1 KAWRINI 4:14 - Mara Bible RV (BSI)

¹⁴ Nama noza nawpa ta he biezy he ei ropa châ vei, ei saw kho ngaitapazy hawhta cha chhorei nawpa ei ta ei ropa a châ.

1 KAWRINI 4:14 ပူးပေါင်းရင်းမြစ်များ

EZEKIA 3:21

Chyhsa siapa cha molei lei awpa ta zikyu a râ ha la, a molei leipa khiahta cha, zikyurâna â papeisapa vâta hroh aw ta, nâ chhao na hro na pabohsa aw,” tah ta.

HMOTAOPAZY 20:31

Chavâta a hrohruapa ta y u la, kô thôh chhôh tlai bâh leipa ta, chhô nah zâ ta mothlih chhaota chyhsa to zikyu ei râ tyhpa kha a thei thlâh ha teh u.

1 KAWRINI 15:34

Siana lâta a hra u la, molei khao khuh vy. Thokha cha Khazohpa pahnona rai hnei veih ei chi. Nama maophyuh nawpa ta he bie he ei reih.

1 KAWRINI 4:15

Krista liata chhituhpa thy kha hnei hra u la, Paw deikua a hluhpi hnei veih ei chi. Kei he thâtihpha vâta Krista Zisu liata nama paw ei châ.

1 KAWRINI 4:17

Cha vâna chata Abeipa liata ei saw kho ngaitapa nata ngâchhihpa Timothy nâmo lâ ei vaw tuah. Ano ta Krista liata ei yzie nata su to nata Awnanopa to liata ei pachu tyhzie zy a cha chho aw ei.

1 KAWRINI 6:5

He bie he nama noza nawpa ta ei reipa a châ. Unawhzy likah liata biepeipa a pathlâ thei awpa pakha hmah nama hry liata ama y leipa a châ ngyu aw!

1 KAWRINI 9:15

Châhrasala kei la cha tovyuhzy cha miakha hmahta hmâh va na. Ei chô liata nama tao hra nawpa ta, he biezy he a rohpa châ hra va na. Chyhsa ta ei palaikheina eina lapa awpa hlâta cha, tlao thi sah la ei châta a pha via.

2 KAWRINI 11:11

Khâpa vâta maw? Kyh ei cha pachâ leipa vâ ei ta ma? Khazohpa ta a pahno!

2 KAWRINI 12:19

Eima thaichâna bie eima cha rei thlupa hawhta ma nama pachâ? Kho ngaitapa saih u, nâmo taopathi nawpa ta Khazohpa mohmô ta Krista liata bie eima reipa a châ.

2 KAWRINI 7:3

Cha bie cha nâmo thailei pachâsa nawpa ta ei reipa châ vei. Thi khiah thi khoh, hro khiah hroh khoh tah awpa ta, eima palôh liata khâ nama ypa kyh cha, kha hlâta ei reih haw.

KAOLAOSÂ 1:28

Chyhsa to Krista liata phapakipa ta eima paduasa thei nawpa ta, chyhsa to chhoreipa ta, sona to pachupa ta, Krista thâtih eima chho tyh.

1 THYSALAWNIKA 2:11

Paw ta a sawzy chô liata a taopa hawhta, nama chô liata eima taopa kha nama pahno.

1 THYSALAWNIKA 5:14

Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.

2 THYSALAWNIKA 3:14

Ahy rai, he châpaphaopa liata eima bie a zyh vei khiahta cha, cha chyhsa cha ngia u la, nozapa ta a y thei nawpa ta, a pahlao khuh vy.

PHILEMAW 1:10

Ei sawchapawpa Ônesimâ, bâlia ei ky chhôh ta sawchapaw ta ei hneipa châta ei châ haw.

1 ZAWHÂNA 2:1

Ei saw saih u, nama molei lei nawpa ta, he biezy he nâmo lâ ei vaw roh. Chatanachôta chyhsa ta a molei khiahta cha, Paw lâta miah reikheituhpa mosiapa Zisu Krista eima hnei.

3 ZAWHÂNA 1:4

Ei sawzy bie hmeiseihpa liata ama y tahpa ei theipa hlâta nâ palysa viapa y vei.