1 KAWRINI 16:22 - Mara Bible RV (BSI)

²² Ahy rai Abeipa kyh a pachâ leipa cha chhiesapa ta y mawh sy. Mârânâthâ! Eima Beipa, a vy mah y!

1 KAWRINI 16:22 ပူးပေါင်းရင်းမြစ်များ

HLAZY HLA 1:7

Nâ ei palôh ta a khopaw y, na chho teh, Khataih liata ma na mietaku zaw pasa chi ta, Khataih liata ma nohchhô ta na pabyusa tyh ei? Khazia ma pohluh a khupa chanô hawhta, Na viasazy mietaku zaw kiah liata ei y aw?

HLAZY HLA 5:16

Ano cha a reikah a thlôh chaipa châ ta, Kho a pao chaipa a châ. Hy Zerusale zuahzy saih u, Ei lôhdupaw cha ano cha châ ta, Ei viasapa cha ano cha na a châ.

ISAI 5:1

Ei kyhpachâpa châta hla sa aw na ta, Ei kyhpachâpa kre sadô hla ei sa aw: Tlâhthlôh lei pha kawpa liata, Ei kyhpachâpa ta kre sadô hnei ta.

MATHAI 10:37

Kei hlâta a paw tlyma, a nô tlyma kyh a pachâ viapa cha, ei chyhsa tlâh châ vei. Kei hlâta a sawchapaw tlyma, a sawchanô tlyma kyh a pachâ viapa chhao, ei chyhsa tlâh châ vei.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

ZAWHÂNA 14:21

Ahy rai ei biepiepazy hnei ta, a zyhpa cha, ano cha kyh nâ pachâtuhpa a châ. Ahy rai kyh nâ pachâpa cha ei Paw ta a kyh a pachâ aw. Kei chhao ano kyhpachâ aw na ta, a hnohta ei luah aw,” tah ta.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 15:24

Mohropa ahy hmah tao beih leipa hmozy ama hry liata tao lei paw sah la, moleina vâta thaileichâpa ta ama y lei awpa tlai. Tahmâ deikua cha, kei nata ei Paw miah hmô ha ei ta, eima pano ta miah amâ hao haw.

ZAWHÂNA 16:14

Kei eih la aw ta, nama hnohta a phuah awpa vâta, ano ta kei eina parônahsa aw.

ZAWHÂNA 8:42

Zisu ta ama hnohta, “Khazohpa cha nama Paw a châ khiahta cha, kei he Khazohpa tawhta a puapa nata ano tawhta a vypa ei châpa vâta, kyh eina pachâ aw ei chi. Keima rei ta a vypa châ va na, ano ta eina tuapa tlao a châ.

HMOTAOPAZY 23:14

Theihthai beizy nata machâzy lâ vawh ei ta, “Pawla eima thie hlâlei cha khâpa hmah nie lei awpa ta â i ngaitapa ta bie eimâ taih haw.

RAWMA 9:3

Ei unawhzy, sapa lâta ei chiheihzy châna heta, kei he chhiesapa ta ypa ta, Krista tawhta chhawh pathlahpa ta y aw sah la ei tah tyh.

1 KAWRINI 12:3

Chavâta he he nama pahno awpa ei khoh: Khazohpa Thlahpa chhihthapa ta bie a reihtuhpa ta, “Zisu cha chhiesapa a châ!” tah beih vei. Ahy hmahta Thlahpa Pathaihpa chhihthana dei leipa ta cha, “Zisu cha Abeipa a châ,” tah thei veih ei.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

EPHESI 6:24

Kyhpachâna dia beih leipa ta eima Beipa Zisu Krista kyh pachâtuhpa zydua hnohta ngiachhiena y mawh sy.

PHILIPI 4:5

Nama nôphana cha chyhsa zydua pahnopa châ mawh sy. Abeipa cha â hnia haw.

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,

1 PITY 2:7

Chavâta Krista cha nâmo, ngiapâtuhpazy châta hmo sôh ngaitapa châ ta, ngiapâleipazy châta deikua cha, “O satuhpazy kho leipa alô cha, A ki liata alô phahnai chaipa a vaw châ haw;

1 ZAWHÂNA 4:19

Ano ta kyh miah a pachâ tuapa vâta a kyh eima pachâ hra.

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.

BIEPHUAH 22:20

He biezy a reihtuhpa ta, “Ei vy patoh tlai aw,” a tah. Amen. A vy mah y, Beipa Zisu!