1 KAWRINI 4:8 - Mara Bible RV (BSI)

⁸ Namâ ngiahpazy nama hnei khai haw! Nama vaw hneirôh haw! Keimo a hlao leipa ta beizy nama vaw châ haw! Beizy châ hmeiseih u la, keimo chhao nama hnohta a bei hra sih la ei tah kaw dia!

1 KAWRINI 4:8 ပူးပေါင်းရင်းမြစ်များ

BIESOZY 13:7

Chyhsa pakha cha anosasyh hneirôhpa hawhta â tao ta, Châhrasala a hneipa y leipa ta; Chyhsa hropa ta sipasapa hawhta â tao ta, Châhrasala sôh hluhpi a hnei.

BIESOZY 25:14

Hmo a pie leipa tlai ta piepa hawhta â reihpa cha, Vâsua ti a hnei leipa meihdo nata thlih hawhta a châ.

ISAI 5:21

Âmo mo liata â pasosa kaw ei ta, Âmo mohmô liata thai â tah kawpazy cha, Ama hu a po na!

ZEREMIAH 28:6

Hrohsopa Zeremiah ta, “Amen! Na reipa hawhna chata Abeipa ta tao tlai mawh sy. Hrohsona bie na phuahpazy cha Abeipa ta vaw patlôsa tlai sala, Abeipa o liata hmobaohzy nata sei ta â tâhpa zydua cha, Babylaw tawhta he su lâ he vaw tlôkhei tlai mawh sy.

MALUHREINA 11:29

Châhrasala Mawsi ta a hnohta, “Ei chhâh a châpa ta hiatliapa ma na châ tly? Kei la Abeipa chyhsa zydua hrohsopa châ khai ei sala, Abeipa ta a Thlahpa ama chô liata soh khai sala tahpa tlao ei khoh,” tah ta.

MATHAI 5:1

Zisu cha zawpizy a hmô nahta, tlâh lâ kiah ta, a tyuh ta, a pachupazy a hnohta a vy ei ta.

LUKA 6:25

“Nâmo, tahmâ nota rihbiepazy saih u, nama hu a po na, nama no a di awpa vâta. “Nâmo, tahmâ nota a pahneihpazy saih u, nama hu a po na, mâchhiesapa ta nama y awpa vâta.

HMOTAOPAZY 26:29

Pawla ta, “Buakha chhôh ta tlyma, bohpi tlyma rai châ sala, nâ dei châ leipa ta, tanoh ta ei bie a theipa zydua heta, he bâliazy he na tah leipa ta cha, keima hawhta y awpa ta Khazohpa lâta ei hiah,” tah ta.

RAWMA 12:3

Nama hry liata chyhsa ahy hmahta a châna dopa hlâta a sâh viapa ta a pachâ leipa sala, Khazohpa ta chyhsa to hnohta ngiapâna a piepa rakhapa lymâ hawhta, a châna dopa a pahno thai awpa ta, Khazohpa ta ngiachhiena eina piepa zawhzi ta ei cha chho ei.

1 KAWRINI 1:5

Ano vâta biereina kyh nata pahnona kyh zydua liata, kyh to liata pahneirôhsapa ta nama y.

1 KAWRINI 4:18

Nâmo lâ a vy khao lei awpa hawhta na pachâpa ta, thokha cha namâ palai kaw ei aw.

1 KAWRINI 5:6

Namâ palaina he pha vei. Thinô chyhta ta viahdie zydua a rô khai thei tahpa pahno veih ei chi ma?

2 KAWRINI 11:1

Ei vaw hru pâ hapa chhao ta eina chhyh thai awpa ei chi ei khoh kaw. Rie na chhyh thai muh vy!

2 KAWRINI 13:9

Keimo eima chieh vei no chhao ta, nâmo thatlôpa ta nama ypa cha eimâ ly chaina a châ. Phapakipa ta nama y thei nawpa ta thlah eima chhâ lymâ.

KALATIA 6:3

Khâpa hmah châ tlôh leipa ta, chyhsa peimawhpa hawhta â pachâpa cha, anosasyh a dôveipa a châ.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

PHILIPI 2:12

Chavâta kho ngaitapazy saih u, bie nama zyh tyhpa hawhna khata, ei y nota dei hria leipa u la, tahmâ ei y vei chhôh ta tlao hria viapa ta, chipa nata chalyupa ta nama pachhana cha hria papua teh u.

BIEPHUAH 3:17

“Sôh hluhpi a pachô ha na ta, ei hneirôh haw, khâpa hmah a phahla va na,” tah chi ta, châhrasala rietheipa, ngiachhiechhihpa, dyhchhiepa, mochaopa nata thluahruapa na châ tahpa a pahno va chi.

BIEPHUAH 5:10

Âmo cha eima Khazohpa châta khinarâh ta padua chi ta, Theihthaipazy ta na tao ei; Alei liata ryu ama reih aw,” tahpa ta hla thiehpa ma sa ei ta.