1 KAWRINI 4:15 - Mara Bible RV (BSI)

¹⁵ Krista liata chhituhpa thy kha hnei hra u la, Paw deikua a hluhpi hnei veih ei chi. Kei he thâtihpha vâta Krista Zisu liata nama paw ei châ.

1 KAWRINI 4:15 ပူးပေါင်းရင်းမြစ်များ

MALUHREINA 11:12

He zawpi zydua he ei phaopa ma ama châ? Ei sapazy ma ama châ? Khazia nawh apyhpa ta sâhpi a bâhpa hawsaih â pyhpa hawhta, âmo cha ei kalachhôh liata a pyh laih ta, ama pathlatuhpazy hnohta bie nâ taihpa râh lâ siekhei awpa ta eina chho chi?

RAWMA 15:20

Cha hawhna chata, mohropa lôbô bô chiehpa liata o a sapa ei châ lei nawpa ta, Krista moh pado hana su liata cha thâtihpha chho lei awpa ei chhuah,

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

1 KAWRINI 15:1

Unawh saih u, thâtihpha cha chho ei na ta, a pyh ei chi ta, a pahniehna ta nama hmâpa thâtihpha kyh cha, cha chho chanei heih awpa ei ei khoh.

1 KAWRINI 3:10

Khazohpa ta ngiachhiena eina piepa lymâ hawhta, o satuhpa zôthaipa taozie hawhta, kei ta lôbô bô na ta, mohropa ta a chô liata o ama sa. Chyhsa to ta lôbô chô liata o ama sa awpa kyh liata a sohsi chyu mawh ei sy.

1 KAWRINI 3:6

Kei ta loh na ta, Apawlôsâ ta ti bao ta, Khazohpa ta a palaiseihsa.

1 KAWRINI 3:8

A lohtuhpa nata ti a baotuhpa cha miakha ama châ. Ama hriapasazie hawhta lymâ ama hmô chyu aw.

1 KAWRINI 9:12

Mohropazy hmahta chyh awpa ama châ hnaw khiahta cha, keimo chhochhi cha châ hnaw via pachai awpa châ ma pi ma? Châhrasala keimo la, cha tovyuh cha a hnaw ma pi. Krista thâtihpha eima pakhâpadie lei nawpa ta, riethei to tlao eima tao lylia.

1 KAWRINI 9:14

Cha hawhna chata, thâtihpha chhotuhpazy châta, thâtihpha cha ama nie hmôna châ awpa ta Abeipa ta bie a pie.

1 KAWRINI 9:16

Thâtihpha ei chhopa chhao heta, a palai nawpa hnei va na. Tao lei thei lei awpa ta ei chô liata a pahnieh tlôh ta. Thâtihpha ei chho vei khiahta la, ei hu a po aw!

1 KAWRINI 9:18

Cha khiahta la, ei lymâ cha khâpa a châ aw? Thâtihpha ei chhopa vâta tovyuh ei hnaw theipazy a hnaw leipa ta, hlao leipa ta thâtihpha ei chho theipa he ei lymâ cha a châ.

1 KAWRINI 9:23

Thâtihpha byhnâ ei topa ama to thei nawpa ta, cha hmozy cha ei tao.

2 KAWRINI 4:5

Keimo thâtih chho leipa pi ta, Zisu Krista cha Abeipa a châ tahpa chho pi ta, keimo chhao Zisu vâta nâmo châ chakaotuhpazy eima châpa eima chho tyh.

KALATIA 3:24

Chatanachata ngiapâna vâta thai eima châ thei nawpa ta, ryhpa cha Krista lâta miah chhithatuhpa a châ.

KALATIA 3:25

Tahmâ deikua, ngiapâna a vaw tlô hapa vâta, ryhpa chhihthana ry liata y khao ma pi.

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

2 TIMAWTHY 4:3

Chyhsazy ta pachuna dopa nathlie hoh leipa ta, ama nah â za hapa vâta, ama thei khohpa biezy a reih awpa pachutuhpazy deita ama hrua khohna daihti a vaw tlô aw.

TITU 1:4

ngiapâna miakhapa liata ei saw hmeiseihpa Titu ei châ naoh. Paw Khazohpa nata Krista Zisu miah Pachhatuhpa tawhta ngiachhiena nata thlalôhna na hnohta y mawh sy.

PHILEMAW 1:19

He bie he kei Pawla ta, keima ku tlai ta ei ropa a châ, keima ta ei cha thô aw. Nâ ta keima liata a bâhpa na hneipa, na pôhpa tlai chhao einâ bâhpa chi, ei tahna deikua la châ vei.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

1 PITY 1:23

Chi rao theipa liata pihpathipa châ leipa ei chi ta, chi rao thei leipa, Khazohpa bie hroh thlâhpa nata a y thlâh hapa liata a pihpathipazy nama châ.