1 KAWRINI 7:25 - Mara Bible RV (BSI)

²⁵ Dyhchâ leipa laihsa kôpazy kyh liata, Abeipa tawhta biepiepa hnei leipa na ta, châhrasala Abeipa ngiachhiena zawhzi ta chyhsa ngâchhihpa ei châna lâ tawhta ei pachâzie ei reih.

1 KAWRINI 7:25 ပူးပေါင်းရင်းမြစ်များ

HLAZY 78:63

Mei ta ama satliazy kâ khai ha ta, Ama laihsazy ahneina hla sa thei khao veih ei.

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

1 KAWRINI 4:2

Cha dei châ vei, mokhâhtuhpa cha chyhsa ngâchhihpa a châ awpa a byuh.

1 KAWRINI 7:10

Nôvah hnohta he bie he ei pie. Kei ta ei piepa châ vei, Abeipa piepa a châ. Lapinô cha a vahpa tawhta â râ awpa châ vei.

1 KAWRINI 7:12

Mohropazy hnohta deikua cha, hetana heta ei tah. Abeipa ta a reipa châ leipa ta, keima ta ei reih. Unawh ahy rai ta ngiapâleipa chyhsa lapinô ta hnei sala, a lapinô ta a hnohta pahrâ awpa a khoh thlâh ha khiahta cha, a ma awpa châ vei.

1 KAWRINI 7:28

Lapinô na hneipa chhao ta, hmo parao va chi. Laihsa kôpa ta vahpa a hneipa chhao ta, hmo parao hra vei. Châhrasala nôvahzy cha khizaw rairunazy amâ tyh awpa vâta, cha rairunazy cha nama khôkhâh awpa ei khoh.

1 KAWRINI 7:34

a tao khohpazy â chakhia ha tyh. Vahpa a hnei leipa cha a pôhpa nata a thlahpa liata pathaihpa ta a y thei nawpa ta, Abeipa lâ hmo a pachâ tyh. Vahpa a hneipa deikua cha, a vahpa palysa a chhuahpa ta, khizaw hmo a pachâ tyh.

1 KAWRINI 7:40

Châhrasala keima pachâna liata cha, a y tyhpa hawhta y sala, a ly via aw khiah ma ei tah. Kei chhao Khazohpa Thlahpa ei hnei tahpa ei pahno.

1 KAWRINI 7:6

Châhrasala lapinô nata vahpa hnei awpa kyh cha, biepiepa hawhta reih leipa na ta, pasaipa a châna kyh ei reipa a châ.

2 KAWRINI 11:17

Ei bie reipa he Abeipa rei awpa chi la châ vei. Ahrupa hawhta apalaina bie ngâh buluhpa ta ei reih.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.