1 KAWRINI 4:5 - Mara Bible RV (BSI)

⁵ Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

1 KAWRINI 4:5 ပူးပေါင်းရင်းမြစ်များ

ZAWBÂ 12:22

Zohna athupa liata a ypazy palâhâh ta, Thina nohpahli chhao khaihna a pachâsa tyh.

BIESOZY 12:8

Pahnona phapa a hneipa chyhsa cha reithaina hlao ta, Palôh chhiepa chyhsa deikua cha mohnaona a hlao tyh.

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

BIECHHOTUHPA 12:14

Khazohpa ta hmo taopa zydua, a phapa chhao, a chhiepa chhao, pachia khai aw ta, arulâta taopa zydua chhao a pachia khai aw.

ZEREMIAH 16:17

Ama hrozie zydua ei hmô khai. Kei tawhta a nyu thei leipa ei ta, ama paraona chhao ei mo tawhta a nyu thei vei.

ZEREMIAH 23:25

“‘Mâ ei sa, mâ ei sa!’ tah ei ta, ei moh ta haipa ta hrohsona bie a phuahtuhpa hrohsopazy bie reipa ei thei.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

MATHAI 10:26

“Chavâta âmo cha chi khuh vy. A lâ lei awpa ta khupa khâpa hmah y leipa ta, pahno lei awpa ta phihpa khâpa hmah y vei.

MATHAI 24:30

Chatawhcha Chyhsa Sawchapawpa ngiana avâ liata a vaw lâ aw ta, alei liata chi to mâchhiesapa ta y aw ei ta, Chyhsa Sawchapawpa cha hmotaotheina nata rônah ngaitapa ta vâ meihdo chô liata â zupa ama hmô aw.

MATHAI 24:46

A zibeipa â vy tita, rai hria haipa ta a hmôpa chakaotuhpa cha a nohlao kaw aw dia.

MATHAI 25:21

A zibeipa ta a hnohta, ‘Chakaotuhpa phapa nata ngâchhihpa, na tao pha na. Hmo chyhta chô liata ngâchhih chi ta, a hluhpi chô liata ei cha paysa aw. Na zibeipa alyna liata a ngia teh,’ tah ta.

MATHAI 25:23

A zibeipa ta a hnohta, ‘Chakaotuhpa phapa nata ngâchhihpa, na tao pha na. Hmo chyhta chô liata ngâchhih chi ta, a hluhpi chô liata ei cha paysa aw. Na zibeipa alyna liata a ngia teh,’ tah ta.

LUKA 6:37

“Sei khah u, chatanachata seipa ta y aw veih ei chi. Ahy hmah thailei pachâsa khah u, chatanachata thailei pachâsapa ta y aw veih ei chi. A ngiahthai teh u, chatanachata a ngiahthaipa nama châ aw.

ZAWHÂNA 21:22

Zisu ta a hnohta, “Ano cha ei vy heihna taihta hroh awpa ta a khohpa rai châ aw sah la, cha cha na pachâ awpa a châ ma? Nâ cha na zi thlâh ha teh!” tah ta.

ZAWHÂNA 21:23

Cha bie cha unawhzy hry liata pathâh ta, cha pachupa cha a thi lei awpa hawhta reipa a châ. Châhrasala Zisu ta pachupa cha a thi lei awpa kyh Pity hnohta reih leipa ta, “Ano cha ei vy heihna taihta hroh awpa ta a khohpa rai châ aw sah la, cha cha nâma pachâ awpa a châ ma?” a tahpa a châ.

ZAWHÂNA 5:44

Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?

RAWMA 14:4

Mohropa chakaotuhpa seituhpa cha ahy ma na châ? Â duah tlyma, a pao tlyma, ano zibeipa hmiakô liata a taopa a châ. Abeipa cha ano a paduasa theipa a châpa vâta, â duah thlâh ha aw.

