1 KAWRINI 15:56 - Mara Bible RV (BSI)

⁵⁶ Thina châmaih cha moleina châ ta, moleina hmotaotheina cha ryhpa bie a châ.

1 KAWRINI 15:56 ပူးပေါင်းရင်းမြစ်များ

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

ZAWHÂNA 8:21

Chatawhcha ama hnohta, “Sie aw na ta, eina tlua aw ei chi. Nama moleina liata nama thi aw. Nâmo la ei sie nawpa lâ vaw sie thei aw veih ei chi,” tah heih ta.

ZAWHÂNA 8:24

Chavâta nama moleina liata nama thi aw, ei cha tahpa ei a châ. Kei he Mesia ei châ tahpa nama zo leipa khiahta la, nama moleina liata nama thi aw,” tah ta.

RAWMA 4:15

Ryhpa ta pathiiana tlôkhei tyh ta, ryhpa y leina liata paraona y vei.

RAWMA 5:15

Châhrasala hmosaipiepa cha moleina nata a lyu vei. Chyhsa pakha moleina vâta hmahta chyhsa hluhpi ama thi khiahta cha, Khazohpa ngiachhiena nata chyhsa pakha, Zisu Krista ngiachhiena hmosaipiepa chhochhi cha, chyhsa hluhpi chô liata vaoheipa ta a y tlai aw.

RAWMA 5:17

Chyhsa pakha moleina vâta, cha chyhsa pakha vâta hmahta thina ta ryu a reih khiahta cha, chyhsa pakha, Zisu Krista vâta ngiachhiena hluh ngaitapa nata siana hmosaipiepa a daotuhpazy chhochhi ta cha, hrona liata ryu ama reih tlai aw.

RAWMA 5:20

Moleina pôh nawpa ta ryhpa vaw y ta, châhrasala moleina a pôhna lia maihta ngiachhiena a pôh via rili.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.