1 KAWRINI 16:19 - Mara Bible RV (BSI)

¹⁹ Asia râh Awnanopazy ta ama châ naoh. Akuilâ nata Priskilâ nata ama o liata Awnanopa a pakhypazy ta Abeipa liata palôh hmeiseihpa ta ama châ naoh.

1 KAWRINI 16:19 ပူးပေါင်းရင်းမြစ်များ

HMOTAOPAZY 16:6

Thlahpa Pathaihpa ta Asia râh liata bie chho awpa a pakhâ hapa vâta, Pharuzia nata Kalatia râhzy chahry ei ta.

HMOTAOPAZY 18:18

Cha hnôhlâ ta, Pawla cha Kawrini liata bohpi y via ta, cha khai tawhta unawhzy cha reih phapa ta a chhaih ta, cha tawhna chata Suria râh lâ balyh ta sie ta. Priskilâ nata Akuilâ chhao a hnohta sie hra ei ta. Pawla cha a bietai a patlô hapa vâta, Kenkaria khih liata a sâ a ngyu ta.

HMOTAOPAZY 18:2

Cha liata Akuilâ ama tahpa Zu chyhsa pakha hmô ta. Cha chyhsa cha Pawntu râh liata a pihpa châ ta, Klaudia ta Zu chyhsa zydua Rawma khih tawhta pua awpa ta bie a piepa vâta, a lapinô Priskilâ nata Itali râh tawhta atlia ta a vaw tlôpa ama châ. Pawla cha âmo a hmô awpa ta vawh ta.

HMOTAOPAZY 18:26

Pakhyna o liata riahpha ngaitapa ta bie reih ta. Priskilâ nata Akuilâ ta a biereipa cha ama thei nahta, ama o lâ a chhi ei ta, Khazohpa lâpi a sia viapa ta chhopasia ei ta.

HMOTAOPAZY 19:10

Cha hawhna chata kô no chhôh tao ta, chatanachata Asia râh liata a ypa Zuzy nata Krikâh zydua ta Abeipa bie thei ei ta.

HMOTAOPAZY 2:9

Pâthia mozy, Media mozy, Elâmi mozy, Mesôpôtamia râh liata a ypazy, Zudia râh liata a ypazy, Kâpadôkia râh liata a ypazy, Pawntu râh liata a ypazy, Asia râh liata a ypazy,

RAWMA 16:15

Philôkâ, Zulia, Neria nata a sietanô nata Ôlipâ nata ama hnohta mopathaihpa a ypa zydua kha nâ naohpa muh vy.

KAOLAOSÂ 4:15

Laodisi khih liata unawhzy kha nâ naohpa u la, Nypha nata a o liata a pakhypa Awnanopa chhao kha nâ naohpa muh vy.

2 TIMAWTHY 4:19

Priskilâ nata Akuilâ nata Ônesiphôrâ chhôhkhazy kha nâ naohpa mah y.

PHILEMAW 1:2

eima sietanô Aphia, eima pheisaih châ lâhpa Akhipâ nata na o liata Awnanopa a pakhypa zy eima châ naoh.

1 PITY 1:1

Zisu Krista lyuhchâpa Pity ta Pawntu, Kalatia, Kâpadôkia, Asia nata Bithunia râhzy liata paipatlapa ta a ypa atlyhpa sahlao,

BIEPHUAH 1:11

“Kei he Alphâ nata Ômekâ, âthaona nata achhâna ei châ. Na hmo hmôpa kha châbu liata roh la, Awnanopa hlao sarizy, Ephesi, Smynâ, Pekamu, Thiatirâ, Sadisâ, Philadelphia nata Laodisi Awnanopazy lâ paphao mah y,” a tahpa thei na ta.