1 KAWRINI 6:10 - Mara Bible RV (BSI)

¹⁰ aparupazy, khohleikhopazy, sahma paripazy, chyhsa a reipachhie thaipazy nata avyuhna a taopazy cha Khazohpa khinarâh to aw veih ei.

1 KAWRINI 6:10 ပူးပေါင်းရင်းမြစ်များ

BIESOZY 7:27

A o cha Athihkhih lâpi châ ta, Thina chhôhpadâhpa lâ a zupa a châ.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ZEREMIAH 7:11

He keima moh tlai ta bipa o he, parutuhpazy lôpu hawhta ma nama mo liata a y haw? Pachâ teh u, cha cha keima tlai ta ei hmô haw, Abeipa ta a tah.

EZEKIA 22:13

“Chavâta pachâ teh, avyuhna ta nâ thôhna nata khihpi chhôh liata thisaih na palona zy vâta na chô liata ei ku ei pathla aw.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 22:29

Râhsawzy chhao ta, chyhsa hmozy chhu ei ta, chyhsazy hrao ei ta, dyhchhiepa nata phahlapazy tlybaipa ta, chihropa mapaihpazy chô liata nôchhiepa ta y ei ta, amâ dona nata tovyuhzy ama pakhâ tyh.

MATHAI 21:19

Lâpi kiah liata theiku kô hmô ta, kei pangai ta, a hna dei leipa ta cha khâpa hmah hmô leipa ta. Theiku kô hnohta, “Chhâzaw ta pathei khao khah y,” tah ta. Theiku kô cha thlai uah pâ ha ta.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MATHAI 23:33

Nâmo, parihzy saih u, nâmo, vâzi pathlazy saih u, hrienasu lâ sie awpa ta pachiana cha kheihta ma nama khôkhâh thei aw?

ZAWHÂNA 12:6

Chyhsa dyhchhiepazy a pachâpa vâta châ leipa ta, parupa châ ta, tâkâ sahria â vaopa chhôh liata sopazy a la tyhpa a châpa vâta, cha bie cha a reipa a châ.

HMOTAOPAZY 20:32

“Tahmâ he Khazohpa nata a ngiachhiena bie liata ei cha pavaosa ei. Cha chata cha palaiseihsa aw ei ta, mopathaihpazy hry liata ryuto a cha pahneisa aw ei.

1 KAWRINI 15:50

Unawh saih u, he bie he ei cha chho ei. Sapa nata thisaih heta Khazohpa khinarâh to thei leipa aw ta, thi theipa heta thi thei leipa to thei aw vei.

1 KAWRINI 5:11

Tahmâ deikua cha, ahy rai ngiapâna liata unawh moh phaoh tlôh ta, apatlana, khohleikhona, nothlahpa achhyna, chyhsa reipachhiena, sahma parina nata paruna moleinazy a tao thlâh ha khiahta cha, a pahlao lei awpa ta, nâmo lâta châ ei vaw roh. Cha hawhpa chyhsa cha pati chhao nielâh awpa châ vei.

KALATIA 5:21

uahvana, sahma parina, niedona nata cha hawhpa lâchhâh hmozy cha, sapa hmotaopazy a châ. Zikyu ei châ râ hapa hawhna ei khata, zikyu ei châ râ heih ei. Cha hawhpa hmo a taotuhpazy cha Khazohpa khinarâh to aw veih ei.

EPHESI 4:28

A paru tyhpa ta paru khao leipa sala, phahlapazy pie awpa a hnei thei nawpa ta, ano ku ta hmo phapa hria sala, hriapasa mawh sy.

EPHESI 5:5

He he a siapa ta pahno teh u: Apatlana moleina a taopa tlyma, chyhsa puapa tlyma, uahvana a hneipa tlyma, cha hawhpa chyhsazy chata Krista nata Khazohpa khinarâh liata ryu to hnei aw veih ei. Uahvana a hneipa cha nothlahpa achhypa a châ.

1 THYSALAWNIKA 4:6

He kyh liata ahy hmah a unawhpa chô liata moleipa ta hmopha leipa a tao awpa châ vei. Cha chho chhielie ha pi ta, a phapa ta zikyu eima châ râ hapa hawhta, Abeipa cha, cha hawhpa hmo a taotuhpa zydua chô liata phuh latuhpa a châ.

1 PITY 4:15

Lianycheina vâta tlyma, paruna vâta tlyma, paraona vâta tlyma, hohiahna vâta tlyma deikua cha, nama hry liata ahy hmah pasa tao khah sy.