1 KAWRINI 7:24 - Mara Bible RV (BSI)

²⁴ Chavâta unawh saih u, kheihawhpa duahmo tawhta awpa nama châpa chhao ta, Khazohpa liata y thlâh ha teh u.

1 KAWRINI 7:24 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

MATHAI 12:45

Sie ta, thlahpa hropa pasari, ano hlâta molei viapazy a vaw chhi ta, cha liata a ngia ei ta, ama pahrâ haw. Hnôhlâ ta cha chyhsa duahmo cha, hmiatuapa hlâ khata a chhie via syulyu haw. Cha hawhna chata, he chhâ moleipa chhao he a vaw y hra aw,” tah ta.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

1 KAWRINI 7:17

Abeipa ta a raozie hawhta nata Khazohpa ta a awzie hawhta, chyhsa to y mawh ei sy. Cha cha Awnanopa zydua châta ei raopa a châ.

1 KAWRINI 7:20

Chyhsa to ta awpa ama châ nota ama duahmo liata y thlâh mawh ei sy.

1 SAMUELA 14:45

Châhrasala zawpizy ta Sawla hnohta, “He pachhana rônah ngaitapa Izarei hry liata a vaw tlôkheituhpa Zawnathâ he a thi aw ma? Châ bao va! Abeipa hrona reipa ta eima reih, a sâbu miakha chhao alei liata a tla awpa châ vei. Tanoh he ano cha Khazohpa a hrialâhpa a châ hih,” tah ei ta. Zawpi ta Zawnathâ cha pachha ha ei ta, thiepa châ khao vei.