1 KAWRINI 4:6 - Mara Bible RV (BSI)

⁶ Unawh saih u, nama pha nawpa ta, cha hmozy cha kei nata Apawlôsâ liata ei vaw hmâ hapa a châ. Chatanachata Biehrai bie khô lei awpa ta, keimo tawhta a chu thei aw ei chi ta, pakha a dyuh nawpa ta mohropa a palaikhei khao aw veih ei chi.

1 KAWRINI 4:6 ပူးပေါင်းရင်းမြစ်များ

HLAZY 146:3

Abeizy a ngâchhâ leipa la, Chyhsa sawzy chhao a ngâchhâ khah y, Ano liata pachhana y vei.

HLAZY 8:4

Chyhsapa he khâpa châ ta ma, Pachâ kaw chi ta; Chyhsa sawchapawpa he khâpa châ ta ma, Na mohôh tly?

ISAI 2:22

Chyhsapa he ngâ khao khah y, A hnapasu liata husona a hneipa deita a châ hih; Pasâhsa kaw nawpa khâpa a hnei tly?

HMOTAOPAZY 18:24

Alezandria khihpa Zu chyhsa Apawlôsâ ama tahpa Ephesi lâ a vy ta. Ano cha a pakah paleih a thlâzi kawpa nata Biehrai a pahno kawpa a châ.

HMOTAOPAZY 19:1

Apawlôsâ Kawrini liata a y chhôh ta Pawla cha tlâh râh chahryh ta, Ephesi tlô ta. Cha liata pachupa thokhazy hmô ta.

RAWMA 12:3

Nama hry liata chyhsa ahy hmahta a châna dopa hlâta a sâh viapa ta a pachâ leipa sala, Khazohpa ta chyhsa to hnohta ngiapâna a piepa rakhapa lymâ hawhta, a châna dopa a pahno thai awpa ta, Khazohpa ta ngiachhiena eina piepa zawhzi ta ei cha chho ei.

1 KAWRINI 1:12

Ei rei khohpa cha he he a châ. Pakha ta, “Kei Pawla py ei châ,” tah ta, pakha ta, “Kei Apawlôsâ py ei châ,” tah ta, mohropa ta “Kei Kephâ py ei châ,” tah ta, mohropa heih ta, “Kei Krista py ei châ,” nama tah.

1 KAWRINI 1:19

“Asopazy sona pahleipadia aw na ta, Athaipazy novâhna ei thy aw,” tahpa ropa a châ.

1 KAWRINI 1:31

Chavâta Biehrai ta a ropa hawhta, “A palaipa maihta Abeipa a palaikhei mawh sy.”

1 KAWRINI 13:4

Kyhpachâna cha dao thei ta, a nô a pha. Kyhpachâna cha a hiatlia leipa ta, anosasyh ta a reithai vei. Kyhpachâna cha a palai leipa ta,

1 KAWRINI 3:19

He khizaw sona he, Khazohpa pachâ ta hruna châ tlôh ta. “Khazohpa ta chyhsa sopazy cha, âmo so piehpiena ta a paao tyh,” tahpa ta ropa a châ.

1 KAWRINI 3:21

Chavâta ahy hmahta chyhsazy a palaikhei khah sy. Hmo to zydua nâmo eih a châ.

1 KAWRINI 5:2

Nâmo deikua cha a patahtheisana ta nama hmâh cha! Mâchhiesapa ta tlao y u la, cha hawhpa hmo a taopa cha nama hry tawhta nama papua ha awpa châ vei ma?

1 KAWRINI 5:6

Namâ palaina he pha vei. Thinô chyhta ta viahdie zydua a rô khai thei tahpa pahno veih ei chi ma?

1 KAWRINI 8:1

Nothlahpazy lâta hlâpa niepa kyh liata, eima zydua ta pahnona eima hnei chyu tahpa eima pahno. Pahnona ta chyhsa liata apalaina tao ta, kyhpachâna deikua ta chyhsa a tao pathi tyh.

