1 KAWRINI 3:17 - Mara Bible RV (BSI)

¹⁷ Ahy rai Khazohpa Achhyna o a parao khiahta cha, cha chyhsa cha Khazohpa ta a parao aw. Khazohpa Achhyna o cha pathaih tlôh ta, cha Achhyna o cha nâmo nama châ.

1 KAWRINI 3:17 ပူးပေါင်းရင်းမြစ်များ

ÂTHAONA 28:17

Zakaw cha chi kaw ta, “He su he chi â chhih kaw dia! He he su hropa châ vei, Khazohpa o tlai na a vaw châ, he he vârâh chhikao a châ hih,” tah ta.

1 THÂTIHZYRONA 29:3

Cha dei châ vei, o pathaihpa châta ei pachhuapanohpazy hleikhô ta, keima ngôh nata tâkâ zy chhao ei pie pâ hra. Ei Khazohpa o he ei pachâ peimawh ngaitapa vâta, ei Khazohpa o châta ei piepa a châ.

HLAZY 74:3

Chhâzaw ta a rao hapa su lâ he na phei vaw pahei tua, Chariahpa ta su pathaihpa liata hmo to a parao khai haw.

HLAZY 79:1

Hy Khazohpa, phopi hropazy ta na ryuto râh lâ a vaw ngia ei ta, Nâma Achhyna o pathaihpa papuapaleipa ta, Zerusale khihpi ama parao haw.

HLAZY 93:5

Na bieraopazy a i ta, Hy Abeipa, pathaihna cha, Na o nata chhâzaw ta a hmiepa a châ.

HLAZY 99:9

Abeipa eima Khazohpa cha pachônôsa u la, A tlâh pathaihpa liata a chhy teh u; Abeipa eima Khazohpa cha pathaihpa a châ.

PUASAINA 3:5

Khazohpa ta, “A vaw hnia kha, na pheikyzy kha pahluh teh, nâ duana alei kha su pathaihpa a châ,” tah ta.

ISAI 64:11

Miah pathlatuhpazy ta ama cha reithai tyhna Eima o pathaihpa nata rônahpa cha mei ta kâ ha ta, Eima su a ngia ngaitapazy chhao, Su rypa ama châ khai ha hih.

EZEKIA 43:12

He he Achhyna o ryhpa cha a châ: Tlâhpi laki nata a chaby zydua cha su pathaih chaipa a châ aw. Nathlie teh, he he Achhyna o ryhpa cha a châ.

EZEKIA 5:11

Chavâta Abeipa Zehôvâh ta hetana heta a tah: Ei hrona reipa ta ei reih. Na puana nata na pasichhihnazy ta ei supathaihpa na papuapaleipa vâta, ei cha chhawh pathlah ha aw. Ei mo ta cha pahlôh leipa aw ta, cha ngiachhie aw va na.

EZEKIA 7:22

Âmo cha hmô lei a pachâ aw na ta, ei su pasô ngaitapa ama papuapalei aw. Hraotuhpazy ta a ngia aw ei ta, ama papuapalei aw.

THEIHTHAINA 15:31

“Cha hawhna chata Izarei sawzy cha ama pathaih leinazy tawhta na panano awpa ei a châ. Chataleipatala ama pathaih leina vâta, ama hry liata ei achhyna byureih papuapalei aw ei ta, ama thi pathlei aw.

THEIHTHAINA 20:3

Kei tlai chhao ta, cha chyhsa cha a heihnao aw na ta, a saw Môleka lâ piepa ta, ei supathaihpa cha pathaih leipa ta tao ta, ei moh pathaihpa a papuapaleipa vâta, a phopi tawhta ei chhawh pathlah aw.

ZEPHANIA 3:4

A hrohsopazy cha, Chyhsa â khotlâh kawpa châ ei ta, Dôvei hmâhpa chyhsa ama châ; A theihthaipazy ta hmo pathaihpa papuapalei ei ta, Ryhpa ama parao tyh.

MALUHREINA 19:20

“Chyhsa pathaih leipa cha â pathai leipa khiahta cha, cha chyhsa cha Abeipa supathaihpa a papuapaleipa a châpa vâta, zawpi tawhta chhawh pathlahpa a châ aw. Apathaina ti ta thiapa a châ leipa vâta pathaih leipa a châ.

1 KAWRINI 3:16

Khazohpa Achhyna o châ ei chi ta, Khazohpa Thlahpa nâmo liata a pahrâ tahpa pahno veih ei chi mâ?

1 KAWRINI 3:18

Ahy hmahta anosasyh ta a dôvei khah sy. Nama hry liata ahy rai, he chhâ liata a so kawpa hawhta â pachâ khiahta cha, a vaw so thei nawpa ta ahrupa lâta a lie mawh sy.