1 KAWRINI 2:9 - Mara Bible RV (BSI)

⁹ “Ano kyh a pachâpazy châta Khazohpa ta â chhuahdypa cha, Mo ta hmô veih ei; Nah ta thei leipa ei ta, Palôh ta pachâ veih ei,” tahpa ropa hawhta ama châ.

1 KAWRINI 2:9 ပူးပေါင်းရင်းမြစ်များ

HLAZY 31:19

Chyhsa sawzy mohmô ta, Châ chituhpazy châta phana na pachôpa hluh ngaita ta, Châ chhaituhpazy châta na raihria a hluh ngaita!

ISAI 64:4

Nâ hawhpa Khazohpa thâtih he, Hlâno tawhta nah ta thei beih leipa ei ta; Ano a hâtuhpazy châta hmo a tao tyhpa chhao, Nâma leipa ta cha, Khazoh hropa mo ta hmô beih veih ei.

ISAI 65:17

“Moh teh u, avâ thiehpa nata alei thiehpa tao na ta, Hmo parohpazy kha a thei thlâh hapa châ khao aw vei; Palôh liata chhao a ngia khao aw vei.

MATHAI 20:23

Zisu ta ama hnohta, “Ei nyu cha nama doh thei ngyu aw, châhrasala ei chachâh lâ nata ei chavei lâta a tyuh awpa cha, kei ta ei pie awpa châ leipa ta, ei Paw ta â chhuahdypazy châta a châ,” tah ta.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

HEBRAI 11:16

Châhrasala tahmâ cha, râh pha viapa a saduthliepa châ ei ta, cha cha vârâh liata a ypa a châ. Chavâta Khazohpa ta ama Khazohpa châ awpa a noza vei, ama châta khihpi taih a chhuahdy ha tlôh ta.

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

1 ZAWHÂNA 4:19

Ano ta kyh miah a pachâ tuapa vâta a kyh eima pachâ hra.