1 KAWRINI 8:10 - Mara Bible RV (BSI)

¹⁰ Nâ, pahnona a hneipa chi ta, nothlahpa achhyna o liata na niepa cha, chhie nata pha pahnona chiehleipa a hneipa chyhsa ta a cha hmô khiahta cha, ano chhao nothlahpa lâta atheihna hlâpa hmozy cha nie ngâhna na pahneisapa châ aw vei ma?

1 KAWRINI 8:10 ပူးပေါင်းရင်းမြစ်များ

AMÔSÂ 2:8

Sôhkâ poh a phawpa ta, Maisâh kiapâh liata a zia ei ta, Chyhsazy ama pacheisapa kresawhti cha, Ama Khazohpa o liata ama doh tyh.

MALUHREINA 25:2

Chanôzy ta ama khazohzy lâta atheihna hlânazy liata Izarei sawzy cha hrua ei ta. Izarei sawzy ta atheihnazy cha niepa ta, Môabâ khazohzy lâta a bôh ei ta.

HMOTAOPAZY 15:20

Âmo lâ châ paphao sih la, nothlahpa achhyna hmo pathaih leipa niepa, apatlapa, paaosaopa nata thisaih niepa zy tao khao leipa ta bâhsai awpa ta chho ei sih la, â daihpa ta ei pahno.

RAWMA 14:14

Abeipa Zisu liata pathaih leipa khâpa hmah y vei tahpa a siapa ta ei pahno. Pathaih leipa hawhta a pachâpa châta deikua cha, pathaih leipa a châ.

RAWMA 14:23

A lôh leipa ta a niepa deikua cha, ngiapâna ta a nie leipa vâta thailei a châ. Khâpa rai ngiapâna tawhta a pua leipa cha moleina a châ.

1 KAWRINI 10:32

Zuzy chhao, Krikâhzy chhao, Khazohpa Awnanopa chhao, amâ hlua nawpa hmo khâpa hmah tao khuh vy.

1 KAWRINI 8:4

Chavâta nothlahpa lâta hmohlâpa niepa kyh liata, khizaw liata nothlahpa cha khâpa hmah a châ leizie nata Khazohpa pakha dei leipa ta cha, Khazoh hropa rai a y leizie eima pahno.

1 KAWRINI 8:7

Cha pahnona cha chyhsa zydua ta hnei veih ei. Chyhsa thokha cha nothlahpa a chhy tyhpa ama châpa vâta, nothlahpa lâ hlâ hapa hawh tlai ta pachâpa ta nie ei ta, ama chhie nata pha pahnona a thatlô leipa vâta, pathaih leipa hawhta pachâpa ama a châ.

1 KAWRINI 8:9

Châhrasala a sohsi teh u, chataleipatala nama khotalaina cha chyhsa chiehleipazy châta achapiana a châ pathlei aw.

RYUREITUHPAZY 9:27

Lyu lâ sie ei ta, ama kre sadôzy liata kre theizy lyu ei ta, tly ei ta. Kyhchhi tao ei ta, ama khazoh o liata a ngiapa ta, niedoh ei ta, Abimele cha reipachhie ei ta.