1 KAWRINI 4:12 - Mara Bible RV (BSI)

¹² Keimo ku ta hria pi ta, eima hriapasa ngaita. Pasipasawhpa ta eima y nahta, byhnâ awpa pi ta; taolapa ta eima y nahta, eima tao hualua tyh.

1 KAWRINI 4:12 ပူးပေါင်းရင်းမြစ်များ

MATHAI 5:11

“Chyhsa ta keima vâta cha reipachhiepa ta nata cha taolapa ta, bie pha leipa to ta â doleipa ta ama cha tei tita, nama nohlao na.

MATHAI 5:44

Kei deikua ta cha ei cha chho ei, nama chariahpazy kyh pachâ u la, châ taolatuhpazy thlahchhâpa muh vy.

LUKA 23:34

Zisu ta, “Ei Paw y, âmo he a ngiahthai mah y, ama hmotaopa he ama pahno vei na,” tah ta. A chysiazy a rai awpa ta nuby a dao ei ta.

LUKA 6:28

Nama chô liata chhie a sapazy byhnâ awpa u la, châ pasipasawhpazy thlahchhâpa teh u.

ZAWHÂNA 15:20

‘Chakaotuhpa cha a zibeipa hlâta lai via vei,’ tahpa bie ei cha chhopa ei kha a thei thlâh ha teh u. Kei eina taola khiah ei ta cha, nâmo chhao ama cha taola aw. Ei bie ama zyh khiahta cha, nâmo bie chhao ama zyh aw.

HMOTAOPAZY 18:3

Pawla nata Akuilâ chhôhkha he poh o a taopa châ chyu ei ta, ama raihria â lyupa vâta, Pawla cha Akuilâ nata Priskilâ o liata tlô ta, rai a hriakhei tyh ei.

HMOTAOPAZY 20:34

He ei kuzy heta kei nata ei hnohta a ypazy a ngiahpa châta ei hria tyhpa nâmo tlai ta nama pahno.

HMOTAOPAZY 7:60

A pakhu paneih ta, ao paro ngaitapa ta, “Abeipa y, he ama moleina maoh he âmo paphaosa khah y,” tah ta. Cha bie cha a rei khai nahta, a mô ha ta.

RAWMA 12:14

Châ taolatuhpazy byhnâ awpa u la, chhiesapa leipa ta, byhnâ awpa teh u.

RAWMA 12:20

Chavâta, “Na chariahpa a nodi khiahta cha, nie awpa pie la, a dâhphi khiahta cha, do awpa pie mah y. Cha hawhta na tao khiahta cha, a luh chô liata meiia beih na khaihpa a châ aw.”

RAWMA 8:35

Krista kyhpachâna tawhta ahy miah pachhaih thei aw? Rietheina ta tlyma, pachârôhna ta tlyma, taolana ta tlyma, chakâhna ta tlyma, thluahruana ta tlyma, chichhihna ta tlyma, zaozi ta tlyma miah a pachhaih aw ma?

1 KAWRINI 9:6

Bânabâ nata kei dei he ma, eima khihsatôhtuna châta raihria leipa ta y thei awpa ta biehneina a hnei leipa a châ pi?

2 KAWRINI 11:8

Nâmo chakao awpa ta, Awnanopa hropazy pahryuh na ta, âmo tawhta baona ei dao tyh.

EPHESI 4:28

A paru tyhpa ta paru khao leipa sala, phahlapazy pie awpa a hnei thei nawpa ta, ano ku ta hmo phapa hria sala, hriapasa mawh sy.

1 THYSALAWNIKA 2:9

Unawh saih u, eima hriapasazie nata eima rietheizie zy kha namâ thei aw. Khazohpa thâtihpha eima cha chho nona kha, ahy phaohri hmah eima châ lei nawpa ta, chhô nah zâ ta eima hria tyh.

2 THYSALAWNIKA 3:8

Ahy viahchhâ hmah a saipa ta nie beih leipa pi ta, ahy phaohri hmah eima châ lei nawpa ta, chhô nah zâ ta hria pi ta, riethei taopa nata hriapasapa ta eima y tyh.

1 TIMAWTHY 4:10

Khazohpa hrohpa liata eima hnabeiseihna eima sopa vâta, hriapasa pi ta, eima tei lylia. Ano cha chyhsa zydua Pachhatuhpa châ ta, ano ngiapâtuhpazy Pachhatuhpa a châ pachai.

1 PITY 2:23

Reipachhiepa ta a y nota, reipachhie hri leipa ta, pasa taopa ta a y nota, pachhipary hra vei. Â dopa ta pachiatuhpa hnohta tlao â hlâ tyh.

1 PITY 3:14

Siana vâta pasa a taopa nama châ khiahta cha, vânoh nama to aw. Ama cha pachhiparyna chi leipa u la, nôpopa ta y hra khuh vy.

1 PITY 3:9

Moleina cha moleina ta viarithô leipa u la, reipachhiena chhao reipachhiena ta viarithô hra leipa u la, byhnâ tlao awpa teh u. Cha hawhta taopa ta byhnâ to awpa ta awpa nama châ.

1 PITY 4:19

Chavâta Khazohpa khozie hawhta pasa a taopazy cha, hmo pha taona chôta, Taotuhpa ngâchhihpa liata ama thlahpa pavaosa mawh ei sy.

ZUDÂH 1:9

Vâlyuhchâpa chônôchaipa Mikaila tlai chhao khata, Mawsi ri kyh liata ahripa nata a chhu ei ta, ahripa â dyuh nona kha, reipachhiena pachiana bie phuah leipa ta, “Abeipa ta cha ra mawh sy,” tlao a tah.