1 KAWRINI 15:57 - Mara Bible RV (BSI)

⁵⁷ Châhrasala eima Beipa Zisu Krista zawhzi ta pahniena miah pietuhpa Khazohpa cha reithaipa ta y mawh sy.

1 KAWRINI 15:57 ပူးပေါင်းရင်းမြစ်များ

2 ABEIZY 5:1

Aramia bei pheisaih hyutuhpa Nâmâ cha Abeipa ta Aramia mo pachhatuhpa ta a hmâ tyhpa vâta a zibeipa pachâna liata chyhsa zachhih ngaitapa nata mody kawpa châ ta. Ano cha chyhsa thatlôpa nata riahphapa châ ta, anodeikua phawhpa châ ta.

1 THÂTIHZYRONA 22:11

“Chavâta ei sawchapawpa y, Abeipa na hnohta y mawh sy. Thlaochhipa ta y lymâ la, Abeipa ta na kyh a vaw rei chhielie hapa hawhta, hlaotloh kawpa ta Abeipa na Khazohpa o cha sa mah y.

HLAZY 98:1

Abeipa lâ hla thiehpa sa teh u! Ano cha hmonoâhpazy taotuhpa châ ta, A ku chachâh lâ nata a bâh pathaihpa ta pahniena a to haw.

BIESOZY 21:31

Arâ cha adyuhna noh châta a mâ chiehpa ta y ta, Pahniena deikua cha Abeipa eih a châ.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

HMOTAOPAZY 27:35

Cha bie cha a rei khai nahta, viahchhâ la ta, chyhsa zydua hmiakô liata Khazohpa lâta alyna bie reih ta, pachhaih ta, nie ta.

RAWMA 7:25

Zisu Krista eima Beipa vâta Khazohpa cha reithaipa ta y mawh sy! Kei tlai chhao cha, ei palôh ta Khazohpa ryhpa chakao ta, ei sapa ta deikua cha, moleina ryhpa ei vaw chakao ha tyh.

RAWMA 8:37

Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

1 KAWRINI 15:51

Nathlie teh u, bienyupa ei cha chho ei. Eima zydua ta a mô khai leipa aw pi ta, châhrasala pananopa ta eima y khai aw.

2 KAWRINI 1:11

Chyhsa hluhpi thlahchhâna vâta byhnâ to pi ta, chyhsa hluhpi ta keimo vyuhpa ta alyna bie ama rei thei nawpa ta, thlahchhâ miah bao muh vy.

2 KAWRINI 2:14

Krista liata pahniena ta khâ miah a chhituhpa nata keimo hmâpa ta su to liata ano pahnona ropahâhpa a patheisatuhpa Khazohpa cha reithaipa ta y mawh sy.

2 KAWRINI 9:15

A hmosaipiepa rei tiah leipa vâta Khazohpa hnohta alyna bie y mawh sy!

EPHESI 5:20

Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.

BIEPHUAH 21:4

Ama mo liata mothlih zydua a hru khai aw. Hmo parohpazy a lei hapa vâta, thina y khao leipa aw ta, mâchhiesana, chana nata pasana zy y khao aw vei,” tahpa ta a reipa thei na ta.