1 KAWRINI 9:23

Thâtihpha byhnâ ei topa ama to thei nawpa ta, cha hmozy cha ei tao.

2 KAWRINI 10:12

Âmosasyh a rei paphapa thokhazy cha a rei pâ ngâh leipa pi ta, a pakho ngâh hra ma pi. Châhrasala a thlie raihrie ei ta, amâ pakho tyhpa deikua he cha, novâhna amâ phahlazie a palâsa.

2 KAWRINI 10:15

Eima hriana su khô lâta mohropazy hriapa a palaikhei beih ma pi. Namâ ngiapâna laiseih lymâ aw ta, nama hry liata eima chakaona chhao a kawh via lymâ aw tahpa hnabeiseihna tlao eima hnei.

2 KAWRINI 10:7

Nama mohmô liata a ypazy kha moh tua u. Ahy rai Krista eih a châpa â lôh khiahta cha, ano Krista eih a châpa hawhta, keimo chhao Krista eih eima châzie pahno chanei heih mawh sy.

2 KAWRINI 11:4

Ahy tlyma a vy sala, keimo eima cha chhopa Zisu a châ leipa, Zisu hropa kyh vaw reih sala tlyma; Thlahpa nama topa a châ leipa, thlahpa hropa kyh vaw reih sala tlyma; thâtihpha nama daopa a châ leipa, thâtihpha hropa kyh vaw reih sala tlyma, namâ pyh thlâh ha khiahta cha, a naopa ta dôvei theipa nama châ tahna a châ.

2 KAWRINI 12:19

Eima thaichâna bie eima cha rei thlupa hawhta ma nama pachâ? Kho ngaitapa saih u, nâmo taopathi nawpa ta Khazohpa mohmô ta Krista liata bie eima reipa a châ.

2 KAWRINI 12:20

Ei vy tita, ei pachâpa hawhta ei cha hmô lei awpa ei chi na ta, nâmo chhao ta nama pachâpa hawhta eina hmô lei awpa ei chi ei ngiaroh kaw. Ahryuna, hiatliana, hiehâhna, akhakhaina, areipachhiena, kyh reina, apasâhsana nata tymâna zy a y pathlei aw tahpa ei chi kaw.

2 KAWRINI 12:6

Keimasasyh a palaikhei khohpa rai châ aw sah la, biehmeiseihpa a reihpa ei châ awpa vâta, ahrupa châ aw va na. Châhrasala chyhsazy ta ei taopa nata ei reipa hlâta rônah viapa ta eina pachâ pathlei lei nawpa ei ta, keimasasyh a palaikhei lei awpa ei chhuah.

2 KAWRINI 4:15

Cha zydua cha nama pha nawpa châ ta, chatanachata ngiachhiena cha chyhsazy hry liata pôh via lymâ aw ta, Khazohpa rônah nawpa ta alyna bie reina chhao a pôh via rili aw.

KAOLAOSÂ 2:18

Ahy hmahta areisina pakheipa nata vâlyuhchâpazy achhyna a duakheipa ta, nama lymâ hmô thei lei awpa ta cha tao khah ei sy. Cha hawpa chyhsa cha aluahna a hmôpazy kyh â kichopa ta reih tyh ta, a chhâpa y leipa ta sapa palôh ta thata â palai tyh.

1 THYSALAWNIKA 1:5

Thâtihpha nama hnohta eima vaw tlôkheipa kha, bie dei ta vaw tlôkhei leipa pi ta, hmotaotheina nata Thlahpa Pathaihpa nata ngiapâna a i ngaitapa chhaota eima vaw tlôkheipa a châ. Nama hry liata eima y nona kha, nâmo vâta kheihta ma eima y tahpa nama pahno.

2 TIMAWTHY 2:10

Chavâta atlyhpazy ta Krista Zisu liata a ypa pachhana cha, chhâzaw rônahna chhaota ama hmô thei nawpa ta, âmo châta ato pasa ei tao lylia.