1 KAWRINI 2:13 - Mara Bible RV (BSI)

¹³ Chyhsapa sona ta pachu tyhpa hawhta biezy pachu leipa pi ta, Thlahpa ta miah a pachupa hawhta pachu pi ta, thlahpa biehmeiseihpazy cha thlahpa chyhsazy châta eima chhopasia tyh.

1 KAWRINI 2:13 ပူးပေါင်းရင်းမြစ်များ

LUKA 12:12

Nama rei awpa cha Thlahpa Pathaihpa ta a daihtita liata a cha pachu lymâ aw ei,” tah ta.

HMOTAOPAZY 2:4

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

1 KAWRINI 1:17

Krista ta bâti pachâsa awpa ta na tuah leipa ta, thâtihpha chho awpa ta tlao eina tuah. Chyhsapa sona bie ta chho va na, chataleipatala Krista kraws hmotaotheina cha hraoleipa ama pachâsa pathlei aw na.

1 KAWRINI 14:2

Reihtheileipa ta bie a reihpa cha, chyhsazy hnohta a reihpa châ leipa ta, Khazohpa hnohta a reihpa tlao a châ. Ahy hmahta a reipa cha pahno thei veih ei, Thlahpa ta bienyupa a reihpa a châpa vâta.

1 KAWRINI 2:1

Unawh saih u, Khazohpa bienyupa cha chho awpa ei ta nâmo lâ ei vy no kha, bierei thai kawpa ta tlyma, so kawpa ta tlyma, a vypa châ va na.

1 KAWRINI 2:14

Khizaw chyhsa ta Khazohpa Thlahpa hmozy a pyh vei. Ano pachâ ta cha hruna châ ta, thlahpa ta pahnopa chi a châpa vâta pahno thei vei.

1 KAWRINI 2:4

Ei biereipa nata ei biechhopazy kha, chyhsa sona hmâpa ta pahnie a chhuahpa biezy châ leipa ta, Thlahpa nata hmotaotheina palâsapa ta ei reih tyhpa a châ.

1 KAWRINI 9:11

Thlahpa lâ chizy nama hry liata eima tu ha khiahta cha, sapa lâ theizy nâmo tawhta hria awpa cha, eimâ phuh leipa a châ hlei rai ma?

EPHESI 5:19

Reithaina hlazy, Khazohpa hlazy, thlahpa hlazy ta bie a chho raihrie u la, nama pathipalôh ta Abeipa lâ hla sapa ta, totâ tô teh u.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

2 PITY 1:16

Eima Beipa Zisu Krista hmotaotheina nata â vy heih awpa kyh eima cha pahnosa nona kha, phôhpa phichhyhpazy cha chho ma pi. Keimo cha a rônahna a hmôtuhpazy eima châ.