1 KAWRINI 15:6 - Mara Bible RV (BSI)

⁶ Cha khai tawhta unawh za pangawh hlâta hluh via hnohta ei kha tlai ta a luah ta, chazy hry liata thokha cha a mô ha hra ei sala, a hluh via syulyu cha ama hroh thlâh ha chy.

1 KAWRINI 15:6 ပူးပေါင်းရင်းမြစ်များ

MATHAI 28:10

Zisu ta ama hnohta, “Chi khah u. Sie u la, ei unawhzy hnohta Kâlili lâ sie awpa ta kei chho teh u. Cha liata eina hmô aw ei,” tah ta.

MÂKA 16:7

Sie u la, a pachupazy nata Pity hnohta, ‘Nama hnohta a reipa hawhna tlai khata, nama hmia lâta Kâlili lâ a sie hai, cha liata nama hmô aw,’ tahpa ta kei chho teh u,” tah ta.

HMOTAOPAZY 13:36

“Dâvi cha Khazohpa hmochhuahpazy ano chhâ liata a chakao khai tawhta, a mô ta, a pathlatuhpazy hnohta paziapa châ ta, a thuzao khai haw.

HMOTAOPAZY 7:60

A pakhu paneih ta, ao paro ngaitapa ta, “Abeipa y, he ama moleina maoh he âmo paphaosa khah y,” tah ta. Cha bie cha a rei khai nahta, a mô ha ta.

1 KAWRINI 15:18

Krista liata a môpazy ama leidia haw tahna a châ hra aw.

1 KAWRINI 15:20

Châhrasala Krista cha athihpazy hry tawhta pathyupa ta a y hmeiseihpa a châ, a môpazy thyuheihna hmia a sahtuhpa a vaw châ haw.

1 THYSALAWNIKA 4:13

Unawh saih u, hnabeiseihna rai a hnei leipa mohropazy hawhta nama pachâ a rôh lei nawpa ta, a môpazy thâtih nama pahno lei awpa khoh ma pi.

1 THYSALAWNIKA 4:15

Cha cha Abeipa bie tawhta nama hnohta eima reipa kha a châ. Keimo Abeipa â vyna taihta ahrohpa ta a ypazy pi heta, a môpazy cha chhao cheita aw ma pi.

2 PITY 3:4

“Â vy heihna bietai cha khataih liata a y haw? Pathlatuhzy amâ mô tawh chhao ta, hmotaopazy tao tua nota ama yzie ualua ta hmo to zydua ama y thlâh he zaw” ama tah aw.