1 KAWRINI 15:42 - Mara Bible RV (BSI)

⁴² Athihpa thyuheihna chhao, cha hawhta a châ. Pabupa cha thu theipa châ ta, pathyupa cha thu thei leipa a châ.

1 KAWRINI 15:42 ပူးပေါင်းရင်းမြစ်များ

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

ZAWBÂ 17:14

Khaohtlô hnohta, ‘Ei paw na châ,’ tahpa ta, Châkariepa hnohta, ‘Ei nô, ei sietanô,’ ei tah khiahta cha,

HLAZY 16:10

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

HLAZY 49:14

Mietakuzy hawhta Athihkhih châta raopa châ ei ta, Thina cha âmo vaituhpa châ aw ta, Chyhsa dopazy ta my ta ama chô liata ryu ama reih aw. Ama o rônahpazy siesai aw ei ta, Athihkhih ta ama piziezy a parao khai ha aw.

HLAZY 49:9

Chhâzaw ta hroh ta, Thlâkhaoh hmô beih lei awpa ta ma â pachâ tly?

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

DÂNIAH 12:3

A sopazy cha avâ khaihpa hawhta khaih aw ei ta, chyhsa hluhpi siana lâta a paheisatuhpazy cha awhsi hawhta chhâzaw nata tlyzaw ta ama khaih aw.

MATHAI 13:43

Chyhsa siapazy deikua cha, ama Paw khinarâh liata noh hawhta ama khaih aw. Nakhaoh a hneipa ta thei mawh sy.

HMOTAOPAZY 2:27

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

HMOTAOPAZY 2:31

Chavâta Mesia thyu heih nawpa kyh hmô chhielie ta, Zisu cha Athihkhih liata siesaipa ta y leipa aw ta, a sapa chhao a thuzao lei awpa kyh a vaw rei chhielie hapa a châ.

RAWMA 1:23

Chatanachata thi thei leipa Khazohpa rônahna cha, thi theipa chyhsazy, pavawzy, phei palihpa sazy nata alyhpasa nothlahpazy hawhta ama pachâsa haw.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

RAWMA 8:21

Hmotaopazy tlai chhao cha thu theina sei tawhta papuapa châ aw ei ta, Khazohpa sawzy khotalaina rônahpa liata amâ ngia hra aw.

1 KAWRINI 15:41

Noh rônahna cha a nano ta, thlâpâ rônahna chhao â nano. Awhsizy rônahna a nano ta, awhsi nata awhsi chhao ama rônahna a lyu vei.

KALATIA 6:8

Ano sapa châta chi a tupa cha, sapa thina thei hria aw ta; Thlahpa châta chi a tupa cha, chhâzaw hrona Thlahpa thei a hria aw.

1 PITY 1:4

ryuto rao thei leipa, apuapa a hlao leipa nata lo beih leipa vârâh liata a cha sopa ei.