1 KAWRINI 5:1 - Mara Bible RV (BSI)

¹ Nama hry liata apatlana a ypa kyh thata a pathâh. Chyhsa pakha ta a paw lapinô ykhei ta, cha hawhpa hmo cha ngiapâleipazy hry lia hmahta a y beih leipa a châ.

1 KAWRINI 5:1 ပူးပေါင်းရင်းမြစ်များ

ÂTHAONA 35:22

Cha râh liata Izarei a y nota, Rubena cha vawh ta, a paw nôtho Bilhâ a ziakhei ta. Izarei ta cha cha pahno ha ta. Zakaw cha sawchapaw pahrawh hleino hnei ta.

ÂTHAONA 37:2

Hezy he Zakaw pathlazy ama châ. Zawsi cha kô hrawh hleisari uhtheipa dei a châ chypa vâta, a paw lapinô Bilhâ nata Zilpâ sawchapawzy chhaota sahroh zaw lao pabâsa tyh ta. Zawsi ta ama hmotao pha leipa kyh ama paw hnohta tlôkhei tyh ta.

ÂTHAONA 49:4

Châhrasala ti hawhta a i leipa na châ; Na paw rakhô kiah chi ta, Na papuapaleipa vâta, Chônôchaina to khao aw va chi. Ei rakhô a kiapa kha!

2 SAMUELA 16:22

Chatanachata Absalaw châta vâphuh liata poh o parai ei ta, Izarei zydua mohmô ta a paw nôthozy lâ cha a ngia ta.

2 SAMUELA 20:3

Dâvi cha Zerusale liata a o kei tlô ta, abei ta o hâ awpa ta a nôtho a sopa pahrawhzy kha a chhi ta, o kha liata soh pakhy ta, âmo cha a chyh pazao lymâ ei. Ama hnohta deikua a ngia khao vei. Ama thi noh taihta khawhlôhpa ta y ei ta, ama vahpa a hroh thlâh hana chôta nôhmeipa ta ama y.

1 THÂTIHZYRONA 5:1

Hezy he Izarei sawchapaw uhtheipa Rubena pathlazy ama châ. Rubena cha sawchapaw uhtheipa châ ta, châhrasala a paw rakhô a papuapaleipa vâta, sawchapaw uhthei châna tovyuh cha Izarei sawchapawpa Zawsi sawchapawzy hnohta piepa châ ha ta, chavâta pathlatuhpazy alaichadaina liata chhao, sawchapaw uhtheipa hawhta a laichadaipa châ khao vei.

ZEREMIAH 2:33

“Vâia tlua nawpa ta cha, Na hrozie a pha kaw dia! Chanô moleipazy taihta Na hroziezy na pachu ei.

EZEKIA 16:47

Ama hroziezy a chhih chi ta, pasichhihpa hmo ama taopazy na tao hrapa dei châ leipa ta, daihti chyuta chhôh ta, na moleina nata na hrozie zydua liata âmo hlâta na paru via haw.

EZEKIA 22:10

Ama paw lapinô a ziakheipazy khihpi chhôh liata y ei ta, chanôzy ama thaitlyh lei nota a ziakheipazy chhao ama y.

THEIHTHAINA 18:8

“Na paw lapinô hno na ty awpa châ vei. Cha cha na paw dua thliapa a châ.

THEIHTHAINA 20:11

A paw lapinô a ziakheipa cha, a paw dua a thliapa châ ta, ama pano ta thie thlyu awpa a châ. Ama thisaih maoh ama phaoh aw.

AMÔSÂ 2:7

Sipasapazy luh alei dohlei liata tlypâ ei ta, Dyhchhiepazy lâpi ama chahrih tyh; Paw nata saw ta chanô pakha a ziakhei ei ta, Ei moh pathaihpa ama papuapalei.

HMOTAOPAZY 15:20

Âmo lâ châ paphao sih la, nothlahpa achhyna hmo pathaih leipa niepa, apatlapa, paaosaopa nata thisaih niepa zy tao khao leipa ta bâhsai awpa ta chho ei sih la, â daihpa ta ei pahno.

