1 KAWRINI 6:9 - Mara Bible RV (BSI)

⁹ Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

1 KAWRINI 6:9 ပူးပေါင်းရင်းမြစ်များ

ÂTHAONA 19:5

Lawta cha awsao ei ta, “Tazâ ta na o liata a vaw tlôpa chyhsazy kha khataih liata ama y? Âmo kha kaw papua teh, eima ykhei aw,” tah ei ta.

PUASAINA 23:1

“Bie pathâhpa doleipa na rei pachhuah awpa châ vei. Pahnokheituhpa haiphiahpa châ awpa ta, moleipa hry liata nâ hlao awpa châ vei.

BIESOZY 11:1

Khopathliahna doleipa cha Abeipa châta hmo pasichhihpa châ ta, Khopathliahna dopa deikua cha â ly tyh.

BIESOZY 22:8

Adoleina chi a tupa cha chhiena hria aw ta, A hiehâhna chôchahrei chhao a tlie aw.

BIESOZY 7:27

A o cha Athihkhih lâpi châ ta, Thina chhôhpadâhpa lâ a zupa a châ.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

EZEKIA 18:11

ano ta a tao leipa chhao ta, a sawchapawpa chata tlâhpizy liata pati niepa ta, a vaih lapinô papuapalei sala,

THEIHTHAINA 18:20

“Na vaih lapinô a ziakheipa ta, ano vâta nâ papuapalei awpa châ vei.

THEIHTHAINA 18:22

“Chanô a ziakheipa hawhta chapaw nâ ziakhei awpa châ vei. Pasichhihpa a châ.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

THEIHTHAINA 20:13

Chyhsa ta chanô a ziakheipa hawhta chapaw â ziakhei khiahta cha, ama pano ta hmo pasichhih ngaitapa a taopa châ ei ta, thie thlyu awpa ama châ. Ama thisaih maoh ama phaoh aw.

ZEKARIA 5:3

Ano ta ei hnohta, “Kha kha alei chô zydua a chahryh awpa chhiesana a châ. Châbu chatypa phiapa hmia lâ liata ropa hawhta, parutuhpa maih hriepa châ aw ei ta, châbu chatypa phiapa hnôh lâ liata ropa hawhta, haipa ta bie a taihpa chhao hriepa a châ hra aw,” tahpa ta na chho ta.

MATHAI 19:29

Ahy rai ei moh vâta ozy, unawhzy, sietanôzy, paw, nô, sawzy nata râhzy a siesaipa cha, a lie za kha ta hmô aw ei ta, chhâzaw hrona ama to aw.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

LUKA 21:8

Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.

HMOTAOPAZY 20:32

“Tahmâ he Khazohpa nata a ngiachhiena bie liata ei cha pavaosa ei. Cha chata cha palaiseihsa aw ei ta, mopathaihpazy hry liata ryuto a cha pahneisa aw ei.

HMOTAOPAZY 24:25

Siana kyh nata asohsina kyh nata ryureina a vaw y awpa kyhzy Pawla ta a reih nahta, Felika cha chi ngaita ta, “Vawh chy la, daihti rypaohpa ei hnei tita ei cha aw heih aw,” tah ta.

RAWMA 1:18

Khazohpa a pachâ leipa nata chyhsa sia leipa zydua chô liata Khazohpa pathiiana avâ tawhta a zâ luah. Âmo cha ama sialeina vâta biehmeiseihpa a pakhâtuhpazy ama châ.

1 KAWRINI 15:33

Dôpa ta y khah u. “Viasa moleipazy ta viasa nôchâ phapa ama parao tyh.”

1 KAWRINI 15:50

Unawh saih u, he bie he ei cha chho ei. Sapa nata thisaih heta Khazohpa khinarâh to thei leipa aw ta, thi theipa heta thi thei leipa to thei aw vei.

1 KAWRINI 3:16

Khazohpa Achhyna o châ ei chi ta, Khazohpa Thlahpa nâmo liata a pahrâ tahpa pahno veih ei chi mâ?

1 KAWRINI 5:1

Nama hry liata apatlana a ypa kyh thata a pathâh. Chyhsa pakha ta a paw lapinô ykhei ta, cha hawhpa hmo cha ngiapâleipazy hry lia hmahta a y beih leipa a châ.

