1 KAWRINI 5:8 - Mara Bible RV (BSI)

⁸ Chavâta Zawpakhô kyhchhi ei suh u. Thinô parohpa, nôchhiena nata moleina thinô ta châ leipa ta, thinô pahlao leipa viahchhâ, palôh dopa nata biehmeiseihpa ta kyhchhi ei suh u.

1 KAWRINI 5:8 ပူးပေါင်းရင်းမြစ်များ

HLAZY 32:2

Abeipa ta thailei pachâsa leipa ta, A hro liata haidihaiduana a y leipa chyhsa cha a nohlao na.

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

PUASAINA 12:15

Noh sari chhôh viahchhâ thinô pahlao leipa nama nie awpa a châ. Noh khana noh ta, nama o chhôh tawhta thinô nama pathai khai ha awpa châ ta, ahy rai noh kha noh tawhta noh sari noh taihta viahchhâ thinô pahlaopa a niepa maih cha, cha chyhsa cha Izarei tawhta chhawh pathlahpa a châ aw.

PUASAINA 12:19

Noh sari chhôh nama o chhôh liata thinô rai a y awpa châ vei. Ahy rai thinô pahlaopa a niepa chyhsa cha, chihropa chhao, a râh chyhsa chhao, Izarei zawpi tawhta chhawh pathlahpa a châ aw.

PUASAINA 12:8

A sa cha, cha zâ ta mei liata rao aw ei ta, viahchhâ thinô pahlao leipa nata âhna khapa a hmiepa ta ama nie aw.

PUASAINA 13:6

Noh sari chhôh viahchhâ thinô pahlao leipa nie aw ei chi ta, a noh sarina noh cha Abeipa châta kyhchhi noh a châ aw.

PUASAINA 13:7

Noh sari chhôh viahchhâ thinô pahlao leipa nie awpa châ ta, thinô pahlaopa khâpa hmah nâmo liata a y awpa châ leipa ta, nama râh chhôh zydua liata thinô hmô awpa a y awpa châ vei.

ISAI 25:6

He tlâh liana heta, Pheisaihzy Abeipa ta phopi zydua châta kyhchhi a tao aw; Pati pahâhpa to niena kyhchhi châ aw ta, Kresawhti hlôpa dona kyhchhi a châ aw; Sa rupa lathli bawna kyhchhi châ aw ta, Kresawhti suapa dona kyhchhi a châ aw.

ISAI 30:29

Zâ kyhchhi pathaihpa hnei no hawhta hla sa aw ei chi ta, ramo tôna chôta Abeipa tlâh lâ khy ei ta, Izarei Lôpanô lâ ama khy no hawhta palôh thaphapa ta nama y aw.

THEIHTHAINA 23:6

Cha thla pyly liata, noh hrawh hleipangawhna noh cha Abeipa châta viahchhâ thinô pahlao leipa kyhchhi châ ta, noh sari chhôh viahchhâ thinô pahlao leipa nama nie awpa a châ.

MATHAI 16:12

Chatanachata viahchhâ thinô liata a vaih awpa ta a chhopa ei châ leipa ta, Phârisaihzy nata Saduasizy pachuna liata a vaih awpa kyh tlao a châzie pahno ha ei ta.

MATHAI 16:6

Zisu ta ama hnohta, “A hrohrua u la, Phârisaihzy nata Saduasizy thinô liata a vaih teh u,” tah ta.

MÂKA 8:15

Zisu ta pachupazy cha zikyu a râ ta, ama hnohta, “A hrohrua u la, Phârisaihzy thinô nata Herawda thinô tawhta a vaih teh u,” tah ta.

LUKA 12:1

Cha nona chata, amâ tlypâ ngâna taihta zawpi sâh hluhpi a vaw hmaohpakhy ei ta, Zisu cha a pachupazy hnohta bie reih tua chai ta, “Phârisaihzy thinô liata a vaih teh u, cha cha phapakheina a châ.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

1 KAWRINI 3:3

sapa chyhsa nama châ chypa vâta. Nama hry liata hiatliana nata aeichhiana zy a y thlâh ha chy khiahta cha, sapa chyhsa châ chy ei chi ta, sapa hro ta a hrohpa châ thlâh ha chy veih ei chi ma?

1 KAWRINI 5:1

Nama hry liata apatlana a ypa kyh thata a pathâh. Chyhsa pakha ta a paw lapinô ykhei ta, cha hawhpa hmo cha ngiapâleipazy hry lia hmahta a y beih leipa a châ.

1 KAWRINI 5:6

Namâ palaina he pha vei. Thinô chyhta ta viahdie zydua a rô khai thei tahpa pahno veih ei chi ma?

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

2 KAWRINI 8:8

Biepiepa hawhta reih leipa na ta, mohropazy phahnai ngiahna cha pahnosa ta, nâmo chhao kyhpachâna hmeiseihpa nama hneipa pasia nawpa ta ei reih.

EPHESI 6:24

Kyhpachâna dia beih leipa ta eima Beipa Zisu Krista kyh pachâtuhpa zydua hnohta ngiachhiena y mawh sy.

RYHPACHANEINA 16:16

“Chapaw zydua ta Abeipa nama Khazohpa ta â tlyh awpa su liata kô kha ta ei thôh a hmiakô liata namâ luah tyh awpa a châ. Viahchhâ thinô pahlao leipa kyhchhi liata zy, hâta kyhchhi liata zy, byureih kyhchhi liata zy, Abeipa hmiakô liata ku ruapa ta namâ luah awpa châ vei.

RYHPACHANEINA 16:3

Atheihna sa cha viahchhâ thinô pahlaopa chhaota nama nie awpa châ vei. Izi râh tawhta a para ngaitapa ta nama kaw puapa atheithlâhna châta, noh sari chhôh viahchhâ thinô pahlao leipa, pasataona viahchhâ nama nie awpa a châ. Chatanachata Izi râh tawhta nama kaw puana noh cha, nama hro chhôh zydua ta namâ thei thlâh ha aw.

ZAWSUA 24:14

“‘Chavâta Abeipa cha chi u la, hmeiseihpa nata â do ngaitapa ta ano cha chakao muh vy. Châ pathlatuhpazy ta Chavah haosâ nata Izi râh liata ama chakao tyhpa khazohzy kha thy khai u la, Abeipa chakao muh vy.

1 PITY 4:2

Chatanachata sapa ta nama hro chhôh zydua chyhsapa aohraohnazy liata hroh khao leipa aw ei chi ta, Khazohpa khozie hawhta nama hroh thei aw.