HMOTAOPAZY 15:29

Nothlahpa lâ atheihna sa niepa, sa thisaih niepa, paaosaopa niepa nata apheina zy nama bâhsai awpa a phapa ta eima pahno. Chazy cha nama bâhsai khiahta cha, nama châta a pha aw. Atlâhpa ta.”

1 KAWRINI 1:11

Unawh saih u, nama hry liata aeichhiana a ypa kyh Klôi chhôhkhazy ta na chho ei ta.

1 KAWRINI 5:11

Tahmâ deikua cha, ahy rai ngiapâna liata unawh moh phaoh tlôh ta, apatlana, khohleikhona, nothlahpa achhyna, chyhsa reipachhiena, sahma parina nata paruna moleinazy a tao thlâh ha khiahta cha, a pahlao lei awpa ta, nâmo lâta châ ei vaw roh. Cha hawhpa chyhsa cha pati chhao nielâh awpa châ vei.

1 KAWRINI 6:13

“Niepa cha py châta châ ta, py cha niepa châta a châ,” châhrasala Khazohpa ta a pahleipadia raihrie aw. Pôhpa he apatlana moleina châta châ leipa ta, Abeipa châta tlao a châ, Abeipa chhao pôhpa châta a châ.

1 KAWRINI 6:18

Apatlana moleina a râsai teh u. Chyhsa ta moleina hropa a taopazy cha pôhpa khôtho lâ a châ, apatlana moleina a taopa deikua cha, ano pôhpa chô lia tlai ta moleina hmo a taopa a châ.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

2 KAWRINI 12:21

Ei vy heih tita, ei Khazohpa ta nama hmiakô liata na panawh aw ta, pualeina, apatlana nata parâna moleinazy liata a vaw tlaih tyhpazy ama ro leipa vâta, ei palôh thata a pasa heih aw tahpa ei ngiaroh ngaita.

2 KAWRINI 2:5

Ahy rai pachârôhna a tlôkhei khiahta cha, keima pachâ eina parôhpa dei châ leipa ta, nama zydua pachârôhna a tlôkheituhpa a châ. Ei cha pasi tu leina awpa ei ta, cha bie cha ei reipa a châ.

2 KAWRINI 7:12

Chavâta nama hnohta châpaphaopa vaw roh hraw sah la, moleina hmo a taotuhpa vâta roh leipa na ta, moleina pasa a taotuhpa vâta roh hra va na. Keimo châta phahnai namâ ngiahzie Khazohpa mohmô ta nama hnohta palâsapa ta a y thei nawpa ta ei roh.

KALATIA 5:19

Sapa hmotaopazy cha a lâ thlâh ha ta, hezy he a châ: Apatlana, palôh pathaih leina, parâna,

EPHESI 5:3

Mopathaihpazy nama châ tawhta cha, apatlana, puana zydua nata uahvana zy nama hry liata a rei chhao reipa châ khah sy.

RYHPACHANEINA 22:30

“A paw lapinô a hneipa cha, a paw dua a thliapa a châpa vâta, chyhsa ta a paw lapinô a hnei awpa châ vei.

RYHPACHANEINA 27:20

“A paw lapinô a ziakheipa cha, a paw dua a thliapa a châpa vâta, chhiesapa ta y mawh sy,” tah aw ei ta, zawpi ta, “Amen” ama tah aw.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

1 THYSALAWNIKA 4:7

Apuapa ta y awpa ta Khazohpa ta miah aw leipa ta, pathaih awpa ta miah a aw.

BIEPHUAH 2:21

A ro nawpa ta daihti pie na ta, châhrasala a sihryhna cha ro khoh vei.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

1 SAMUELA 2:24

Châ bao va, ei sawchapawzy saih u, Abeipa chyhsazy ta nama thâtih ama pathâhsapa ei theipa he thâtih phapa châ vei.