1 KAWRINI 15:58 - Mara Bible RV (BSI)

⁵⁸ Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

1 KAWRINI 15:58 ပူးပေါင်းရင်းမြစ်များ

2 THÂTIHZYRONA 15:7

Châhrasala nâmo la thatlôpa ta y u la, nama ku tha pachhâ khuh vy. Nama hmotaopa lymâ nama hmô aw,” tah ta.

NEHEMIAH 6:4

Ama rei hmopa pyly cha ei palih dua na vaw pachhosa ei ta, ei chhy tyhpa hawhta ei chhy lymâ ei.

HLAZY 112:6

Mosiapa cha a chalyu beih leipa aw ta, Chhâzaw ta a thei thlâhpa a châ aw.

HLAZY 19:11

Chazy chata châ chakaotuhpa he zikyu nâ râ chi ta, Chazy a zyhpa cha lymâ rônahpa a dao aw.

HLAZY 55:22

Na phaohri Abeipa liata pachhô la, Ano ta tha a cha patlô aw; Mosiapa cha pao pasaih beih aw vei.

HLAZY 73:13

Hraoleipa ta ei palôh pathaisa na ta, Seina hnei lei awpa ta hraoleipa ta ei ku ei si tyh.

HLAZY 78:37

Ano liata ama palôh a i leipa ta, A biehrai liata ngâ a chhih veih ei.

HLAZY 78:8

Âmo pathlatuhpazy hawhta, Chhorupa nata dyuhtuhpa châ leipa aw ei ta, Palôh a i leipa chhâ lyu leipa aw ei ta, Khazohpa châta thlahpa ngâchhih leipa hawhpazy châ aw veih ei.

BIESOZY 21:21

Siana nata ngâchhihna a chadaipa cha, Hrona, siana nata zana a hmô aw.

MÂKA 3:3

Zisu ta kusypa hnohta, “A duah teh,” tah ta.

LUKA 19:19

Zibeipa ta a hnohta, ‘Nâ chhao khih pangawh chô liata hyutuhpa ta y mah y,’ tah ta.

1 KAWRINI 16:10

Timawthy a vaw tlô tita, nama hry liata kâchhie leipa ta paysa muh vy. Kei hawhta Abeipa rai a hria haipa a châ.

1 KAWRINI 3:8

A lohtuhpa nata ti a baotuhpa cha miakha ama châ. Ama hriapasazie hawhta lymâ ama hmô chyu aw.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

KALATIA 4:11

Nama châta thazâh ei pahryuh thlâhthli aw tahpa ei chi kaw.

KALATIA 6:9

Hmo pha tao ai khah ei suh u. Eima diathlâ leipa khiahta la, a daihtita liata a thei eima hria aw.

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

PHILIPI 1:9

Nama kyhpachâna pôh via rili sala, novâhna nata pahnona zydua liata nama laiseih thei nawpa ta thlah ei chhâ tyh.

PHILIPI 2:16

Hrona bie khâchâ patu teh u. Chatanachata hraoleipa ta a râpasuapa nata hraoleipa ta a hriapasapa châ va na tahpa Krista noh liata ei palaikhei thei aw.

PHILIPI 2:30

Nâmo ta eina deichhy awpa vyuhpa nata namâ phahlanazy pabie awpa ta, a hrona sokhâhpa ta na chakao ta, Krista raihria vâta a thi daihmâpa a châ.

PHILIPI 4:17

Hmopiepa a tluapa châ leipa na ta, nama lymâ a papôh awpa theilâpa a tluapa tlao ei châ.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 2:5

Nama hnohta ei pôhpa ta y vei hraw sah la, thlahpa ta nama hnohta y tyh na ta, namâ mohôhna siazie nata Krista ngiapâna liata namâ izie zy ei hmôpa ta eina palysa ngaita.

KAOLAOSÂ 2:7

ano liata thari thlapa ta a duah u la, pachuna nama daopa hawhna khata ngiapâna liata â i ngaitapa ta ypa ta, alyna bie reih tyh muh vy.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

1 THYSALAWNIKA 3:12

Kyh eima cha pachâpa hawhna heta, nâmo chhao chyhsa to kyh nama pachâ thei nawpa nata nâmo nata nâmo kyh namâ pachâ raihrie thei nawpa ta, Abeipa ta nama kyhpachâna papôhsa sala, kyhpachâna liata cha pahneirôhsa mawh ei sy.

1 THYSALAWNIKA 3:3

Pasa taonazy vâna heta ahy hmah a chalyu khuh vy. He hawhta pasa tao awpa ta raopa eima châ tahpa nâmo chhao ta nama pahno.

1 THYSALAWNIKA 3:5

Cha vâna chata, reipasaotuhpa reipasaona vâta hmah eima hriapasana kha hraoleipa châ pathlei lah tahpa chi na ta, ei tao thei khao leipa vâta, namâ ngiapâna duahmo pahno awpa ta chyhsa ei vaw tuahpa a châ.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

2 THYSALAWNIKA 1:3

Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 13:21

a khopa nama tao thei nawpa ta hmo pha to ta cha tobi ei sala, a mohmô liata â lynazie ta nama y lymâ thei nawpa ta, Zisu Krista zawhzi ta nâmo liata hria lymâ sala, Zisu Krista hnohta chhâzaw nata tlyzaw ta rônahna y mawh sy. Amen.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

2 PITY 3:14

Chavâta kho ngaitapa saih u, cha hmozy a hâtuhpa nama châpa vâta, apuapa a bai leipa nata seina hnei leipa ta, thlalôhpa ta nama ypa a cha hmô thei nawpa ei ta, tiama papua teh u.

RUTHI 1:18

Naomi ta Ruthi cha a hnohta sie awpa khâchâ â chhuah hapa a hmô nahta, khâpa hmah reih khao vei.