1 KAWRINI 2:8 - Mara Bible RV (BSI)

⁸ Cha cha he khizaw ryureituhpazy ta pahno veih ei. Pahno ha ei sala, rônahna Beipa cha ama khaipâ lei awpa tlai.

1 KAWRINI 2:8 ပူးပေါင်းရင်းမြစ်များ

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

LUKA 23:34

Zisu ta, “Ei Paw y, âmo he a ngiahthai mah y, ama hmotaopa he ama pahno vei na,” tah ta. A chysiazy a rai awpa ta nuby a dao ei ta.

ZAWHÂNA 16:3

Paw nata kei miah ama pahno leipa vâta, cha hawhpa hmozy cha ama tao aw.

ZAWHÂNA 7:48

Biehneituhpa nata Phârisaihzy hry tawhta ano a ngiapâpa ama y leipa he pahno veih ei chi ma?

ZAWHÂNA 8:19

Âmo ta a hnohta, “Na Paw cha khataih liata a y?” tah ei ta. Zisu ta, “Kei na pahno leipa ei chi ta, ei Paw chhao pahno veih ei chi. Nâ pahnopa châ u la, ei Paw chhao nama pahno aw,” tah ta.

HMOTAOPAZY 13:27

Zerusale liata a ypazy nata ama ryureituhpazy ta ano cha pahno leipa ei ta, Pahânoh maihta rei tyhpa hrohsopazy bie chhao ama pahno leipa vâta, ano cha thailei pachâsapa ta, hrohsopazy bie ama patlôsapa a châ.

HMOTAOPAZY 7:2

Stiphana ta, “Unawhzy nata pawzy saih u, na nathlie teh u. Miah pathlatuhpa Abarahâ kha Harânâ khih liata a y hlâ, Mesôpôtamia râh liata a y nona khata, rônahna Khazohpa ano lâ a vaw luah ta,

1 KAWRINI 1:20

Chyhsa sopa cha khataih liata a y? Châthaipa cha khataih liata a y? He khizaw liata bie ei thaipa cha khataih liata a y? Khazohpa ta khizaw sona cha hruna ta tao ha vei ma?

1 KAWRINI 2:6

Pitlohpazy hry liata deikua cha, biesozy eima pachu tyh. Châhrasala he khizaw biesozy châ leipa ta, he khizaw ryureituhpa a leidia awpazy bieso châ hra vei.

2 KAWRINI 3:14

Châhrasala ama palôh kuh pachhasapa châ ta, tanoh taihta, biehrai parohpa ama rei nota, cha khuna cha pahypa châ vei. Khuna cha Krista vâ deita ta pahypa a châ.

EPHESI 1:17

Krista nama pahno pasia thei nawpa ta, eima Beipa Zisu Krista Khazohpa, rônahna Paw ta sona nata aluahna Thlahpa a cha pie awpa ei ta thlah ei cha chhâpa ei.

EPHESI 4:18

Ama palôh kuhchhapa vâta pahno leina âmo liata y ta, cha chata ama pahnona pazohsa ta, Khazohpa hrona tawhta pachhaihpa ta ama y.

1 TIMAWTHY 1:13

Kha hlâta reipachhietuhpa, taolatuhpa nata pasipasawhtuhpa vaw châ hraw sah la, ngiapâleina vâta pahno leipa ta a taopa ei châpa vâta, zawngiahna ei hmô.

ZÂMIE 2:1

Unawh saih u, eima Beipa Zisu Krista, rônahna Beipa ngiapâtuhpa nama châpa hawhta, khokhei viapa hnei khuh vy.