1 KAWRINI 16:1 - Mara Bible RV (BSI)

¹ Mopathaihpazy châta thyuna kyh kha he hawhta a châ. Kalatia râh Awnanopazy hnohta bie ei piepa hawhta, nâmo chhao vaw tao hra teh u.

1 KAWRINI 16:1 ပူးပေါင်းရင်းမြစ်များ

HMOTAOPAZY 11:28

Ama hry liata pakha a moh Akabâ ama tahpa a duah ta, Thlahpa pahnosapa ta khizaw zydua liata chakâh mozoh a tlô awpa kyh chhochhielie ta. Cha chakâhna cha Klaudia â bei nota a vaw tlôpa a châ.

HMOTAOPAZY 11:30

Amâ chhuahpa hawhna chata tao ei ta, machâzy lâta Bânabâ nata Sawla ku liata paphao ei ta.

HMOTAOPAZY 16:6

Thlahpa Pathaihpa ta Asia râh liata bie chho awpa a pakhâ hapa vâta, Pharuzia nata Kalatia râhzy chahry ei ta.

HMOTAOPAZY 18:23

Cha liata khachâ rakha tlyma a y tawhta, sie heih ta, pachupa sahlao zydua thapatlô laihpa ta, Kalatia râh nata Pharuzia râhzy chahryh ta.

HMOTAOPAZY 24:17

Kô hluhpi a khô tawhta, ei chiheihzy deichhyna hmo pie awpa nata atheihna hlâ awpa ta a vy na ta.

HMOTAOPAZY 9:13

Anania ta a chhy ta, “Abeipa, cha chyhsa kyh cha chyhsa hluhpi tawhta ei thei mâh tâh. Zerusale liata na mopathaihpazy chô liata hmo chhiepa thata a taopa kha a châ.

HMOTAOPAZY 9:41

Pity ta a ku hlâ ta, Tâbi cha pathyu ta. Mopathaihpazy nata nôhmeizy cha aw ta, Tâbi cha a hrohpa ta âmo pahmô ta.

RAWMA 12:13

Mopathaihpa a phahlapazy deichhy u la, khichhai pasô muh vy.

1 KAWRINI 11:34

Namâ pakhyna cha thaileichâna a châ pathlei lei nawpa ta, ahy rai a nodi khiahta cha, o liata nie ha mawh sy. Hmo hropa kyhzy cha, ei vy tita ei pasia aw.

1 KAWRINI 16:15

Unawh saih u, Stiphanasâ chhôhkhazy kha Akai râh liata Krizyhpa hmiatuapa châ ei ta, mopathaihpazy chakaona raihria liata â pie pasai ngaitapa ama châzie nama pahno.

1 KAWRINI 4:17

Cha vâna chata Abeipa liata ei saw kho ngaitapa nata ngâchhihpa Timothy nâmo lâ ei vaw tuah. Ano ta Krista liata ei yzie nata su to nata Awnanopa to liata ei pachu tyhzie zy a cha chho aw ei.

KALATIA 1:2

ei hnohta unawh a ypa zydua ta Kalatia râh liata Awnanopazy eima châ naoh.

KALATIA 2:10

Dyhchhiepazy a thei awpa deikua miah amâ haw. Cha hmo cha tao ei chhuah tyhpa tlai a châ.

PHILEMAW 1:5

Abeipa Zisu nâ ngiapâna nata mopathaihpa zydua kyh na pachâzie zy vaw thei na ta,

PHILEMAW 1:7

Unawh y, nâma zawhzi ta mopathaihpazy palôh pathiehpa ta y ta, na kyhpachâna ta alyna nata thlalôhna thata eina pie.

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

1 ZAWHÂNA 3:17

Chyhsa ta khizaw sôh hnei thlâh ha tlôh ta, a unawhpa a phahlapa hmô sala, thapasana a hnei leipa khiahta cha, Khazohpa kyhpachâna cha ano liata kheihta a y thai aw?