1 KAWRINI 2:15 - Mara Bible RV (BSI)

¹⁵ Thlahpa chyhsa deikua cha, hmo to pahno pasia ta, ano cha sei thei awpa châ vei.

1 KAWRINI 2:15 ပူးပေါင်းရင်းမြစ်များ

2 SAMUELA 14:17

Abei, nâ ei zibeipa chi cha, Khazohpa vâlyuhchâpa hawhta, a chhiepa nata a phapa a pahrua thaipa na châpa vâta, na seichanô heta, ‘Ei zibeipa abei bie ta thlah eina palôh aw,’ tahpa ta ei pachâ. Abeipa na Khazohpa cha na hnohta y maw sy!” tah ta.

HLAZY 25:14

Abeipa aviasana cha ano a chituhpazy châta châ ta, A biehrai a pahnosa tyh ei.

BIESOZY 28:5

Chyhsa chhiepazy cha adona kyh ama novâh leipa ta, Abeipa a tluatuhpazy deikua cha adona kyh liata tlokhuh ama no a vâh.

BIECHHOTUHPA 8:5

Biepiepa a zyhpa cha pasa tao aw vei. Palôh sopa cha a daihti pahno thai ta, taozie dopa chhao a pahno.

ZAWHÂNA 7:17

Ahy rai Khazohpa khopa a tao khohpa a châ khiahta cha, ei bie pachupa he Khazohpa tawhtapa ma, keima tao chhyhpa a reihpa ma ei châ tahpa a pahno aw.

HMOTAOPAZY 16:3

Pawla ta Timawthy cha a hnohta sie hra awpa khoh ta. Cha suzy liata a ypa Zuzy ta Timawthy paw cha Krikâh chyhsa a châpa ama pahno khaipa vâta, Zuzy vâna chata Pawla ta Timawthy cha a chhi ta, a chopaw pataisa ta.

1 KAWRINI 14:37

Chyhsa ta hrohsopa hawhta tlyma, thlahpa chyhsa hawhta tlyma, â pachâ khiahta cha, nama hnohta bie ei ropazy he Abeipa biepiepa a châ tahpa pahno mawh sy.

1 KAWRINI 3:1

Unawh saih u, thlahpa chyhsazy hnohta bie reipa hawhta nama hnohta bie reih thei leipa na ta, sapa chyhsazy nata Krista liata hawsaihzy hnohta reipa hawhta tlao ei reih tyh.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

KALATIA 6:1

Unawh saih u, chyhsa ta moleina a tao hai nota pachhaipa a châ khiahta cha, nâmo, thlahpa chyhsazy ta nônai kawpa ta paduapathi heih teh u. A vaih teh u, chataleipatala nâmo chhao reipasaopa ta nama y pathlei aw.

PHILIPI 1:10

Chatanachata hmo pha chaipa pahnopa ta, Krista noh châta pathaihpa nata seina hnei leipa ta y aw ei chi ta,

KAOLAOSÂ 1:9

Cha vâna chata, nama thâtih eima thei noh tawhta, nâmo châta thlahchhâ bâh beih ma pi. Thlahpa lâ sona nata novâhna zydua hneipa ta, ano khopa pahnona ta pabiepa nama châ thei nawpa ta, eima cha hiapa tyh.

1 THYSALAWNIKA 5:21

ato pasiapa ta, a phapa maih a pyh u la,

HEBRAI 5:14

Pati hmeiseihpa deikua cha, pitlohpazy châta châ ta, pati hmeiseihpa nie amâ chu lymâpa vâta, chhie nata pha pahrua thaina a hneipa pitlohpazy ama châ.

1 ZAWHÂNA 2:20

Nâmo deikua la, Mo Pathaihpa ta sathaw a thupa châ ei chi ta, nama zydua ta biehmeiseihpa nama pahno.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.