1 KAWRINI 3:10 - Mara Bible RV (BSI)

¹⁰ Khazohpa ta ngiachhiena eina piepa lymâ hawhta, o satuhpa zôthaipa taozie hawhta, kei ta lôbô bô na ta, mohropa ta a chô liata o ama sa. Chyhsa to ta lôbô chô liata o ama sa awpa kyh liata a sohsi chyu mawh ei sy.

1 KAWRINI 3:10 ပူးပေါင်းရင်းမြစ်များ

2 THÂTIHZYRONA 2:12

Hirâ ta reih lymâ ta, “Avâ nata alei a taotuhpa Izarei Khazohpa Zehôvâh cha reithaipa ta y sala, Zehôvâh Achhyna o nata abei o sa awpa ta patohpatia thaina nata novâhna a hneipa sawchapaw so ngaitapa Dâvi hnohta a pietuhpa cha reithaipa ta y mawh sy.

PUASAINA 36:4

Zôthaipazy ta âmo rai siesaipa ta supathaihpa rai tlao ama hria lymâ.

BIESOZY 12:8

Pahnona phapa a hneipa chyhsa cha reithaina hlao ta, Palôh chhiepa chyhsa deikua cha mohnaona a hlao tyh.

BIESOZY 9:1

Sonô ta a o sa ta, Otôh tôh sari a bô.

BIECHHOTUHPA 12:9

Biechhotuhpa cha sona a hneipa dei châ leipa ta, chyhsazy hnohta pahnona pachu ta, bieso hluhpi pachâ ta, a chu ta, a pha ngaitapa ta a paryhpakhy.

DÂNIAH 12:3

A sopazy cha avâ khaihpa hawhta khaih aw ei ta, chyhsa hluhpi siana lâta a paheisatuhpazy cha awhsi hawhta chhâzaw nata tlyzaw ta ama khaih aw.

ZEKARIA 4:9

“He o pathaona lôbô he Zerubâbe ku ta bôpa châ ta, ano ku ta a patlô aw. Chatanachata Pheisaihzy Abeipa ta nama hnohta eina tuah tahpa nama pahno aw.

MATHAI 24:45

“Cha khiahta la chakaotuhpa ngâchhihpa nata sopa, a zibeipa ta a o liata hyutuhpa ta a raopa, ama nie awpa a daihtita liata a pie lymâ tyh awpa cha ahy ma a châ tly?

MATHAI 7:24

“Ei biezy he thei ta a taopa maih cha, chyhsa sopa, lôpanô chô liata o a sapa hawhta a châ.

LUKA 11:35

Chavâta a chado teh, chataleipatala na chhôh liata khaihna a ypa kha zohna a châ pathlei aw.

LUKA 21:8

Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.

HMOTAOPAZY 18:27

Apawlôsâ cha Akai lâ sie awpa â chhuah nahta, unawhzy ta a thapatlô ei ta, ano a vaw ly awpa ta pachupazy lâ châ ropa ei ta. A tlô nahta, ngiachhiena vâta ngiapâtuhpazy cha thata bao ta.

RAWMA 1:5

Ano vâta nata ano moh ta phopi to pangiapâsa ta, a bie pazyhsa awpa ta, ngiachhiena nata lyuhchâpa châna eima hmô.

RAWMA 12:3

Nama hry liata chyhsa ahy hmahta a châna dopa hlâta a sâh viapa ta a pachâ leipa sala, Khazohpa ta chyhsa to hnohta ngiapâna a piepa rakhapa lymâ hawhta, a châna dopa a pahno thai awpa ta, Khazohpa ta ngiachhiena eina piepa zawhzi ta ei cha chho ei.

RAWMA 15:15

Kyh thokha liata deikua cha, cha pahnosa heih awpa ei ta, riahpha ngaitapa ta ei roh. Khazohpa ta ngiachhiena eina patosapa zawhzi ta,

RAWMA 15:20

Cha hawhna chata, mohropa lôbô bô chiehpa liata o a sapa ei châ lei nawpa ta, Krista moh pado hana su liata cha thâtihpha chho lei awpa ei chhuah,

1 KAWRINI 3:11

Lôbô bô ha chiehpa dei leipa ta cha, lôbô hropa ahy hmahta bô thei khao veih ei. Cha lôbô cha Zisu Krista a châ.

1 KAWRINI 9:2

Mohropazy châta lyuhchâpa châ vei hraw sah la, nâmo châ chhâ ta la ei châ, nâmo tlai he Abeipa liata lyuhchâpa ei châna chahnao pa-ina cha nama châ.

2 KAWRINI 10:15

Eima hriana su khô lâta mohropazy hriapa a palaikhei beih ma pi. Namâ ngiapâna laiseih lymâ aw ta, nama hry liata eima chakaona chhao a kawh via lymâ aw tahpa hnabeiseihna tlao eima hnei.

EPHESI 2:20

Krista Zisu cha a ki liata alô peimawh chaipa châ ta, lyuhchâpazy nata hrohsopazy lôbôpa chô liata sapa nama châ.

KAOLAOSÂ 1:29

Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.

KAOLAOSÂ 4:17

Akhipâ kha, “Abeipa liata chakaona na hmôpa kha patlô a chhuah mah y,” tahpa ta vaw chho muh vy.

1 THYSALAWNIKA 3:2

Chatanachata Krista thâtihpha liata eima unawhpa nata Khazohpa eima chakaolâhpa Timawthy cha, namâ ngiapâna pa-i awpa nata tha cha patlô awpa ei ta eima vaw tuah.

1 TIMAWTHY 4:16

Na hro nata na pachuna biezy a phapa ta vaih mah y. Cha hawhta na tao khiahta cha, nâ nata na bie a theituhpazy na pachha aw ei.

2 TIMAWTHY 2:15

Biehmeiseihpa â do ngaitapa ta a siekheipa raihriatuhpa cha, noza awpa a châ leipa hawhta, a pyh tlâhpa ta Khazohpa hmiakô liata nâ duah thei nawpa ta, na theina zydua papua mah y.

ZÂMIE 3:1

Unawh saih u, nama hry liata chyhsa hluhpi la pachutuhpa châ khoh hlei khuh vy. Keimo pachutuhpazy pi cha pachiana a sâh viapa ta pachia awpa eima châpa nama pahno.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

2 PITY 3:15

Eima unawh kho ngaitapa Pawla chhao ta, a hnohta sona piepa lymâ hawhta nâmo lâ châ a ropa hawhna khata, eima Beipa daotheizie he pachhana ta rao teh u.

BIEPHUAH 21:14

Khihpi thokhy cha lôbô miahrawh hleino hnei ta, chazy liata Mietakutaw lyuhchâpa pahrawh hleino mohzy a choh ta.

BIEPHUAH 21:19

Khihpi thokhy abônazy cha lôsôhpa chi to ta tobipa a châ. Abôna miakhana cha zaspi châ ta, mianona saphai, miathôhna kalisidôni, miapalihna emerâ,