hawhpa rai y veih ei.

ZEREMIAH 10:6

Hy Abeipa, nâ hawhpa he ahy hmah y veih ei; Nâ cha rônahpa châ chi ta, Thatlôna liata mohpathâhpa na châ.

ZEREMIAH 10:7

Hy phopizy Beipa, Ahy ma cha chi leipa ta a y aw? Mo to ta ama cha chi awpa cha, Nâ phuhpa rai mah a châ tâh. Phopizy chyhsa sopa zydua hry liata, Nâ hawhpa he y leipa ei ta, Amâ beinarâh zydua liata chhao, Nâ hawhpa he y veih ei.

ZAWNA 1:9

Zawna ta âmo cha a chhy ta, “Hebrai chyhsa châ na ta, Abeipa, avâ Khazohpa, tilaipi nata alei hipa a taotuhpa a chipa ei châ,” tah ta.

MALAKHAI 2:10

Paw pakha saw châ khai ma pi ma? Khazohpa pakha ta a taopa châ ma pi ma? Khazia unawh nata unawh likah liata a ngâna pahlei pi ta, miah pathlatuhpazy biehrai eima papuapalei tly?

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

ZAWHÂNA 1:10

Ano cha khizaw liata y ta, khizaw he ano hmâpa ta taopa châ ta, châhrasala khizaw ta ano cha pahno vei.

ZAWHÂNA 1:3

Ato zydua ano hmâpa ta taopa châ ta, hmotaopa zydua ano a hlao leipa ta khâpa hmah taopa y vei.

ZAWHÂNA 10:30

Kei nata Paw cha pôhkha eima châ,” tah ta.

ZAWHÂNA 13:13

Nâmo ta Pachutuhpa nata Abeipa na tah ei chi ta, nama reipa â do na, ei châna tlai a châ.

ZAWHÂNA 14:20

Cha noh liata, kei ei Paw liata y na ta, nâmo keima liata y ei chi ta, kei nâmo liata ei y tahpa nama pahno aw.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

HMOTAOPAZY 17:28

“Ano vâta hroh pi ta, A pielyu pi ta, Eima ypa a châ.” Nama hlaphôh phi thaipa thokha chhao ta, “‘Keimo chhao he, A pathlazy eima châ,’ tahpa ta ama reih hra.

HMOTAOPAZY 2:36

Chavâta Zisu nama khaipâpa tlai kha, Khazohpa ta Abeipa nata Mesia ta a taopa a châ tahpa cha, Izarei phopi zydua ta pahno tlai mawh ei sy,” tah ta.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

RAWMA 11:36

Ano tawhta, Ano vâta, Ano châta, Hmo to a ypa a châ. A hnohta chhâzaw ta rônahna y mawh sy! Amen.

1 KAWRINI 1:2

Kawrini khih liata a ypa, mopathaihpazy châ awpa ta Krista Zisu liata pananopa Khazohpa awnanopa nata su to liata eima Beipa Zisu Krista, âmo Beipa nata keimo Beipa moh a padopa zydua eima châ naoh.

1 KAWRINI 12:3

Chavâta he he nama pahno awpa ei khoh: Khazohpa Thlahpa chhihthapa ta bie a reihtuhpa ta, “Zisu cha chhiesapa a châ!” tah beih vei. Ahy hmahta Thlahpa Pathaihpa chhihthana dei leipa ta cha, “Zisu cha Abeipa a châ,” tah thei veih ei.

1 KAWRINI 6:13

“Niepa cha py châta châ ta, py cha niepa châta a châ,” châhrasala Khazohpa ta a pahleipadia raihrie aw. Pôhpa he apatlana moleina châta châ leipa ta, Abeipa châta tlao a châ, Abeipa chhao pôhpa châta a châ.

1 KAWRINI 8:4

Chavâta nothlahpa lâta hmohlâpa niepa kyh liata, khizaw liata nothlahpa cha khâpa hmah a châ leizie nata Khazohpa pakha dei leipa ta cha, Khazoh hropa rai a y leizie eima pahno.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

EPHESI 3:14

Cha vâna chata Paw hmiakô liata pakhu paneihpa ta ei bôh tyh.

RYHPACHANEINA 4:35

Nâmo hnohta deikua cha, Abeipa cha Khazohpa châ ta, ano leipa ta Khazoh hropa rai y veih ei tahpa palâhâhpa a châ.

RYHPACHANEINA 4:39

Chavâta tanoh he Abeipa cha chô lâ avâ liata nata ry lâ alei liata Khazohpa châ ta, Khazoh hropa rai y veih ei, tahpa nama pathipalôh liata khâchâ a vao teh u.

RYHPACHANEINA 6:4

“Hy Izarei, nathlie teh. Abeipa cha eima Khazohpa châ ta, Abeipa cha pakha deita a y.

KAOLAOSÂ 1:6

Thâtihpha nâmo lâ a vaw tlô tawhta, Khazohpa ngiachhiena thâtihpha cha thei ei chi ta, a hmeiseihpa ta nama pahno noh tawhta nama hry liata thei patheipa ta a pôh lymâpa hawhta, thâtihpha cha khizaw zydua liata thei pathei ta a pôh lymâ.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

BIEPHUAH 1:18

ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.