1 KAWRINI 15:34 - Mara Bible RV (BSI)

³⁴ Siana lâta a hra u la, molei khao khuh vy. Thokha cha Khazohpa pahnona rai hnei veih ei chi. Nama maophyuh nawpa ta he bie he ei reih.

1 KAWRINI 15:34 ပူးပေါင်းရင်းမြစ်များ

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 4:4

Nama hiehâh sala, Molei deikua molei khuh vy; Nama rakhô chô liata nama palôh ta pachâ u la, A chalihsai thlâh ha muh vy. Selah

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

ZÔELA 1:5

Nâmo, a paripazy saih u, Thyu u la, cha teh u; Kresawhti a dohpazy saih u, Kresawhti thlôhpa vâpa ta a hrô teh u; Nama pakah tawhta la hapa a châ hih.

ZAWNA 1:6

Balyh hyutuhpa cha ano lâ a vy ta, a hnohta, “Nâ a môpa, kheihtazie ta e? Thyu la, na khazoh pado teh! Khazoh chata eima leidia lei nawpa ta, miah a pachâ ngyu aw mâh tâh,” tah ta.

MATHAI 22:29

Zisu ta âmo cha a chhy ta, “Biehrai nata Khazohpa hmotaotheina nama pahno leipa vâta nama pachâpasipa a châ.

ZAWHÂNA 5:14

A noh hropa ta Zisu ta ano cha Achhyna o liata hmô ta, a hnohta, “Moh teh, na tlâh ha hih! Molei khao khah y. Chataleipatala hmopha lei viapa na chô liata a vaw tlô pathlei aw na,” tah ta.

ZAWHÂNA 8:11

Chanô ta, “Abeipa, thailei nâ pachâsapa ahy hmah y veih ei,” tah ta. Zisu ta, “Kei chhao ta thailei cha pachâsa va na. Sie la, tahmâ tawhta la molei khao khah y,” tah ta.

HMOTAOPAZY 26:8

Khazohpa ta athihpa a pathyu tahpa he, khazia zo chhih leipa hmo ta nama rao tly?

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 13:11

Tahmâhlâ hmo yzie pahno ei chi ta, amôpa thyu â daih haw tahpa nama pahnopa vâta cha cha ei reih. Tahmâ cha eimâ ngiapâ tua no hlâta eima pachhana a hnia via ha tlôh ta.

1 KAWRINI 4:14

Nama noza nawpa ta he biezy he ei ropa châ vei, ei saw kho ngaitapazy hawhta cha chhorei nawpa ei ta ei ropa a châ.

1 KAWRINI 6:5

He bie he nama noza nawpa ta ei reipa a châ. Unawhzy likah liata biepeipa a pathlâ thei awpa pakha hmah nama hry liata ama y leipa a châ ngyu aw!

1 KAWRINI 8:7

Cha pahnona cha chyhsa zydua ta hnei veih ei. Chyhsa thokha cha nothlahpa a chhy tyhpa ama châpa vâta, nothlahpa lâ hlâ hapa hawh tlai ta pachâpa ta nie ei ta, ama chhie nata pha pahnona a thatlô leipa vâta, pathaih leipa hawhta pachâpa ama a châ.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.

1 THYSALAWNIKA 4:5

Khazohpa a pahno leipa Zenitaizy hawhta parâna liata a hmâh khuh vy.