1 KAWRINI 5:10

Khizaw chyhsa apatlana moleina a taopazy, khohleikhopa nata aparupazy nata nothlahpa a chhypazy a pahlao chachei lei awpa ei tahpa deikua châ vei. Cha hawhpa châ sala, khizaw nama puasai awpa byuh tlôh aw ta.

1 KAWRINI 5:11

Tahmâ deikua cha, ahy rai ngiapâna liata unawh moh phaoh tlôh ta, apatlana, khohleikhona, nothlahpa achhyna, chyhsa reipachhiena, sahma parina nata paruna moleinazy a tao thlâh ha khiahta cha, a pahlao lei awpa ta, nâmo lâta châ ei vaw roh. Cha hawhpa chyhsa cha pati chhao nielâh awpa châ vei.

1 KAWRINI 6:10

aparupazy, khohleikhopazy, sahma paripazy, chyhsa a reipachhie thaipazy nata avyuhna a taopazy cha Khazohpa khinarâh to aw veih ei.

1 KAWRINI 6:18

Apatlana moleina a râsai teh u. Chyhsa ta moleina hropa a taopazy cha pôhpa khôtho lâ a châ, apatlana moleina a taopa deikua cha, ano pôhpa chô lia tlai ta moleina hmo a taopa a châ.

1 KAWRINI 6:19

Nama pôhpa cha Khazohpa tawhta nama daopa, nama chhôh liata a ypa Thlahpa Pathaihpa Achhyna o a châ tahpa pahno veih ei chi mâ? Nâmo eih châ khao veih ei chi,

1 KAWRINI 9:24

Arâpasuana liata ama zydua ta a râ ei ta, châhrasala pakha ngâlâh ta lymâ a hmô tyh tahpa pahno veih ei chi mâ? Lymâ hmô awpa ta a râ teh u.

2 KAWRINI 12:21

Ei vy heih tita, ei Khazohpa ta nama hmiakô liata na panawh aw ta, pualeina, apatlana nata parâna moleinazy liata a vaw tlaih tyhpazy ama ro leipa vâta, ei palôh thata a pasa heih aw tahpa ei ngiaroh ngaita.

KALATIA 6:7

Dôpa ta y khah u. Khazohpa cha pasipasawh awpa rimâ châ vei. Chyhsa ta chi a tupa maih, cha tlai cha a hria aw.

RYHPACHANEINA 22:22

“Chyhsa ta chyhsa hropa lapinô â ziakheipa hmôpa a châ khiahta cha, ama pano ta, a ziakheituhpa chapaw chhao, chanô chhao, ama thi awpa a châ. Cha hawhna chata hmo pha leipa cha Izarei tawhta nama pahlei aw.

RYHPACHANEINA 22:5

“Chanô ta chapaw chysia â tao awpa châ leipa ta, chapaw ta chanô chysia â tao awpa châ hra vei. Ahy rai cha hawhta a taopa maih cha, Abeipa nama Khazohpa châta pasichhihpa a châ.

RYHPACHANEINA 23:17

“Izarei sawchanôzy hry liata nothlahpa achhyna o liata âzuahnô ta ama y awpa châ leipa ta, Izarei sawchapawzy hry liata chhao nothlahpa achhyna o liata âzuahpa ama y awpa châ vei.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

HEBRAI 12:16

Apatlana moleina a taopa y leipa ta, Esaw hawhta pathaih leipa ama y lei nawpa ta, pakhâta ta moh teh u. Esaw cha pati ei kha nie ta sawchapaw uhtheipa châna a zuahpa kha a châ.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

ZÂMIE 1:16

Unawh kho ngaitapa saih u, dôveipa ta y khah u.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

RYUREITUHPAZY 19:22

Palôh thaphapa ta ama y hai nota, moh teh u, khihpi chyhsa moleipazy ta o cha vaw dôh ei ta, ochhi thata phy ei ta. O hneituhpa pawpipa hnohta, “Na o liata a vaw tlôpa chapaw kha vaw papua teh, eima ykhei aw,” tah ei ta.