1 KAWRINI 2:14 - Mara Bible RV (BSI)

¹⁴ Khizaw chyhsa ta Khazohpa Thlahpa hmozy a pyh vei. Ano pachâ ta cha hruna châ ta, thlahpa ta pahnopa chi a châpa vâta pahno thei vei.

1 KAWRINI 2:14 ပူးပေါင်းရင်းမြစ်များ

BIESOZY 14:6

Chyhsa a mohnaopa cha sona tlua ta hmô leipa ta, Novâhpa deikua cha a naosiapa ta a pahnona a hmô thei.

MATHAI 16:23

Zisu cha Pity lâ a heih ta, a hnohta, “Sâtâ, ei hnôh lâ y teh! Ei châta ahluana na châ he. Khazohpa hmozy pachâ leipa chi ta, chyhsapa hmozy tlao na pachâ via he,” tah ta.

ZAWHÂNA 10:20

Chyhsa hluhpi ta, “Ahripa hnei ta, a hru ha hih, khazia a bie nama nathlie?” tah ei ta.

ZAWHÂNA 12:37

Ama hmiakô liata hmonoâhpa hluhpi a taopa chhao ta, Zu chyhsazy ta ano cha a ngiapâ pyly veih ei.

ZAWHÂNA 14:17

Cha cha biehmeiseihpa Thlahpa, khizaw ta a hnei leipa a châ. Khizaw ta ano cha hmô leipa ta, pahno vei. Nâmo deikua ta cha, nama hnohta y ta, a y lymâ awpa vâta, ano cha nama pahno.

ZAWHÂNA 14:26

Thlapalôhtuhpa, Paw ta ei moh ta a vaw tua awpa Thlahpa Pathaihpa chata, ato cha pachu aw ei ta, nama hnohta ei reipa zydua kha a cha patheisa heih aw ei.

ZAWHÂNA 15:26

“Châhrasala Paw tawhta ei cha vaw tuapa awpa ei Thlapalôhtuhpa, biehmeiseihpa Thlahpa, Paw tawhta a puapa cha a vaw tlô tita, nâ pahnokheituhpa a châ aw.

ZAWHÂNA 5:44

Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?

ZAWHÂNA 8:43

Khazia ei biereipa nama pahno thai vei? Ei bie reipa nama pahnie leipa vâta a châ.

HMOTAOPAZY 16:14

Eima bie a theipazy hry liata pakha cha, Thiatirâ zuah Lydia ama tahpa a châ. Ano cha poh nohsaihpa a zuahpa châ ta, Khazohpa a chhytuhpa chanô a châ. Pawla bie reipa a phapa ta pachâ awpa ta Abeipa ta a palôh pahy ta.

HMOTAOPAZY 17:18

Epikuria nata Stôika chyhsa sopa thokhazy chhao Pawla cha a dyuh ei ta. Thokha ta, “He reih hluhpa heta khâpa ma rei â chhuah?” tah ei ta. Thokha ta Zisu kyh nata thyuheihna kyh a reipa vâta, “Chihropa khazohzy biechhotuhpa a châ ei aw,” tah ei ta.

HMOTAOPAZY 17:32

Athihpa thyuheihna kyh ama thei nahta, thokha ta pahneisao ei ta, ahropazy ta, “Cha kyh cha nâma tawhta eima nathlie heih aw,” tah ei ta.

HMOTAOPAZY 18:15

Châhrasala biezy, mohzy nata nama ryhpa kyhzy a châpa vâta, nâmo ta pachia thlâh ha teh u. Kei la, cha hawhpa kyh liata pachiatuhpa châ awpa khoh va na,” tah ta.

HMOTAOPAZY 25:19

Ama zyhna kyh nata Zisu ama tahpa, a thi hapa, Pawla ta a hrohpa hawhta a reipa kyh liata amâ eina tlao vaw châ ta.

1 KAWRINI 1:18

Kraws bie cha leidia haipazy châta hruna châ ta, keimo, pachha haipazy châta deikua cha, Khazohpa hmotaotheina a châ.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

1 KAWRINI 1:23

Keimo deikua cha, Krista khaipâpa thâtih eima chho. Cha cha Zuzy châta achapiana châ ta, Zenitaizy châta hruna a châ.

1 KAWRINI 1:25

Khazohpa hruna cha chyhsapa sona hlâta so via ta, Khazohpa chiehleina cha chyhsapa thatlôna hlâta a thatlô via.

1 KAWRINI 15:44

Chyhsapa pôhpa ta pabupa châ ta, thlahpa pôhpa ta pathyupa a châ. Chyhsapa pôhpa a y khiahta cha, thlahpa pôhpa chhao a y aw.

1 KAWRINI 15:46

Châhrasala thlahpa lâ kyh y tua leipa ta, chyhsapa lâ kyh y tua ta, cha khai tawhta thlahpa lâ kyh cha a vaw ypa a châ.

1 KAWRINI 2:12

Khazohpa ta a saipa ta hmo miah a piepazy eima pahno thei nawpa ta, khizaw thlahpa to leipa pi ta, Khazohpa tawhta Thlahpa tlao eima to.

1 KAWRINI 3:1

Unawh saih u, thlahpa chyhsazy hnohta bie reipa hawhta nama hnohta bie reih thei leipa na ta, sapa chyhsazy nata Krista liata hawsaihzy hnohta reipa hawhta tlao ei reih tyh.

ZÂMIE 3:15

Cha sona cha chô lâ tawhta a za tlôpa sona châ leipa ta, khizaw sona châ ta, thlahpa tawhta châ leipa ta, ahripa tawhtapa tlao a châ.

1 ZAWHÂNA 2:20

Nâmo deikua la, Mo Pathaihpa ta sathaw a thupa châ ei chi ta, nama zydua ta biehmeiseihpa nama pahno.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.

ZUDÂH 1:19

Cha chyhsazy cha achhaihna a patlôsatuhpa, khizawpa chyhsa, Thlahpa a hnei leipazy ama châ.