RAWMA 2:1

Chavâta Hy chyhsapa, nâ, mohropa a sei thaipa, rei awpa rai hnei va chi. Mohropa na seina liana tlai khata, nâmasasyh ta thailei nâ pachâsa haw, nâ, seituhpa tlai chhao chi kha, cha hawhpa hmozy a tao tyhpa na châ hrapa vâta.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

RAWMA 2:29

Zu châna cha chyhsa chhôh liata y ta, chopawtaina cha palôh liata a y, châbie ta chopawtaipa châ leipa ta, Thlahpa ta taipa tlao a châ. Cha hawhpa chyhsa cha, chyhsapa reithaina hlao leipa ta, Khazohpa reithaina a hlao tyh.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

1 KAWRINI 1:7

Chavâta eima Beipa Zisu Krista aluahna nama hâna liata, thlahpa hmopiepa khâpa hmah a phahla veih ei chi.

1 KAWRINI 11:16

He kyh liata a paeipa ama y khiahta cha, taozie hropa hnei ma pi, Khazohpa Awnanopa chhao ta hnei hra vei.

1 KAWRINI 11:26

He viahchhâ he nama niena maih nata nyu he nama dona maihta, â vy heih hlâlei cha Abeipa thina nama pamosa tyhpa a châ.

1 KAWRINI 15:23

Châhrasala ama daihti chyu liata a châ aw. Krista cha thyuheihna hmia a sahtuhpa châ ta, â vy heihna liata Krista eihzy pathyupa ama châ aw.

1 KAWRINI 3:13

mei ta pasia aw ta, Noh ta a palâhâh awpa vâta, o sapazy cha ama châna dopa â vaw lâ chyu aw. Kheihta ma ama hria tahpa mei ta a pasia aw.

1 KAWRINI 3:14

Ahy rai lôbô chô liata o a sapa â duah thlâh ha khiahta cha, cha chyhsa cha lymâ a hmô aw.

1 KAWRINI 3:8

A lohtuhpa nata ti a baotuhpa cha miakha ama châ. Ama hriapasazie hawhta lymâ ama hmô chyu aw.

2 KAWRINI 10:18

Anosasyh a reipaphapa ta reithaina hlao hlei leipa ta, Abeipa ta a reipaphapa ta reithaina a hlao tyh.

2 KAWRINI 10:9

Ei châpaphaopazy ta nâmo pachhiparypa hawhta a lâ awpa khoh va na.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

1 THYSALAWNIKA 5:2

Abeipa Noh cha zâ ta parutuhpa hawhta a vaw tlô aw tahpa nâmo tlai ta a sia kawpa ta nama pahno.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.

ZÂMIE 5:7

Chavâta unawh saih u, Abeipa a vy hlâlei palôh pasipa ta y teh u. Pachâ tua u, lyuhneituhpa cha vâsua hmiatuapa nata vâsua hnôh viapa a hmô hlâlei alei thei sôhpa a hâ hualua tyh.

ZÂMIE 5:9

Unawh saih u, seipa ta nama y lei nawpa ta, nâmo nata nâmo a paphôh thlu khuh vy. Moh tua u, Ryureituhpa cha ochhi thaby liata â duah thlâh haw.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.

2 PITY 3:12

Cha hawhta yna chôta Khazohpa Noh cha hâ aw ei chi ta, a vaw tlô nawpa daihti nama chatliesa aw. Cha Noh a vaw tlôpa chata avâzy khi kâpa ta pahleipadia aw ta, avâ liata a ypazy cha mei ta a pazao khai aw.

2 PITY 3:4

“Â vy heihna bietai cha khataih liata a y haw? Pathlatuhzy amâ mô tawh chhao ta, hmotaopazy tao tua nota ama yzie ualua ta hmo to zydua ama y thlâh he zaw” ama tah aw.

ZUDÂH 1:14

Cha hawhpa chyhsazy thâtih cha, Âdâh tawhta chhâ sarina Enawka chhao ta, “Moh teh u, Abeipa cha a vâlyuhchâpa pathaihpa thy kha chhaota â vy.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.