1 KAWRINI 3:18 - Mara Bible RV (BSI)

¹⁸ Ahy hmahta anosasyh ta a dôvei khah sy. Nama hry liata ahy rai, he chhâ liata a so kawpa hawhta â pachâ khiahta cha, a vaw so thei nawpa ta ahrupa lâta a lie mawh sy.

1 KAWRINI 3:18 ပူးပေါင်းရင်းမြစ်များ

BIESOZY 26:12

Ano mokhaoh liata â pasosa kawpa chyhsa na hmô tyh ma? Cha hawhpa chyhsa hlâta cha, Ahrupa châta hnabeiseihna a y via.

BIESOZY 3:5

Na pathipalôh tlokhuh ta Abeipa ngâ la, Nâma pahnona liata a pahnieh khah y.

BIESOZY 3:7

Nâma pachâ ta a pasosa leipa la, Abeipa chi la, Moleina siesai mah y.

BIESOZY 5:7

Chavâta ei sawchapawzy saih u, Tahmâ na nathlie u la, Ei pakah biezy he a heihsai khuh vy.

ISAI 44:20

Cha hawhpa chyhsa cha, Buchâh a niepa châ ta; Palôh sie chheipa chyhsa ta A pasiechheisa hapa a châ. Anosasyh ta a pachha thei leipa ta, “Ei ku chachâh lâta haipa bie a y ma?” A tah thei awpa duahmo liata a duah hra vei.

ISAI 5:21

Âmo mo liata â pasosa kaw ei ta, Âmo mohmô liata thai â tah kawpazy cha, Ama hu a po na!

ZEREMIAH 37:9

Abeipa ta hetana heta a tah, “Kaldia mo cha miah ama siesai pyly aw,” tahpa ta nâmosasyh a dôvei khuh vy. Sie aw veih ei.

ZEREMIAH 8:8

“Kheihta ma, ‘Asopa châ pi ta, Abeipa ryhpa eima hnohta a y,’ Nama tah thei tly? Pachâ teh u, chârohtuhpazy châsôh haih thaipa ta, Ryhpa cha haipa ta a panano ha hih.

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

MATHAI 18:4

He hawti hawhta areisipa cha vârâh khinarâh liata a rônah chai aw.

MÂKA 10:15

Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta.

LUKA 18:17

Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta.

LUKA 21:8

Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

RAWMA 12:16

A dyh raihrie u la, a pasâhsa leipa ta, chyhsa nawhpazy a kao u la, apasosa khuh vy.

1 KAWRINI 15:33

Dôpa ta y khah u. “Viasa moleipazy ta viasa nôchâ phapa ama parao tyh.”

1 KAWRINI 3:17

Ahy rai Khazohpa Achhyna o a parao khiahta cha, cha chyhsa cha Khazohpa ta a parao aw. Khazohpa Achhyna o cha pathaih tlôh ta, cha Achhyna o cha nâmo nama châ.

1 KAWRINI 4:10

Keimo la Krista châta ahrupa châ pi ta, nâmo deikua Krista liata asopa nama châ. Keimo la chiehleipa châ pi ta, nâmo deikua thatlôpa nama châ. Nâmo cha chyhsa palyupalihpa ta y ei chi ta, keimo deikua chyhsa mohnaopa ta eima y.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

KALATIA 6:3

Khâpa hmah châ tlôh leipa ta, chyhsa peimawhpa hawhta â pachâpa cha, anosasyh a dôveipa a châ.

KALATIA 6:7

Dôpa ta y khah u. Khazohpa cha pasipasawh awpa rimâ châ vei. Chyhsa ta chi a tupa maih, cha tlai cha a hria aw.

EPHESI 5:6

Ahy hmahta hraoleipa bie ta cha dôvei khah ei sy. Cha hmozy vâna chata Khazohpa pathiiana cha ngiapâleipa sawzy chô liata a tlô tyh.

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

ZÂMIE 1:22

Nâmosasyh ta a dôveipa ta, bie nathlietuhpa dei châ leipa ta, bie zyhtuhpa tlao châ muh vy.

ZÂMIE 1:26

Ahy rai zyhna pachâ kawpa hawhta â pachâ ta, a paleih a vaih tlôh leipa cha, anosasyh ta â dôveipa châ ta, cha hawhpa zyhna cha phahnaina hnei leipa zyhna a châ.

1 ZAWHÂNA 1:8

Moleina hnei ma pi eima tah khiahta cha, keimosasyh ta eimâ dô, biehmeiseihpa keimo liata y vei.