1 KAWRINI 6:14 - Mara Bible RV (BSI)

¹⁴ Khazohpa ta Abeipa cha pathyu ta, keimo chhao a hmotaotheina ta miah a pathyu hra aw.

1 KAWRINI 6:14 ပူးပေါင်းရင်းမြစ်များ

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

HMOTAOPAZY 2:24

Châhrasala ano cha thina ta patu thei vei. Khazohpa ta thina pasa taonazy cha pathlâpa ta, a pathyu haw.

HMOTAOPAZY 2:32

Cha Zisu cha Khazohpa ta pathyu ta, keimo zydua he a pahnotuhpa eima châ.

RAWMA 8:11

Athihpa hry tawhta Zisu a pathyutuhpa Thlahpa nâmo liata a y khiahta cha, athihpa hry tawhta Krista Zisu a pathyutuhpa chata, nâmo liata a ypa a Thlahpa zawhzi ta, nama pôhpa thi theipazy cha a pahro aw.

1 KAWRINI 15:23

Châhrasala ama daihti chyu liata a châ aw. Krista cha thyuheihna hmia a sahtuhpa châ ta, â vy heihna liata Krista eihzy pathyupa ama châ aw.

2 KAWRINI 13:4

Chiehleipa ta khaipâpa châ ta, châhrasala Khazohpa hmotaotheina ta a hroh. Keimo chhao ano liata chiehleipa châ pi ta, châhrasala nâmo eima cha chakaopa vâna heta, Khazohpa hmotaotheina topa ta a hnohta eima hroh hra aw.

2 KAWRINI 4:14

Abeipa Zisu a pathyutuhpa ta keimo chhao Zisu hnohta miah pathyu hra aw ta, a hmiakô liata nâmo nata miah a paduasa khoh aw tahpa eima pahno.

PHILIPI 3:21

Ato ano rei sai ta a paysa theipa Krista ta eima pôhpa nawh ngaitapazy he ano pôhpa rônahpa hawhta y awpa ta, a hmotaotheina hmâpa ta a taopathi aw.

1 THYSALAWNIKA 4:14

Zisu thi ta a thyu heihpa eimâ ngiapâpa vâta, Zisu liata a môpazy cha Khazohpa ta ano hnohta â vaw chhi aw ei tahpa eimâ ngiapâ.