1 KAWRINI 15:32 - Mara Bible RV (BSI)

³² Chyhsapa lâ tawhta reipa ta la, Ephesi khih liata sahrâhpazy nata eimâ tupa kha, ei châta khâpa a phahnai aw? Athihpazy pathyupa ama châ vei khiahta cha, “Mylâ thi tlôh aw pi ta, Chavâta nie sih la, doh suh u.”

1 KAWRINI 15:32 ပူးပေါင်းရင်းမြစ်များ

ZAWBÂ 35:3

Châhrasala, ‘Khâpa athôhna ma ei hnei,’ tah heih chi ta, ‘Molei leipa ta ei ypa ta khâpa ma eina phahnai?’ na tah heih tlôh.

HLAZY 73:13

Hraoleipa ta ei palôh pathaisa na ta, Seina hnei lei awpa ta hraoleipa ta ei ku ei si tyh.

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

BIECHHOTUHPA 2:24

Chyhsapa châta, niepa ta doh ta, a hriapasana liata alyna hneipa hlâta a pha viapa y vei. Cha chhao cha Khazohpa tawhta a châ tahpa ei hmô haw.

ISAI 22:13

Châhrasala moh teh u, Alyna nata thaphana daihti ta tlao hmâh ei ta, Viahchao nata mietaku zy thiepa ta, Sa niepa ta kresawhti doh ei ta, “Nie sih la, doh suh u, Mylâ a thi awpa tlâ eima châ hih,” ama tah.

ISAI 56:12

“A vy teh u, kresawhti vaw cheih aw na ta, Sahma ta a pabie tua ei si; Mylâ chhao tanoh hawhna heta a châ heih aw, He hlâ chhao ta hmah a pha via syulyu aw,” Ama tah tyh.

LUKA 12:19

Chatawhcha ei thlahpa hnohta, “Thlahpa y, kô hluhpi chhôh châta hmo hluhpi nâ pachô haw. A pahâ la, nie la, doh la, thaphapa ta y mah y,” ei tah aw,’ tah ta.

LUKA 9:25

Chyhsa ta khizaw he a pôhpalôhpa ta hnei sala, anosasyh a pahleipa ta â parao tlôh khiahta cha, a châta khâpa a phahnai aw.

HMOTAOPAZY 18:19

Ephesi khih tlô ei ta, cha liata âmo cha siesai ta. Pawla deikua cha pakhyna o liata a ngia ta, Zuzy cha Biehrai a laichadaikhei ta.

HMOTAOPAZY 18:21

“Khazohpa ta a pasaih khiahta cha, nâmo lâ ei vy heih aw,” tahpa ta reih phapa ta âmo cha siesai ta, Ephesi tawhta balyh ta sie ha ta.

HMOTAOPAZY 19:1

Apawlôsâ Kawrini liata a y chhôh ta Pawla cha tlâh râh chahryh ta, Ephesi tlô ta. Cha liata pachupa thokhazy hmô ta.

RAWMA 3:5

Châhrasala keimo sialeina ta Khazohpa siana a palâsa khiahta cha, khâpa eima reih khao aw? Eima chô liata a hiehâhna a patlôsana kyh liata, Khazohpa cha sialeipa a châ ma? Cha cha chyhsapa lâ tawhta ei reipa a châ.

RAWMA 6:19

Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

1 KAWRINI 16:8

Châhrasala Pentikaws noh taih cha Ephesi khih liata ei vaw y chy aw.

KALATIA 3:15

Unawh saih u, pamosa nawpa ta, chyhsapa taozie ei reih tua aw: Chyhsa taopa biehrai hmahta pa-i hapa cha, phie beih leipa ei ta, baichha beih hra veih ei.

2 PITY 2:12

Âmo deikua cha, pachâna a hmâh thai leipa râhsa, patuapaluana a hnei leipa hmohrohneipazy hawhta châ ei ta, patu awpa nata pahleipadia awpa ta a pihpazy ama châ. Ama pahno leipa kyhzy reipachhie ei ta, râhsazy hawhta âmo chhao pahleipadiapa ama châ hra aw.

ZUDÂH 1:10

Cha chyhsazy deikua chata ama pahno leipa maih reipachhie ei ta, pachâna a hnei leipa sazy ta ama pikheipa pahnona ama zi thlâhpa hawhta, âmo chhao ama pikheipa pahnona zi hra ei ta, cha chata a pahleipadia ha ei.