1 KAWRINI 2:12 - Mara Bible RV (BSI)

¹² Khazohpa ta a saipa ta hmo miah a piepazy eima pahno thei nawpa ta, khizaw thlahpa to leipa pi ta, Khazohpa tawhta Thlahpa tlao eima to.

1 KAWRINI 2:12 ပူးပေါင်းရင်းမြစ်များ

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

1 KAWRINI 1:27

Châhrasala Khazohpa ta asopazy maoh paphyuh nawpa ta, khizaw hmo hrupazy tlao a tlyh ta, thatlôpazy maoh paphyuh nawpa ta, chiehleipazy tlao â tlyh.

1 KAWRINI 2:6

Pitlohpazy hry liata deikua cha, biesozy eima pachu tyh. Châhrasala he khizaw biesozy châ leipa ta, he khizaw ryureituhpa a leidia awpazy bieso châ hra vei.

1 KAWRINI 3:22

Pawla ma, Apawlôsâ ma, Kephâ ma, khizaw ma, hrona ma, thina ma, tahmâ daihti ma, hmialâ daihti ma, a zydua ta nâmo eih sai a châ.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

EPHESI 2:2

He khizaw ryhpa hawhta y ei chi ta, avâ ruapa liata ryureituhpa bei, reingiah leipazy chô liata tahmâ chhao a hria haipa thlahpa cha pazipa ta, paraona nata moleinazy liata nama vaw tlaih tyh.

ZÂMIE 4:5

Biehrai ta, “Keimo liata pahrâ awpa ta a taopa thlahpa cha tlaichhai ta a hiatlia ngaita,” a tahpa he achhuahna y leipa ta a reipa a châ na ta nama pangiasa ma?

1 ZAWHÂNA 2:20

Nâmo deikua la, Mo Pathaihpa ta sathaw a thupa châ ei chi ta, nama zydua ta biehmeiseihpa nama pahno.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 22:6

Chatawhcha vâlyuhchâpa ta, “He biezy he ngâchhih ta â do. Abeipa, hrohsopazy thlahpa Khazohpa ta hmo thlai a vaw tlô awpazy cha a chakaotuhpazy pahmô awpa ta a vâlyuhchâpa a vaw tuah,” tahpa ta na chho ta.